ರಿಯಲ್ ಮ್ಯಾಡ್ರಿಡ್ ಸ್ಟ್ರೈಕರ್ ಲುಕಾ ಜೊವಿಕ್‌ಗೆ ಜೈಲು ಶಿಕ್ಷೆ

ಮ್ಯಾಡ್ರಿಡ್: ಸರ್ಬಿಯಾದಲ್ಲಿ ಕೊರೊನಾವೈರಸ್ ಐಸೊಲೇಶನ್ ನಿಯಮ ಉಲ್ಲಂಘಿಸಿದ್ದಕ್ಕಾಗಿ ರಿಯಲ್ ಮ್ಯಾಡ್ರಿಡ್ ಸ್ಟ್ರೈಕರ್ ಲುಕಾ ಜೊವಿಕ್‌ಗೆ ಅಲ್ಲಿನ ಸರ್ಕಾರ 6 ತಿಂಗಳ ಜೈಲು ಶಿಕ್ಷೆ ವಿಧಿಸಿದೆ. ಕ್ವಾರಂಟೈನ್ ನಿಯಮ ಮೀರಿ ಓಡಾಡಿದ್ದಕ್ಕಾಗಿ ಜೊವಿಕ್ ಶಿಕ್ಷೆಗೀಡಾಗಿದ್ದಾರೆ.

ಗುಡ್‌ನ್ಯೂಸ್: ಕಪಿಲ್ ದೇವ್ ಆರೋಗ್ಯದಲ್ಲಿ ಚೇತರಿಕೆ, ಎಲ್ಲರ ಪ್ರೀತಿ ಮತ್ತು ಕಾಳಜಿಗೆ ಧನ್ಯವಾದ ಎಂದ ಲೆಜೆಂಡ್

ಕಳೆದ ಮಾರ್ಚ್‌ನಲ್ಲಿ ಲುಕಾ ಜೊವಿಕ್ ಅವರು ತನ್ನ ತವರಾದ ಸರ್ಬಿಯಾಕ್ಕೆ ಸ್ಪೇನ್‌ನಿಂದ ಬಂದಿದ್ದರು. ಅಷ್ಟೇ ಅಲ್ಲ ಬೆಲ್ಗ್ರೇಡ್‌ನ ರಸ್ತೆಗಳಲ್ಲಿ ಓಡಾಡಿದ್ದರು. ಜೊತೆಗೆ ತನ್ನ ಗೆಳತಿಯ ಬರ್ತ್‌ ಡೇ ಪಾರ್ಟಿಯಲ್ಲಿ ಪಾಲ್ಗೊಂಡಿದ್ದರು. ಅವರಿಗೆ ಆಗ 14 ದಿನಗಳ ಕ್ವಾರಂಟೈನ್ ವಿಧಿಸಲಾಗುತ್ತು. ಅದನ್ನು ಜೊವಿಕ್‌ ಉಲ್ಲಂಘಿಸಿದ್ದರು.

ನಿಯಮ ಉಲ್ಲಂಘಿಸಿ ತಪ್ಪೆಸಗಿದ್ದಕ್ಕಾಗಿ ಲುಕಾ ಜೊವಿಕ್‌ಗೆ 30,000 ಯೂರೋಸ್ (2,563,515 ರೂ.) ದಂಡ ಕಟ್ಟಲು ಸೂಚಿಸಲಾಗಿತ್ತು. ಇಷ್ಟು ದುಬಾರಿ ದಂಡ ಕಟ್ಟಲು ಜೊವಿಕ್‌ ನಿರಾಕರಿಸಿದ್ದಾರೆ. ಹೀಗಾಗಿ ಅವರನ್ನು ಕೋರ್ಟ್‌ಗೆ ಎಳೆದೊಯ್ಯಲಾಗಿದೆ.

ರನ್‌ ವೇಳೆ ದೂರದ ದಾರೀಲಿ ಓಡಿದ್ದರ ಗುಟ್ಟು ಬಿಚ್ಚಿಟ್ಟ ಕ್ರಿಸ್ ಜೋರ್ಡನ್

ದಂಡ ಕಟ್ಟದ ತಪ್ಪಿಗೆ ಲುಕಾ 6 ತಿಂಗಳ ಜೈಲು ಶಿಕ್ಷೆ ಅನುಭವಿಸಲು ಸೂಚಿಸಲಾಗಿದೆ. ಆದರೆ 22ರ ಹರೆಯದ ಲುಕಾ ತನಗೆ ಐಸೊಲೇಶನ್ ಬಗ್ಗೆ ಮಾಹಿತಿಯೇ ನೀಡಿರಲಿಲ್ಲ ಎಂದಿದ್ದಾರೆ.