ಪವನ್ ಉತ್ತಮ ಗೋಲ್ ಕೀಪಿಂಗ್
ಪವನ್ ಕುಮಾರ್ ಅವರು ಉತ್ತಮ ಗೋಲ್ ಕೀಪಿಂಗ್ ಮಾಡಿದ್ದು ಪ್ರಥಮಾರ್ಧದ ಮತ್ತೊಂದು ಹೆಲೈಲೈಟ್. ಇಂಡಿಯನ್ ಸೂಪರ್ ಲೀಗ್ನ 88ನೇ ಪಂದ್ಯದಲ್ಲಿ ಕೇರಳ ಬ್ಲಾಸ್ಟರ್ಸ್ ಹಾಗೂ ನಾರ್ತ್ ಈಸ್ಟ್ ಯುನೈಟೆಡ್ ತಂಡಗಳು ಮುಖಾಮುಖಿಯಾದವು. ಕೇರಳದ ಪಾಲಿಗೆ ಇದು ಕೊನೆಯ ಪಂದ್ಯವಾದ ಕಾರಣ ಮನೆಯಂಗಣದ ಪ್ರೇಕ್ಷಕರಿಗೆ ಜಯದ ಉಡುಗೊರೆ ನೀಡಿ ವಿರಮಿಸುವ ಗುರಿ ತಂಡದ ಆಟಗಾರರದ್ದಾಗಿದೆ.
ಡ್ರಾ ಪಂದ್ಯಗಳೇ ಸಾಕ್ಷಿ
ಕೇರಳ ಉತ್ತಮವಾಗಿ ಆಡಿದೆ ಎಂಬುದಕ್ಕೆ ಈ ತಂಡದ ಡ್ರಾ ಪಂದ್ಯಗಳೇ ಸಾಕ್ಷಿ ಹೊರತು ಗೆದ್ದ ಪಂದ್ಯಗಳಲ್ಲ. ಎಂಟು ಪಂದ್ಯಗಳಲ್ಲಿ ಡ್ರಾ ಕಂಡಿರುವ ಕೇರಳ ಈ ಋತುವಿನಲ್ಲಿ ಈ ದಾಖಲೆ ಬರೆದ ತಂಡಗಳಲ್ಲಿ ಎರಡನೇ ಸ್ಥಾನದಲ್ಲಿದೆ. ಡಿಫೆನ್ಸ್ನಲ್ಲೂ ಹಾಗೂ ಫಾರ್ವರ್ಡ್ನಲ್ಲೂ ಯಶಸ್ಸು ಕಾಣುವಲ್ಲಿ ವಿಫಲವಾಗಿರುವ ತಂಡ ಈ ಋತುವಿನ ನಂತರ ಮತ್ತೆ ಮತ್ತೆ ಯೋಚಿಸಬೇಕಾದ ಅಗತ್ಯವಿದೆ. 17 ಪಂದ್ಯಗಳಲ್ಲಿ ಕೇರಳ ಗಳಿಸಿದ್ದು ಕೇವಲ 18 ಗೋಲುಗಳು. ಆದ್ದರಿಂದ ಕೇರಳ ಈ ಬಾರಿಯ ಲೀಗ್ನಿಂದ ಯಾವುದನ್ನು ಸ್ಮರಿಸಿಕೊಳ್ಳದೆ ಮರೆಯಬೇಕಾದ ಸ್ಥಿತಿ ತಲುಪಿತು.
ಜಯದ ಅಗತ್ಯವಿದೆ
ಆತಿಥೇಯ ನಾರ್ತ್ ಈಸ್ಟ್ ತಂಡಕ್ಕೆ ಇಲ್ಲಿ ಜಯದ ಅಗತ್ಯವಿದೆ. ಏಕೆಂದರೆ ಇಲ್ಲಿ ಗೆದ್ದರೆ ಮೂರನೇ ಸ್ಥಾನ ತಲಪುವುದು ಸ್ಪಷ್ಟ. ಒಂದು ಮುಂಬೈ ತಂಡ ನಾಳೆಯ ಪಂದ್ಯದಲ್ಲಿ ಸೋತರೆ ನಾರ್ತ್ ಈಸ್ಟ್ ತಂಡ ಗೋವಾ ವಿರುದ್ಧ ಸೆಮಿಫೈನಲ್ ಆಡಲಿದೆ. ಆಗ ಮುಂಬೈ ಹಾಗೂ ಬೆಂಗಳೂರು ಮುಖಾಮುಖಿಯಾಗಲಿವೆ.
ತಂಡದ ನೈಜ ಶಕ್ತಿ
ನಾರ್ತ್ ಈಸ್ಟ್ ತಂಡ ಇದೇ ಮೊದಲ ಬಾರಿಗೆ ಅಂತಿಮ ನಾಲ್ಕರ ಹಂತ ತಲುಪಿದೆ. ಮನೆಯಂಗಣದ ಹೊರಗಡೆ ನಡೆದ ಪಂದ್ಯದಲ್ಲಿ ನಾರ್ತ್ ಈಸ್ಟ್ 16 ಅಂಕಗಳನ್ನು ಗಳಿಸಿರುವುದೇ ತಂಡದ ನೈಜ ಶಕ್ತಿ. ಅಂತಿಮ ಪಂದ್ಯದಲ್ಲೂ ಜಯ ಗಳಿಸಿ, ಪ್ಲೇ ಆಫ್ಗೆ ‘ಧನಾತ್ಮಕವಾಗಿ ಹೆಜ್ಜೆ ಇಡಬೇಕೆಂಬುದು ತಂಡದ ಗುರಿ. ಆದರೆ ಕಳೆದ ಐದು ಪಂದ್ಯಗಳಲ್ಲಿ ನಾರ್ತ್ ಈಸ್ಟ್ನ ಸಾಧನೆ ಉತ್ತಮವಾಗಿಲ್ಲ. ಐದು ಪಂದ್ಯಗಳಲ್ಲಿ ಗೆದ್ದಿರುವುದು ಕೇವಲ ಎರಡು. ಅಲ್ಲದೆ ಕೇರಳ ವಿರುದ್ಧ ನಡೆದ ಮುಖಾಮುಖಿಯಲ್ಲಿ ನಾರ್ತ್ ಈಸ್ಟ್ ಉತ್ತಮ ದಾಖಳೆ ಹೊಂದಿಲ್ಲ. ಒಂಬತ್ತು ಪಂದ್ಯಗಳಲ್ಲಿ ಗೆದ್ದಿರುವುದು ಮೂರು ಮಾತ್ರ.