ಲಂಡನ್, ಫೆಬ್ರವರಿ 3: ಓಲ್ಡ್ ಟಾಫಾರ್ಡ್ ನಲ್ಲಿ ನಡೆದ ಪ್ರೀಮಿಯರ್ ಲೀಗ್ ಪಂದ್ಯದಲ್ಲಿ ಸೌಥಾಂಪ್ಟನ್ ತಂಡದ ವಿರುದ್ಧ ಮ್ಯಾಂಚೆಸ್ಟರ್ ಯುನೈಟೆಡ್ ತಂಡ ಭರ್ಜರಿ ಜಯ ದಾಖಲಿಸಿದೆ. ಮ್ಯಾಂಚೆಸ್ಟರ್ ಯುನೈಟೆಡ್ 9 ಗೋಲು ಸಿಡಿಸಿದರೆ, ಸೌಥಾಂಪ್ಟನ್ ಖಾತೆ ತೆರೆಯಲು ವಿಫಲವಾಯಿತು.
ಸುಮಾರು 26 ವರ್ಷಗಳ ಬಳಿಕ 20 ಬಾರಿ ಚಾಂಪಿಯನ್ ತಂಡ ಮ್ಯಾಂಚೆಸ್ಟರ್ ಯುನೈಟೆಡ್ ತನ್ನ ಅದ್ಭುತ ಪ್ರದರ್ಶನ ನೀಡಿ ಲೀಗ್ ಇತಿಹಾಸದಲ್ಲೇ ಭಾರಿ ಅಂತರದಿಂದ ಜಯ ದಾಖಲಿಸಿದ ಸಾಧನೆ ಮಾಡಿದೆ.
7 - Manchester United had seven different scorers tonight (excl. own goals), only the second time a team has had seven different scorers in a Premier League match, after Chelsea vs Aston Villa in December 2012. Heaven. pic.twitter.com/cV1KbRkwv1
— OptaJoe (@OptaJoe) February 2, 2021
ಗಾಯದ ಮೇಲೆ ಬರೆ ಎಳೆದಂತೆ ಸೌಥಾಂಪ್ಟನ್ಸ್ (ಸೈಂಟ್ಸ್) ಪರ ಮೊದಲ ಬಾರಿಗೆ ಮೈದಾನಕ್ಕಿಳಿದಿದ್ದ ಅಲೆಕ್ಸಾಂಡ್ರೆ ಜಾಂಕೆವಿಜ್ ರೆಡ್ ಕಾರ್ಡ್ ಪಡೆದು ಮೈದಾನದಿಂದ ಹೊರ ನಡೆದರು. ಆರಂಭದಿಂದಲೇ ಪಂದ್ಯದ ಮೇಲೆ ಹಿಡಿತ ಸಾಧಿಸಿದ ಮ್ಯಾಂಚೆಸ್ಟರ್ ತಂಡ ಅಂತಿಮವಾಗಿ 9-0 ಗೆಲುವು ದಾಖಲಿಸಿ ಇತಿಹಾಸ ನಿರ್ಮಿಸಿತು.
ಮ್ಯಾಂಚೆಸ್ಟರ್ ಪರ ಮೊದಲಾರ್ಧದಲ್ಲಿ ಅರೋನ್ ವಾನ್ ಬಿಸಾಕಾ, ಮಾರ್ಕಸ್ ರಾಶ್ ಫೋರ್ಡ್, ಜನ್ ಬೆಡ್ ನಾರೆಕ್(ಸ್ವಂತ ಗೋಲು) ಹಾಗೂ ಸ್ಟಾರ್ ಆಟಗಾರ ಎಡಿನ್ಸನ್ ಕವಾನಿ ಗೋಲಿಗಳಿಂದ ಮುನ್ನಡೆ ಪಡೆಯಿತು. ಎರಡನೇ ಅವಧಿಯ ಕೊನೆ 45 ನಿಮಿಷದಲ್ಲಿ 5 ಗೋಲು ಬಾರಿಸಿತು. ಅಂಥೋನಿ ಮಾರ್ಷಿಯಲ್ 2, ಮೆಕ್ ಟೊಮಿನಾಯ್, ಬ್ರುನೋ ಫರ್ನಾಂಡಿಸ್ ಹಾಗೂ ಡೇನಿಯಲ್ ಜೇಮ್ಸ್ ತಲಾ ಒಂದು ಗೋಲು ಬಾರಿಸಿ ಐತಿಹಾಸಿಕ ಗೆಲುವಿಗೆ ಕಾರಣರಾದರು.
