ಈಜಿಪ್ಟ್ ಸ್ಟಾರ್ ಮೊಹಮ್ಮದ್ ಸಲಾಹ್‌ಗೆ ವರ್ಷದ ಆಫ್ರಿಕನ್ ಪುಟ್ಬಾಲರ್ ಗೌರವ

Mohamed Salah voted African Footballer of the Year

ಡಾಕರ್, ಜನವರಿ 9: ಈಜಿಪ್ಟ್‌ನ ಸ್ಟಾರ್ ಫುಟ್ಬಾಲ್‌ ಆಟಗಾರ ಮೊಹಮ್ಮದ್ ಸಲಾಹ್‌ಗೆ ವರ್ಷದ ಆಫ್ರಿಕನ್ ಫುಟ್ಬಾಲರ್ ಗೌರವ ಲಭಿಸಿದೆ. ಮಂಗಳವಾರ (ಜನವರಿ 8) ಡಾಕರ್‌ನಲ್ಲಿ ಸಲಾಹ್‌ಗೆ ಪ್ರಶಸ್ತಿ ನೀಡಿ ಗೌರವಿಸಲಾಯಿತು. ಇದು ಮೊಹಮ್ಮದ್‌ಗೆ ಎರಡನೇ ಬಾರಿಗೆ ಲಭಿಸುತ್ತಿರುವ ಪ್ರಶಸ್ತಿ.

'ಕಾಫೀ ವಿತ್ ಕರಣ್'ನಲ್ಲಿ ಹಾರ್ದಿಕ್ ಅವಾಂತರ: ಬಿಸಿ ಮುಟ್ಟಿಸಲಿದೆ ಬಿಸಿಸಿಐ 'ಕಾಫೀ ವಿತ್ ಕರಣ್'ನಲ್ಲಿ ಹಾರ್ದಿಕ್ ಅವಾಂತರ: ಬಿಸಿ ಮುಟ್ಟಿಸಲಿದೆ ಬಿಸಿಸಿಐ

ಇದೇ ಪ್ರಶಸ್ತಿಗಾಗಿ ಸ್ಪರ್ಧೆಗಿಳಿದಿದ್ದ ಲಿವರ್‌ಪೂಲ್‌ ಸಹ ಆಟಗಾರ ಸಯಾಡಿಯೋ ಮಾನೆ ಮತ್ತು ಅರ್ಸೆನಲ್ ಫಾರ್ವರ್ಡ್ ಆಟಗಾರ ಪಿಯರ್-ಎಮೆರಿಕ್ ಔಬೇಮೆಯಾಂಗ್ ಅವರನ್ನು ಸಲಾಹ್ ಹಿಂದಿಕ್ಕಿದ್ದಾರೆ. ಇದೇ ಇಬ್ಬರು ಸ್ಪರ್ಧಿಗಳನ್ನು ಕಳೆದ ವರ್ಷವೂ ಸೋಲಿಸಿ ಸಲಾಹ್ ಪ್ರಶಸ್ತಿ ಬಾಚಿಕೊಂಡಿದ್ದರು.

Good morning😍 pic.twitter.com/NVncJ49bZY
— Mohamed Salah (@MoSalah) January 9, 2019

'ಈ ಪ್ರಶಸ್ತಿ ನನ್ನ ಪಾಲಿಗೆ ಬಹು ದೊಡ್ಡದು. ನಾನೀ ಪ್ರಶಸ್ತಿಯನ್ನು ಪ್ರೀತಿಸುತ್ತೇನೆ. ಕಾರಣ ನಾನು ಈ ಪ್ರಶಸ್ತಿಯನ್ನು ಸಣ್ಣಂದಿನಿಂದಲೂ ನೋಡುತ್ತಾ ಬೆಳೆದವನು, ಇದನ್ನು ಗೆಲ್ಲಬೇಕೆಂದು ಕನಸು ಕಂಡವನು ಕೂಡ' ಎಂದು ಪ್ರಶಸ್ತಿ ಸ್ವೀಕರಿಸಿದ ಬಳಿಕ ಮೊಹಮ್ಮದ್ ಸಲಾಹ್ ಖುಷಿ ಹಂಚಿಕೊಂಡರು.