ಗೋವಾ: ಇಂಡಿಯನ್ ಸೂಪರ್ ಲೀಗ್ (ಐಎಸ್ಎಲ್) 14ನೇ ಪಂದ್ಯದಲ್ಲಿ ಬುಧವಾರ (ಡಿಸೆಂಬರ್ 2) ಹೈದರಾಬಾದ್ ಎಫ್ಸಿ ಮತ್ತು ಜೆಮ್ಶೆಡ್ಪುರ ಎಫ್ಸಿ ತಂಡಗಳು ಕಾದಾಡಲಿವೆ. ಗೋವಾದ ವಾಸ್ಕೋದಲ್ಲಿರುವ ತಿಲಕ್ ಮೈದಾನ್ ಸ್ಟೇಡಿಯಂನಲ್ಲಿ ಈ ಪಂದ್ಯ ನಡೆಯಲಿದೆ. ಹೈದರಾಬಾದ್ ತಂಡ ಇಂದು ಮೇಲುಗೈ ಸಾಧಿಸುವ ನಿರೀಕ್ಷೆಯಿದೆ.
ಆಸಿಸ್ ವಿರುದ್ಧದ ಸರಣಿಯಲ್ಲಿ ಆಡದಿದ್ದರೂ ODIನಲ್ಲಿ ವಿಶೇಷ ದಾಖಲೆ ಬರೆದ ರೋಹಿತ್ ಶರ್ಮಾ
ಹೈದರಾಬಾದ್ ಎಫ್ಸಿ ಈ ಮೊದಲು ಆಡಿರುವ ಎರಡು ಪಂದ್ಯಗಳಲ್ಲಿ 1ರಲ್ಲಿ ಗೆದ್ದು ಮತ್ತೊಂದರಲ್ಲಿ ಡ್ರಾ ಮಾಡಿಕೊಂಡಿತ್ತು. 4 ಅಂಕ ಕಲೆ ಹಾಕಿರುವ ಹೈದರಾಬಾದ್ ತಂಡ ಸದ್ಯ ಪಾಯಿಂಟ್ಸ್ ಟೇಬಲ್ನಲ್ಲಿ 5ನೇ ಸ್ಥಾನದಲ್ಲಿದೆ. ಜೆಮ್ಶೆಡ್ಪುರ ಎಫ್ಸಿ ಎರಡರಲ್ಲಿ 1 ಸೋತು, 1 ಡ್ರಾ ಮಾಡಿಕೊಂಡು 9ನೇ ಸ್ಥಾನದಲ್ಲಿದೆ.
ಜೆಮ್ಶೆಡ್ಪುರ ಎಫ್ಸಿ ತಂಡ: ಪವನ್ ಕುಮಾರ್ (ಜಿಕೆ), ರಿಕಿ ಲಲ್ಲಾವ್ಮಾ, ಲಾಲ್ಡಿನ್ಲಿಯಾನಾ ರೆಂತ್ಲೆ, ಪೀಟರ್ ಹಾರ್ಟ್ಲೆ (ಸಿ), ಸ್ಟೀಫನ್ ಈಜ್, ಐಟರ್ ಮನ್ರಾಯ್, ಅಲೆಕ್ಸಾಂಡ್ರೆ ಲಿಮಾ, ಅಮರ್ಜಿತ್ ಸಿಂಗ್, ಜಾಕಿಚಂದ್ ಸಿಂಗ್, ಮೊಹಮ್ಮದ್ ಮೊಬಶೀರ್, ನೆರಿಜಸ್ ವಾಲ್ಸ್ಕಿಸ್.
ಹೈದರಾಬಾದ್ ಎಫ್ಸಿ: ಲಕ್ಷ್ಮೀಕಾಂತ್ ಕಟ್ಟಿಮಣಿ (ಜಿಕೆ), ಚಿಂಗ್ಲೆನ್ಸಾನಾ ಸಿಂಗ್, ಒಡೆ ಒನೈಂಡಿಯಾ, ಆಕಾಶ್ ಮಿಶ್ರಾ, ಆಸಿಶ್ ರೈ, ಜೊವಾವೊ ವಿಕ್ಟರ್, ಮೊಹಮ್ಮದ್ ಯಾಸಿರ್, ಹಿತೇಶ್ ಶರ್ಮಾ, ಹಲಿಚರಣ್ ನರ್ಜಾರಿ, ಅರಿಡಾನೆ ಸಂತಾನ (ಸಿ), ಲಿಸ್ಟನ್ ಕೊಲಾಕೊ.