ಐಎಸ್ ಎಲ್ 2019: ಜಯದೊಂದಿಗೆ ಲೀಗ್ ಹಂತ ಮುಗಿಸಿದ ಎಟಿಕೆ

ISL: ATK 2 DDFC 1: ATK grab late winner to end season on a winning note

ಕೋಲ್ಕೊತಾ, ಮಾರ್ಚ್ 4: ಅಂಕಿತ್ ಮುಖರ್ಜಿ (88ನೇ ನಿಮಿಷ ) ಹಾಗೂ ಎಡು ಗಾರ್ಸಿಯಾ (63ನೇ ನಿಮಿಷ) ಗಳಿಸಿದ ಗೋಲಿನಿಂದ ಇಂಡಿಯನ್ ಸೂಪರ್ ಲೀಗ್ ನ ಕೊನೆಯ ಪಂದ್ಯದಲ್ಲಿ ಡೆಲ್ಲಿ ಡೈನಮೋಸ್ ತಂಡವನ್ನು 2-1 ಗೋಲಿನಿಂದ ಮಣಿಸಿದ ಎಟಿಕೆ ತಂಡ ಜಯದೊಂದಿಗೆ ಲೀಗ್ ಕೊನೆಗೊಳಿಸಿತು. ಡೆಲ್ಲಿ ಡೈನಮೋಸ್ ಪರ ನಂದಕುಮಾರ್ ಶೇಖರ್ (72ನೇ ನಿಮಿಷ) ಗಳಿಸಿದ ಗೋಲು ಸೋಲಿನ ಅಂತರವನ್ನು ಕಡಿಮೆ ಮಾಡಿತೇ ವಿನಃ ಡೆಲ್ಲಿಯ ಸೋಲಿಗೆ ತಡೆ ತರಲಿಲ್ಲ.

ಗೋಲಿಲ್ಲದ ಪ್ರಥಮಾರ್ಧ

ಎಟಿಕೆ ಹಾಗೂ ಡೆಲ್ಲಿ ತಂಡಗಳು ಮೊದಲ ಅವಧಿಯಲ್ಲಿ ಆಕ್ರಮಣಕಾರಿ ಆಟಕ್ಕೆ ಮನಸ್ಸು ಮಾಡಲಿಲ್ಲ. ಎಟಿಕೆ ಮನೆಯಂಗಣದ ಪ್ರೇಕ್ಷಕರಿಗೆ ಖುಷಿಯ ಕ್ಷಣಗಳನ್ನು ನೀಡುವ ಸಲುವಾಗಿ ಕೆಲ ಹೊತ್ತು ಆಕ್ರಮಣಕಾರಿ ಆಟಕ್ಕೆ ಮನ ಮಾಡಿದರೂ ಗೋಲು ಮಾತ್ರ ಸಿಗಲಿಲ್ಲ. ಇದರೊಂದಿಗೆ ಪ್ರಥಮಾರ್ಧ ಸಮಬಲದಲ್ಲಿ ಕೊನೆಗೊಂಡಿತು.

ಐಎಸ್ ಎಲ್ 2019 : ಮಹಾರಾಷ್ಟ್ರ ಡರ್ಬಿ ಗೆದ್ದ ಪುಣೆ ಸಿಟಿ

ಇಂಡಿಯನ್ ಸೂಪರ್ ಲೀಗ್‌ನ ಕೊನೆಯ ಲೀಗ್ ಪಂದ್ಯ ಎಟಿಕೆ ಹಾಗೂ ಡೆಲ್ಲಿ ಡೈನಮೋಸ್ ನಡುವೆ ನಡೆಯಿತು. ಎರಡೂ ತಂಡಗಳು ಚಳಿಗಾಲದ ಬಿಡುವಿನ ನಂತರ ಉತ್ತಮ ರೀತಿಯಲ್ಲಿ ಹೋರಾಟ ನೀಡಿದ್ದವು.

1
1042976

ಆದರೆ, ಹಿಂದಿನ ಸೋಲುಗಳು ತಂಡಗಳನ್ನು ಸೆಮಿಫೈನಲ್ ಹಂತಕ್ಕೆ ಕೊಂಡೊಯ್ಯಲು ಅವಕಾಶ ನೀಡಲಿಲ್ಲ. ಈಗ ಗೆದ್ದರೆ ಯಾವುದೇ ಪ್ರಯೋಜನವಿಲ್ಲ. ಆದರೂ ಮನೆಯಂಗಣದಲ್ಲಿ ಗೆದ್ದು ಪ್ರಸಕ್ತ ಲೀಗ್‌ಗೆ ವಿದಾಯ ಹೇಳುವ ಗುರಿ ಕೋಲ್ಕೊತಾದ ತಂಡಕ್ಕಿದ್ದರೆ, ಕೊನೆಯ ಲೀಗ್‌ನಲ್ಲಿ ಜಯ ಗಳಿಸಿ ನೆಮ್ಮದಿಯಲ್ಲಿ ಮನೆ ಸೇರುವ ಆತುರ ಡೆಲ್ಲಿ ಡೈನಮೋಸ್‌ಗೆ.

