ಜೆಮ್ಷೆಡ್ಪುರ್, ನವೆಂಬರ್ 1: ಜೆಮ್ಷೆಡ್ಪುರ್ ನ ಜೆಆರ್ಡಿ ಟಾಟಾ ಸ್ಪೋರ್ಟ್ಸ್ ಕಾಂಪ್ಲೆಕ್ಸ್ ನಲ್ಲಿ ಗುರುವಾರ (ನವೆಂಬರ್ 1) ನಡೆದ ಗೋವಾ ಎಫ್ಸಿ ಮತ್ತು ಆತಿಥೇಯ ಜೆಮ್ಷೆಡ್ಪುರ್ ಎಫ್ಸಿ ತಂಡಗಳ ಮುಖಾಮುಖಿಯಲ್ಲಿ ಜೆಮ್ಷೆಡ್ಪುರ್ 4-1 ಅಂತರದ ಗೆಲುವನ್ನಾಚರಿಸಿತು. (ಚಿತ್ರ ಕೃಪೆ ಐಎಸ್ಎಲ್ ಮೀಡಿಯಾ)
ಪಂದ್ಯ ಆರಂಭಗೊಂಡ 16ನೇ ನಿಮಿಷದಲ್ಲಿ ಜೆಮ್ಷೆಡ್ಪುರ್ ಎಫ್ಸಿಯ ಮೈಕೆಲ್ ಸೂಸೈರಾಜ್ ಗೋಲ್ ಬಾರಿಸಿ ತಂಡಕ್ಕೆ ಮುನ್ನಡೆ ಕೊಟ್ಟರು. ಅದಾಗಿ ಎದುರಾಳಿ ಗೋವಾ ಪರವಾಗಿ ಮೌರ್ಟಾಡಾ ಫಾಲ್ 32ನೇ ನಿಮಿಷದಲ್ಲಿ ಗೋಲ್ ಬಾರಿಸಿ ಅಂಕವನ್ನು 1-1ಕ್ಕೆ ಸರಿದೂಗಿಸಿಕೊಂಡರು.
A surging performance in the second half saw the Men of Steel dominate proceedings in #JAMGOA, ending the night with a full three points in their #HeroISL encounter. #FanBannaPadega pic.twitter.com/vBmwRyUSnN
— Star Sports Football (@StarFootball) November 1, 2018
ಆದರೆ ದ್ವಿತೀಯಾರ್ಧದಲ್ಲಿ ಜೆಮ್ಷೆಡ್ಪುರ್ ಮತ್ತೂ ದಾಳಿಯಾತ್ಮಕ ಆಟ ಆಡಿ ಮೂರು ಗೋಲ್ ಗಳನ್ನು ಖಾತೆಗೆ ಸೇರಿಸಿಕೊಂಡಿತು. 49ನೇ ನಿಮಿಷದಲ್ಲಿ ಜೆಮ್ಷೆಡ್ಪುರ್ ನ ಸೂಸೈರಾಜ್ ಮತ್ತೊಂದು ಗೋಲ್ ಬಾರಿಸಿ ತಂಡಕ್ಕೆ ಮುನ್ನಡೆ ಕೊಟ್ಟರು. ಮತ್ತೆ 76ನೇ ನಿಮಿಷದಲ್ಲಿ ಮೆಮೊ, 77ನೇ ನಿಮಿಷದಲ್ಲಿ ಸುಮಿತ್ ಪಾಸಿ ಗೋಲ್ ಬಾರಿಸಿ ತಂಡದ ಗೆಲುವನ್ನು ಸಾರಿದರು.