ಮ್ಯಾಡ್ರಿಡ್(ಸ್ಪೇನ್), ಮೇ 12: ಸ್ಪೇನಿನ ಅತ್ಯಂತ ಯಶಸ್ವಿ ತಂಡ ರಿಯಲ್ ಮ್ಯಾಡ್ರಿಡ್ ಸತತ ನಾಲ್ಕನೇ ವರ್ಷ ಕೂಡಾ ವಿಶ್ವದ ಅತ್ಯಂತ ಶ್ರೀಮಂತ ಫುಟ್ಬಾಲ್ ತಂಡ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ.
ಶ್ರೀಮಂತ ತಂಡಗಳ ಪಟ್ಟಿಯನ್ನು ಬಿಸಿನೆಸ್ ಮ್ಯಾಗಜೀನ್ ಪೋರ್ಬ್ಸ್ ಪ್ರಕಟಿಸಿದೆ. ಸ್ಪೇನಿನ ರಿಯಲ್ ಮ್ಯಾಡ್ರಿಡ್, ಬಾರ್ಸಿಲೋನಾ ಮೊದಲ ಎರಡು ಸ್ಥಾನದಲ್ಲಿದ್ದರೆ, ಇಂಗ್ಲೆಂಡಿನ ಮ್ಯಾಂಚೆಸ್ಟರ್ ಯುನೈಟೆಡ್ ಮೂರನೇ ಸ್ಥಾನದಲ್ಲಿದೆ.[ಫುಟ್ಬಾಲ್ ದಿಗ್ಗಜನ ಜತೆ ಕ್ರಿಕೆಟ್ ದಿಗ್ಗಜ ಕೊಹ್ಲಿ!]
10 ಬಾರಿ ಯುರೋಪಿಯನ್ ಚಾಂಪಿಯನ್ ಆಗಿರುವ ರಿಯಲ್ ಮ್ಯಾಡ್ರಿಡ್ ತಂಡದ ಮೌಲ್ಯ ಶೇ.12ರಷ್ಟು ಹೆಚ್ಚಾಗಿದೆ. 3.645 ಬಿಲಿಯನ್ ಡಾಲರ್ಗೆ ತಲುಪಿದೆ. ಈ ಮೂಲಕ ವಿಶ್ವದ ಎರಡನೆ ಅತ್ಯಂತ ಶ್ರೀಮಂತ ಕ್ರೀಡಾ ತಂಡವಾಗಿ ಹೊರ ಹೊಮ್ಮಿದೆ. ನ್ಯಾಶನಲ್ ಫುಟ್ಬಾಲ್ ಲೀಗ್ ಡಲ್ಲಾಸ್ ಕೌಬಾಯ್ಸಾ(4 ಬಿಲಿಯನ್ ಡಾಲರ್) ಮೊದಲ ಸ್ಥಾನದಲ್ಲಿದೆ ಎಂದು ಫೋರ್ಬ್ಸ್ ಹೇಳಿದೆ.[ರೊನಾಲ್ಡೊ ಹಿಂದಿಕ್ಕಿ ಬ್ಯಾಲನ್ ಡಿ'ಓರ್ ಗೆದ್ದ ಮೆಸ್ಸಿ]
ಶ್ರೀಮಂತ ಫುಟ್ಬಾಲ್ ತಂಡಗಳ ಪಟ್ಟಿಯಲ್ಲಿ ಬಾರ್ಸಿಲೋನ(3.5 ಬಿಲಿಯನ್ ಡಾಲರ್) ಎರಡನೆ ಸ್ಥಾನದಲ್ಲಿದೆ. ಕಳೆದ ವರ್ಷಕ್ಕಿಂತ ಶೇ.12 ಏರಿಕೆ ಕಂಡಿದೆ. ಮ್ಯಾಂಚೆಸ್ಟರ್ ಯುನೈಟೆಡ್(3.3 ಬಿಲಿಯನ್ ಡಾಲರ್), ಬೇಯರ್ನ್ ಮ್ಯೂನಿಕ್(2.7 ಬಿಲಿಯನ್ ಡಾಲರ್) ಹಾಗೂ ಅರ್ಸೆನಲ್(2 ಬಿಲಿಯನ್ ಡಾಲರ್) ಅಗ್ರ 5ರಲ್ಲಿ ಸ್ಥಾನ ಪಡೆದಿವೆ. ಟಾಪ್ 10 ಅತ್ಯಂತ ಶ್ರೀಮಂತ ಫುಟ್ಬಾಲ್ ತಂಡಗಳು ಹಾಗೂ ಗಳಿಕೆ ವಿವರ ಗ್ಯಾಲರಿಯಲ್ಲಿ ನೋಡಿ...