ಈ ಗೆಲುವಿನ ಮೂಲಕ ಈ ಋತುವಿನ ಲೀಗ್ ಅಂಕಪಟ್ಟಿಯಲ್ಲಿ ಎರಡನೇ ಸ್ಥಾನದಲ್ಲಿದ್ದು, ಅಗ್ರಸ್ಥಾನದಲ್ಲಿ ಮ್ಯಾಂಚೆಸ್ಟರ್ ಸಿಟಿ ಇದ್ದು, ಉಭಯ ತಂಡಗಳು ತಲಾ 44 ಅಂಕಗಳನ್ನು ಗಳಿಸಿವೆ.
9 - Leicester have recorded the joint-biggest margin of victory in Premier League history, alongside Manchester United’s 9-0 win over Ipswich at Old Trafford in March 1995. Conquering. pic.twitter.com/jdkE6JIhju
— OptaJoe (@OptaJoe) October 25, 2019
ಈ ಹಿಂದೆ ಮ್ಯಾಂಚೆಸ್ಟರ್ ಯುನೈಟೆಡ್ ತಂಡ 1995ರಲ್ಲಿ ಇಪ್ಸ್ವಿಚ್ ಟೌನ್ ವಿರುದ್ಧ 9-0ರಲ್ಲಿ ಜಯ ದಾಖಲಿಸಿತ್ತು. 2019ರಲ್ಲಿ ಲಿಸ್ಟೆಸ್ಟರ್ ಸಿಟಿ ಕೂಡಾ ಸೌಥಾಂಪ್ಟನ್ ತಂಡವನ್ನು 9-0ರಲ್ಲಿ ಸೋಲಿಸಿತ್ತು.
ಭಾರಿ ಅಂತರದ ಗೆಲುವು ಸಾಧಿಸಿದ ಪಂದ್ಯಗಳು:
* ಮ್ಯಾಂಚೆಸ್ಟರ್ ಯುನೈಟೆಡ್ 9--0 ಸೌಥಾಂಪ್ಟನ್, ಫೆಬ್ರವರಿ 2, 2021
* ಲಿಸ್ಟೆಸ್ಟರ್ ಸಿಟಿ 9-0- ಸೌಥಾಂಪ್ಟನ್, ಅಕ್ಟೋಬರ್ 25, 2019
* ಮ್ಯಾಂಚೆಸ್ಟರ್ ಯುನೈಟೆಡ್ 9--0 ಇಪ್ಸ್ವಿಚ್ ಟೌನ್, ಮಾರ್ಚ್ 4, 1995.
* ಟೊಂಟೆನ್ ಹ್ಯಾಮ್ 9-1 ವಿಗಾನ್ ಅಥ್ಲೆಟಿಕ್, ನವೆಂಬರ್ 22, 2009.
* ಸೌಥಾಂಪ್ಟನ್ 8-0 ಸಂದರ್ ಲ್ಯಾಂಡ್, ಅಕ್ಟೋಬರ್ 18, 2014
* ಮ್ಯಾಂಚೆಸ್ಟರ್ ಯುನೈಟೆಡ್ 8-0 ವಾಟ್ ಫೋರ್ಡ್, ಸೆಪ್ಟೆಂಬರ್ 21, 2019
* ನಾಟಿಂಗ್ ಹ್ಯಾಮ್ ಫಾರೆಸ್ಟ್ 1-8 ಮ್ಯಾಂಚೆಸ್ಟರ್ ಯುನೈಟೆಡ್, ಫೆಬ್ರವರಿ 6, 2019