ಸಾಮರ್ಥ್ಯ ಒಂದೇ ರೀತಿಯದ್ದು
ಎರಡು ತಂಡಗಳು ಪರಸ್ಪರ ಹೋರಾಡಲಿದ್ದರೂ ಇತ್ತಂಡಗಳ ಶೈಲಿ ಮತ್ತು ಸಾಮರ್ಥ್ಯ ಒಂದೇ ರೀತಿಯದ್ದು. ಎರಡೂ ತಂಡಗಳು ಎದುರಾಳಿಗಳ ಜಯದ ಹಾದಿಯನ್ನು ಕಠಿಣಗೊಳಿಸುವವು. ಪ್ರತಿ ಬಾರಿಯೂ ಪರ್ವತಪ್ರದೇಶದ ಈ ತಂಡ ಆರಂಭದಲ್ಲಿ ಮುನ್ನಡೆದರೆ ಅದನ್ನು ಸೋಲಿಸುವುದು ಕಷ್ಟ. 13 ಪಂದ್ಯಗಳಲ್ಲಿ ಆರಂಭದಲ್ಲಿ ಮುನ್ನಡೆದ ತಂಡ ಎಂಟು ಪಂದ್ಯಗಳಲ್ಲಿ ಜಯ ಗಳಿಸಿದೆ. ಉಳಿದ ಪಂದ್ಯಗಳಲ್ಲಿ ಅಂಕ ಹಂಚಿಕೊಂಡಿದೆ. ಅದೇ ರೀತಿ ಬಾಗನ್ ತಂಡ 14 ಬಾರಿ ಆರಂಭಿಕ ಮುನ್ನಡೆ ಗಳಿಸಿ 12 ಪಂದ್ಯಗಳಲ್ಲಿ ಜಯ ಗಳಿಸಿ 2 ಪಂದ್ಯಗಳಲ್ಲಿ ಡ್ರಾ ಸಾಧಿಸಿತ್ತು. ಮೊದಲು ಗೋಲು ಗಳಿಸುವುದ ಪ್ರಾಮುಖ್ಯತೆಯನ್ನು ಜಮೀಲ್ ಚೆನ್ನಾಗಿ ಬಲ್ಲರು. " ನಾವು ಎಟಿಕೆ ಮೋಹನ್ ಬಾಗನ್ ಅಂಥ ಬಲಿಷ್ಠ ತಂಡದ ವಿರುದ್ಧ ಆಡಲಿದ್ದೇವೆ. ಅವರ ಡಿಫೆನ್ಸ್ ಮತ್ತು ಅಟ್ಯಾಕ್ ಎರಡೂ ಉತ್ತಮವಾಗಿದೆ. ಮೊದಲ ಪಂದ್ಯ ಪ್ರಮುಖವಾಗಿರುವುದರಿಂದ ನಾವು ಬಹಳ ಎಚ್ಚರಿಕೆ ವಹಿಸಬೇಕು. ಇದು ಲೀಗ್ ನ ಅತ್ಯಂತ ಕಠಿಣ ಪಂದ್ಯವಾಗಿದೆ. ಆದ್ದರಿಂದ ನಾವು ಉತ್ತಮ ರೀತಿಯಲ್ಲಿ ಸಜ್ಜಾಗಬೇಕು ಮತ್ತು ಬಲಿಷ್ಠರಾಗಿರಬೇಕು," ಎಂದು ಜಮೀಲ್ ಹೇಳಿದರು.
ಇತಿಹಾಸವನ್ನು ಗಮನಿಸಬೇಕು
ನಾರ್ಥ್ ಈಸ್ಟ್ ತಂಡ ಇತಿಹಾಸವನ್ನು ಗಮನಿಸಬೇಕು. ಬಗಾನ್ ಕೋಚ್ ಆಂಟೋನಿಯೊ ಹಬ್ಬಾಸ್ ಐಎಸ್ ಎಲ್ ಸೆಮಿಫೈನಲ್ ನ ಮೊದಲ ಲೆಗ್ ನಲ್ಲಿ ಮೂರು ಬಾಗಿ ಜಯ ಕಂಡಿರಲಿಲ್ಲ. 2 ಸೋಲು ಹಾಗೂ 1 ಡ್ರಾ. "ಅದು ಲಾಭವೆಸುವ ವಿಷಯ, ಆದರೆ ನಾವು ನಾಳೆಯ ಪಂದ್ಯದ ಬಗ್ಗೆ ಯೋಚಿಸುತ್ತಿದ್ದೇವೆ. ಇದು ನಮ್ಮ ಮೊದಲ ಪಂದ್ಯ ಆದ್ದರಿಂದ ಎಚ್ಚರಿಕೆ ವಹಿಸಬೇಕಿದೆ," ಎಂದರು.
ಪ್ರಶಸ್ತಿ ಗೆಲ್ಲುವ ಫೇವರಿಟ್
ಕೊನೆಯ ಮೂರು ಪಂದ್ಯಗಳ ಫಲಿತಾಂಶ ಎಟಿಕೆ ಮೋಹನ್ ಬಾಗನ್ ತಂಡ ಲೀಗ್ ವಿನ್ನರ್ಸ್ ಶೀಲ್ಡ್ ಕಳೆದುಕೊಳ್ಳುವಂತೆ ಮಾಡಿತು. ಆದರೆ ಕ್ಲಬ್ ಈಗಲೂ ಐಎಸ್ ಎಲ್ ಪ್ರಶಸ್ತಿ ಗೆಲ್ಲುವ ಫೇವರಿಟ್ ಎನಿಸಿದೆ. "ನಾರ್ಥ್ ಈಸ್ಟ್ ಯುನೈಟೆಡ್ ತಂಡ ಈ ಬಾರಿಯ ಐಎಸ್ಎಲ್ ನಲ್ಲಿ ಉತ್ತಮ ಪ್ರದರ್ಶನ ತೋರಿದೆ. ಡಿಫೆನ್ಸ್, ಮಿಡ್ ಫೀಲ್ಡ್ ಮತ್ತು ಅಟ್ಯಾಕ್ ನಲ್ಲಿ ಉತ್ತಮ ಆಟಗಾರರನ್ನು ಹೊಂದಿರುವುದರಿಂದ ಅದು ಅತ್ಯಂತ ಕಠಿಣ ತಂಡವೆನಿಸಿದೆ. ಪಿಚ್ ನಲ್ಲಿ ಅವರು 100 ಪ್ರತಿಶತ ಪ್ರದರ್ಶನ ತೋರುತ್ತಾರೆ," ಎಂದು ಬಾಗನ್ ಕೋಚ್ ಹಬ್ಬಾಸ್ ಹೇಳಿದ್ದಾರೆ.