ಐಎಸ್ಎಲ್ 2019: ಕೊನೆ ಪಂದ್ಯದಲ್ಲೂ ಸೋಲು, ಚೆನ್ನೈಗೆ ಕೊನೆಯ ಸ್ಥಾನ

ಏಳು ಮತ್ತು ಎಂಟನೇಯ ಸ್ಥಾನದಲ್ಲಿರುವ ಎಟಿಕೆ ಹಾಗೂ ಡೆಲ್ಲಿ ತಂಡಗಳಿಗೆ ಕೊನೆಗೊಂದು ಜಯ ಗಳಿಸುವ ಹಂಬಲ, ಹಿಂದಿನ ಮುಖಾಮುಖಿ ಇಂದಿನ ಫಲಿತಾಂಶದ ಮೇಲೆ ಯಾವುದೇ ರೀತಿಯ ಪರಿಣಾಮ ಬೀರದು, ಆಡಿರುವ ಒಂಬತ್ತು ಪಂದ್ಯಗಳಲ್ಲಿ 4 ಪಂದ್ಯಗಳು ಡ್ರಾದಲ್ಲಿ ಕೊನೆಗೊಂಡಿದ್ದು, 3 ಪಂದ್ಯಗಳಲ್ಲಿ ಎಟಿಕೆ ಗೆದ್ದಿದೆ, 2 ಪಂದ್ಯ ಡೆಲ್ಲಿಯ ಪಾಲಾಯಿತು.

ಎಟಿಕೆ ತಂಡ ಬಾರಿ ಸ್ಥಿರ ಪ್ರದರ್ಶನ ನೀಡುವಲ್ಲಿ ವಿಫಲವಾಯಿತು. ಅಂತಿಮ ನಾಲ್ಕರ ಹಂತ ತಲಪುವ ಅವಕಾಶಗಳು ಕೂಡಿ ಬಂದಿದ್ದರೂ ನಿರಂತರ ವೈಫಲ್ಯ ತಂಡಕ್ಕೆ ಆ ಅವಕಾಶದಿಂದ ವಂಚಿತವಾಗುವಂತೆ ಮಾಡಿತು. ಡೈನಮೋಸ್ ಕೂಡ ಆರಂಭದಿಂದಲೂ ಕಳಪೆ ಪ್ರದರ್ಶನ ತೋರುತ್ತಿತ್ತು. ಆದರೆ ಇತ್ತೀಚಿನ ಪಂದ್ಯಗಳಲ್ಲಿ ಜಯ ಗಳಿಸಿದರೂ ಆಗಲೇ ಕಾಲ ಮೀರಿತ್ತು. ಆರು ಪಂದ್ಯಗಳಲ್ಲಿ ಡೆಲ್ಲಿ ಅಜೇಯವಾಗಿ ಸಾಗಿ ಬಂದಿತ್ತು.

ತಂಡದಲ್ಲಿ ಸ್ಫೂರ್ತಿಯನ್ನು ಕಾಯ್ದುಕೊಳ್ಳುವುದಕ್ಕಾಗಿ ಕೊನೆಯ ಲೀಗ್ ಪಂದ್ಯದಲ್ಲೂ ಜಯ ಗಳಿಸಿ ಸಪ್ತ ಯಶಸ್ಸು ಕಾಣುವ ಗುರಿ ಹೊಂದಿದೆ. ಡೆಲ್ಲಿ ತಂಡ ಇಲ್ಲಿ ಜಯ ಅಥವಾ ಡ್ರಾ ಗಳಿಸಿದರೂ ಲೀಗ್‌ನಲ್ಲೇ ಮೊದಲ ಬಾರಿಗೆ ಉತ್ತಮ ಸ್ಥಾನವನ್ನು ತಲುಪಿದ ಸಾಧನೆ ಮಾಡಲಿದೆ. ಆದರೆ, ಮನೆಯಂಗಣದಲ್ಲಿ ಎಟಿಕೆ ಇದಕ್ಕೆ ಅವಕಾಶ ನೀಡಲಿದೆಯೇ ಎಂಬುದನ್ನು ಕಾದು ನೋಡಬೇಕು.

For Quick Alerts
ALLOW NOTIFICATIONS
For Daily Alerts

Story first published: Monday, March 4, 2019, 10:54 [IST]
Other articles published on Mar 4, 2019
+ ಇನ್ನಷ್ಟು
POLLS
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Mykhel sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Mykhel website. However, you can change your cookie settings at any time. Learn more