ಯಾವ ತಂಡಕ್ಕೆ ಆಡುತ್ತೀರಿ?
ಒಂದುವೇಳೆ ನಿಮಗೆ ಕ್ರಿಕೆಟ್ ಆಡುವ ಅವಕಾಶ ಸಿಕ್ಕಿದ್ದರೆ ಐಪಿಎಲ್ನಲ್ಲಿ ಯಾವ ಫ್ರಾಂಚೈಸಿ ಪರ ಆಡುತ್ತಿದ್ದಿರಿ? ಎಂದು ಟ್ವಿಟರ್ನಲ್ಲಿ ಅಭಿಮಾನಿಯೊಬ್ಬರು ಛೆಟ್ರಿಯಲ್ಲಿ ಪ್ರಶ್ನಿಸಿದ್ದರು. ಇದಕ್ಕೆ ಛೆಟ್ರಿ ನೀಡಿದ ಉತ್ತರ ಕನ್ನಡಿಗರಿಗೆ ಹೆಮ್ಮೆ ತರುವಂತಿದೆ.
ಛೆಟ್ರಿಯ ನೆಚ್ಚಿನ ತಂಡ ಯಾವುದು?
ಅಭಿಮಾನಿಯ ಪ್ರಶ್ನೆಗೆ ಛೆಟ್ರಿ, 'ನಾನು ಬೆಂಗಳೂರಿನ ಹುಡುಗ. ನನ್ನ ಈ ಉತ್ತರವೇ ನಿಮ್ಮ ಪ್ರಶ್ನೆಗೆ ಉತ್ತರಿಸುತ್ತದೆ,' ಎಂದು ಪ್ರತಿಕ್ರಿಯಿಸಿದ್ದಾರೆ. ಅಂದರೆ ಐಪಿಎಲ್ನಲ್ಲಿ ಆಡಿದರೆ ನಾನು ರಾಯಲ್ ಚಾಲೆಂಜರ್ಸ್ ಬೆಂಗಳೂರು (ಆರ್ಸಿಬಿ) ಪರ ಆಡುತ್ತೇನೆ ಎಂದು ಛೆಟ್ರಿ ಉತ್ತರಿಸಿದ್ದಾರೆ. ಕೊಹ್ಲಿ ನನ್ನ ಸ್ನೇಹಿತ. ಹೀಗಾಗಿ ನಾನು ಅವರ ನಾಯಕತ್ವದ ತಂಡದಲ್ಲಿ ಆಡಲು ಬಯಸುತ್ತೇನೆ ಎಂದು ಸುನಿಲ್ ಹೇಳಿದ್ದಾರೆ.
ರೊನಾಲ್ಡೋ ಸೋಲಿಸಲು ಸಾಧ್ಯವೆ?
ಫುಟ್ಬಾಲ್ ದಂತಕತೆಗಳಾದ ಕ್ರಿಸ್ಚಿಯಾನೊ ರೊನಾಲ್ಡೋ ಮತ್ತು ಲಿಯೋನೆಲ್ ಮೆಸ್ಸಿಯನ್ನು ಸೋಲಿಸಲು ಸಾಧ್ಯವೆ ಎಂಬ ಪ್ರಶ್ನಗೆ ಉತ್ತರಿಸಿರುವ ಛೆಟ್ರಿ, 'ಕೇರಮ್ನಲ್ಲಿ ಸೋಲಿಸುತ್ತೇನೆ. ಇವರಿಬ್ಬರೂ ಈ ಆಟದಲ್ಲಿ ವೀಕ್ ಇದ್ದಾರೆ. ಹಾಗಾಗಿ, ಇದರಲ್ಲಿ ನಾನು ಮೇಲುಗೈ ಸಾಧಿಸಬಹುದು,' ಎಂದು ತಮಾಷೆಯಾಗಿ ಉತ್ತರಿಸಿದ್ದಾರೆ.
ಟಾಪ್ 5 ಆಟಗಾರರು
ಈಗ ಸಕ್ರಿಯರಾಗಿರುವ ಆಟಗಾರರಲ್ಲಿ ಅತ್ಯಧಿಕ ಗೋಲ್ ಪಟ್ಟಿಯಲ್ಲಿ 1. ಕ್ರಿಸ್ಚಿಯಾನೊ ರೊನಾಲ್ಡೋ (ಪೋರ್ಚುಗಲ್, 99 ಗೋಲ್ಗಳು), 2. ಸುನಿಲ್ ಛೆಟ್ರಿ (ಭಾರತ, 72 ಗೋಲ್ಗಳು), 3. ಲಿಯೋನೆಲ್ ಮೆಸ್ಸಿ (ಅರ್ಜೆಂಟೀನಾ, 70 ಗೋಲ್ಗಳು) ಇದ್ದಾರೆ.