Click it and Unblock the Notifications
ಸಂಭ್ರಮ ಹೆಚ್ಚು ಕಾಲ ಉಳಿಯಲಿಲ್ಲ
ಸಿಲ್ಲಾ ಮೊದಲ ಕಿಕ್ ನಲ್ಲಿ ಗೋಲಾಗಿತ್ತು, ಆದರೆ,ಲಾಲ್ರಿಂಪುಯಾ ಮುಂದೆ ಬಂದ ಕಾರಣ ಪುನಃ ಪೆನಾಲ್ಟಿ ಹೊಡೆತಕ್ಕೆ ಅವಕಾಶ ನೀಡಲಾಗಿ ಸಿಲ್ಲಾ ತಂಡದ ಪರ ಗೋಲು ಗಳಿಸುವಲ್ಲಿ ಯಶಸ್ವಿಯಾದರು. ನಾರ್ಥ್ ಈಸ್ಟ್ ನ ಈ ಸಂಭ್ರಮ ಹೆಚ್ಚು ಕಾಲ ಉಳಿಯಲಿಲ್ಲ. 43ನೇ ನಿಮಿಷದಲ್ಲಿ ಐಗರ್ ಆಂಗುಲೊ ಗಳಿಸಿದ ಗೋಲಿನಿಂದ ಪ್ರಥಮಾರ್ಧ 1-1ರಲ್ಲಿ ಸಮಬಲಗೊಂಡಿತು.
ಚೆಂಡು ಗೋಲ್ ಬಾಕ್ಸ್ ನಿಂದ ಹೊರಕ್ಕೆ
34ನೇ ನಿಮಿಷದಲ್ಲಿ ಸಿಲ್ಲಾ ಅವರಿಗೆ ಗೋಲು ಗಳಿಸುವ ಅವಕಾಶ ಉತ್ತಮವಾಗಿತ್ತು ಆದರೆ ಹೆಡರ್ ಮೂಲಕ ಚಿಮ್ಮಿದ ಚೆಂಡು ಗೋಲ್ ಬಾಕ್ಸ್ ನಿಂದ ಹೊರಸಾಗಿತ್ತು. ಮೊಹಮ್ಮದ್ ನವಾಜ್ ಉತ್ತಮ ರೀತಿಯಲ್ಲಿ ಗೋಲ್ ಕೀಪಿಂಗ್ ಮಾಡಿದ್ದು ನಾರ್ಥ್ ಈಸ್ಟ್ ನ ಮತ್ತೊಂದು ಗೋಲು ಗಳಿಸುವ ಅವಕಾಶವನ್ನು ಕಸಿದುಕೊಂಡಿತು.
ಗೋವಾಕ್ಕೆ ಮೊದಲ ಜಯದ ನಿರೀಕ್ಷೆ
ಹೀರೋ ಇಂಡಿಯನ್ ಸೂಪರ್ ಲೀಗ್ ನ 12ನೇ ಪಂದ್ಯದಲ್ಲಿ ಎಫ್ ಸಿ ಗೋವಾ ಮತ್ತು ನಾರ್ಥ್ ಈಸ್ಟ್ ಯುನೈಟೆಡ್ ತಂಡಗಳು ಮುಖಾಮುಖಿಯಾದವು. ಆಡಿರುವ ಎರಡು ಪಂದ್ಯಗಳಲ್ಲಿ ಒಂದು ಸೋಲು ಹಾಗೂ ಒಂದು ಡ್ರಾ ಗಳಿಸಿ 10ನೇ ಸ್ಥಾನದಲ್ಲಿದೆ. ನಾರ್ಥ್ ಈಸ್ಟ್ ಯುನೈಟೆಡ್ ಎರಡು ಪಂದ್ಯಗಳಲ್ಲಿ ಒಂದು ಜಯ ಮತ್ತು ಒಂದು ಡ್ರಾ ಕಂಡು ಎರಡನೇ ಸ್ಥಾನದಲ್ಲಿದೆ. ಜುವಾನ್ ಫೆರಾಂಡೊ ಪಡೆ ಹಸಿರು ಅಂಗಣದಲ್ಲಿ ಇದುವರೆಗೂ ತನ್ನ ನೈಜ ಸಾಮರ್ಥ್ಯ ತೋರಿಲ್ಲ. ಗಳಿಸಿದ್ದು ಎರಡು ಗೋಲು ಮಾತ್ರ. ತಂಡ ಇದುವರೆಗೂ ತೋರಿದ ಪ್ರದರ್ಶನಲ್ಲಿ ಫಲಿತಾಂಶದ ಮೇಲೆ ಅಷ್ಟೇನು ಪರಿಣಾಮ ಬೀರಲಿಲ್ಲ.
ಎಡುಬೇಡಿಯಾ ಮೇಲೆ ಹೆಚ್ಚಿನ ಜವಾಬ್ದಾರಿ
ರೆದೀಮ್ ತಾಂಗ್ ಅಮಾನತುಗೊಂಡಿರುವ ಹಿನ್ನೆಲೆಯಲ್ಲಿ ನಾಯಕ ಎಡುಬೇಡಿಯಾ ಅವರ ಮೇಲೆ ಹೆಚ್ಚಿನ ಜವಾಬ್ದಾರಿ ಬೀಳಲಿದೆ. ಆದರೆ ಗೆರಾರ್ಡ್ ನಸ್ ಅವರಲ್ಲಿ ಪಳಗಿರುವ ನಾರ್ಥ್ ಈಸ್ಟ್ ವಿರುದ್ಧ ಗೋಲು ಗಳಿಸುವುದು ಅಷ್ಟು ಸುಲಭವಲ್ಲ. ಪರ್ವತಪ್ರದೇಶದ ತಂಡ ಈ ಬಾರಿ ಉತ್ತಮ ರೀತಿಯ ಡಿಫೆನ್ಸ್ ವಿಭಾಗವನ್ನು ಹೊಂದಿದೆ. ಇದುವರೆಗೂ ಎದುರಾಳಿ ತಂಡಕ್ಕೆ ಕೇವಲ ಎರಡು ಬಾರಿ ಶಾಟ್ ಗೆ ಅವಕಾಶ ನೀಡಿದೆ. ಡೈಲಾನ್ ಫಾಕ್ಸ್ ಮತ್ತು ಬೆಂಜಮಿನ್ ಲಾಂಬಾಟ್ ಅವರ ಗೋಡೆಯನ್ನು ದಾಟವುದು ಗೋವಾಕ್ಕೆ ಅಷ್ಟು ಸುಲಭವಾದುದಲ್ಲ. ಇತ್ತಂಡಗಳಿಗೂ ಇದು ಸವಾಲಿನ ಪಂದ್ಯವಾಗಿದೆ.
