ಭಿಕೆ ದುರುಂತ ನಾಯಕ
15ನೇ ನಿಮಿಷದಲ್ಲಿ ಬೆಂಗಳೂರು ಪಾಲಿಗೆ ರಾಹುಲ್ ಭಿಕೆ ದುರುಂತ ನಾಯಕರೆನಿಸಿದರು. ಮಾರ್ಸೆಲೋ ನೀಡಿದ ಪಾಸ್ ಅನ್ನು ಮಿಂಚಿನ ವೇಗದಲ್ಲಿ ಕೊಂಡೊಯ್ದ ಸ್ಟಾನ್ಕೋವಿಕ್ ರಾಬಿನ್ ಸಿಂಗ್ ಅವರಿಗೆ ನೀಡುವ ತವಕದಲ್ಲಿದ್ದರು. ಅದೇ ರೀತಿ ಅವರು ತುಳಿದ ಚೆಂಡು ಗೋಲ್ಬಾಕ್ಸ್ಗೆ ಹೋಗುತ್ತದೆ ಎಂದು ಭಿಕೆ ಅಚಾನಕ್ ಆಗಿ ಕಾಲು ಅಡ್ಡ ನೀಡಿದರು. ಗೋಲ್ಕೀಪರ್ ಗುರ್ಪ್ರೀತ್ ಸಿಂಗ್ ಚೆಂಡನ್ನು ತಡೆಯಲು ಸಜ್ಜಾಗಿದ್ದರೂ ಅವರ ನಿರೀಕ್ಷೆಗಿಂತ ಮೊದಲೇ ಚೆಂಡು ಗೋಲ್ಬಾಕ್ಸ್ ಸೇರಿತ್ತು. ರಾಹುಲ್ ಭಿಕೆ ಹತಾಶೆಯಿಂದ ಆಕಾಶ ನೋಡಿದರು. ಪುಣೆಗೆ ಸಮಬಲದ ಸಂಭ್ರಮ.
ಬೆಂಗಳೂರಿಗೆ ಮುನ್ನಡೆ
ಅಂಗಣದಲ್ಲಿ ಮಿಂಚಿನ ವೇಗದಲ್ಲಿ ಚಲಿಸುವ ಉದಾಂತ್ ಸಿಂಗ್ 11ನೇ ನಿಮಿಷದಲ್ಲಿ ಗಳಿಸಿದ ಗೋಲಿನಿಂದ ಆತಿಥೇಯ ಬೆಂಗಳೂರು ಮೇಲುಗೈ ಸಾಧಿಸಿತು. ಹರ್ಮನ್ಜಿತ್ ಖಬ್ರಾ ಕಾರ್ನರ್ನಿಂದ ನೀಡಿದ ಪಾಸ್. ಅದನ್ನು ಉದಾಂತ್ ಸಿಂಗ್ ಅತ್ಯಂತ ಮಿಂಚಿನ ವೇಗದಲ್ಲಿ ಗೋಲ್ಬಾಕ್ಸ್ ಕಡೆಗೆ ಕೊಂಡೊಯ್ದು ಗೋಲ್ಬಾಕ್ಸ್ಗೆ ಗುರಿ ಇಟ್ಟು ತುಳಿದರು. ಪುಣೆಯ ಕೀಪರ್ಗೆ ತಡೆಯಲು ಯಾವುದೇ ಅವಕಾಶ ಇರಲಿಲ್ಲ. ಇದರೊಂದಿಗೆ ಬೆಂಗಳೂರು 1-0 ಅಂತರದಲ್ಲಿ ಮುನ್ನಡೆ ಕಂಡಿತು.
44ನೇ ಪಂದ್ಯದಲ್ಲಿ ಮುಖಾಮುಖಿ
ಇಂಡಿಯನ್ ಸೂಪರ್ ಲೀಗ್ನ 44ನೇ ಪಂದ್ಯವನ್ನಾಡಲು ಬೆಂಗಳೂರು ಎಫ್ ಸಿ ಹಾಗೂ ಪುಣೆ ಸಿಟಿ ತಂಡಗಳು ಮುಖಾಮುಖಿಯಾದವು. ಬೆಂಗಳೂರಿ ಹಾಗೂ ಪುಣೆ ನಡುವಿನ ಸಾಮರ್ಥ್ಯವನ್ನು ಹೋಲಿಸಿದರೆ ಕಪ್ಪು ಬೆಳುಪಿನ ವ್ಯತ್ಯಾಸವಿದೆ. ಬೆಂಗಳೂರು ತಂಡದ ಡಿಫೆನ್ಸ್ ವಿಭಾಗ ಉತ್ತಮವಾಗಿದ್ದು, ಕೇವಲ ಐದು ಗೋಲುಗಳನ್ನು ನೀಡಿದೆ. ಅಲ್ಲದೆ ಮೂರು ಕ್ಲೀನ್ ಶೀಟ್ ಸಾಧನೆ ಮಾಡಿದೆ. ಬೆಂಗಳೂರು ಅಟ್ಯಾಕ್ ಜತೆಯಲ್ಲಿ ಡಿಫೆನ್ಸ್ ಆಟವನ್ನೂ ಪ್ರರ್ದಶಿಸಿದೆ. ಗೋಲ್ಕೀಪರ್ ಗುರ್ಪ್ರೀತ್ ಸಿಂಗ್ ಸಂಧೂ ಬೆಂಗಳೂರಿನ ಇದುವರೆಗಿನ ಜಯ ಹಾಗೂ ಕ್ಲೀನ್ ಶೀಟ್ನಲ್ಲಿ ಪ್ರಮುಖ ಪಾತ್ರವಹಿಸಿದ್ದಾರೆ.
ಪುಣೆ ದುರ್ಬಲ
ಪುಣೆ ಸಿಟಿ ತಂಡದ ಶಕ್ತಿ ಬೆಂಗಳೂರಿಗೆ ಹೋಲಿಸಿದರೆ ಅದು ದುರ್ಬಲವಾಗಿದೆ ಎಂಬುದು ಸ್ಪಷ್ಟ. ಆದರೆ ಪ್ರತಿಯೊಂದು ಪಂದ್ಯವೂ ಆ ದಿನದ ಶಕ್ತಿಯನ್ನು ಆಧರಿಸಿದೆ ಎಂಬುದು ಸ್ಪಷ್ಟ. ಪುಣೆ ತಂಡ ಎದುರಾಳಿ ತಂಡಕ್ಕೆ ಇದುವರೆಗೆ 21 ಗೋಲುಗಳನ್ನು ನೀಡಿದೆ. ಇದು ಆ ತಂಡದ ಡಿಫೆನ್ಸ್ ವಿಭಾಗದ ಸಾಮರ್ಥ್ಯವನ್ನು ಹೇಳುತ್ತದೆ. ಲೀಗ್ನಲ್ಲಿ ಕ್ಲೀನ್ ಶೀಟ್ ಸಾ‘ನೆ ಮಾಡದ ತಂಡವೆಂದರೆ ಅದು ಪುಣೆ ಸಿಟಿ. ಪುಣೆ ತಂಡ ಬೆಂಗಳೂರಿನ ಕಠಿಣ ಸವಾಲನ್ನು ಎದುರಿಸಬೇಕಾಗಿರುವುದು ಸ್ಪಷ್ಟ.