ಅರ್ಜೆಂಟಿನಾ vs ಜರ್ಮನಿ ಅಜೇಯ ತಂಡಗಳು
ವಿಶ್ವಕಪ್ ಫೈನಲ್ ಹಣಾಹಣಿ ತಲುಪಿರುವ ಅರ್ಜೆಂಟಿನಾ ತಂಡ ಇದುವರೆವಿಗೂ ಕಳೆದ 6 ಪಂದ್ಯಗಳಲ್ಲಿ ಒಂದು ಪಂದ್ಯವನ್ನೂ ಸೋತಿಲ್ಲ. ಜರ್ಮನಿ ಕೂಡಾ ಸೋಲು ಕಂಡಿಲ್ಲ. ಆದರೆ, ಲೀಗ್ ಹಂತದಲ್ಲಿ ಒಂದು ಪಂದ್ಯ ಡ್ರಾ ಮಾಡಿಕೊಂಡಿತ್ತು.
ಜರ್ಮನಿಯ ಮಿರಾಸ್ಲವ್ ಕ್ಲೋಸ್ (2002 ಫೈನಲ್) ಬಿಟ್ಟರೆ ಉಭಯ ತಂಡದ ಮಿಕ್ಕಾ ಎಲ್ಲಾ ಆಟಗಾರರಿಗೆ ಇದು ಮೊದಲ ಫೈನಲ್ ಪಂದ್ಯದ ಅನುಭವವಾಗಿದೆ.
ಅಂತಿಮ ಹಣಾಹಣಿಗೆ ಸ್ಟೇಡಿಯಂ ಸಜ್ಜು
ರಿಯೋ ಡಿ ಜನೈರೋದ ಎಸ್ಟಡಿಯೋ ಡೊ ಮರಕಾನಾ ಸ್ಟೇಡಿಯಂನಲ್ಲಿ ಫೀಫಾ ವಿಶ್ವಕಪ್ 2014ನ ಅಂತಿಮ ಹಣಾಹಣಿ ಜು.13ರ ರಾತ್ರಿ ನಡೆಯಲಿದೆ. 1950ರ ನಂತರ ಫೈನಲ್ ಪಂದ್ಯಕ್ಕೆ ಮೈದಾನ ಸಾಕ್ಷಿಯಾಗುತ್ತಿದೆ. 76,935 ಪ್ರೇಕ್ಷಕರನ್ನು ಈ ಮೈದಾನ ತುಂಬಿಕೊಳ್ಳಲಿದೆ.
ವಿಶ್ವಕಪ್ ಪ್ರಶಸ್ತಿ ಮೊತ್ತ
ವಿಶ್ವಕಪ್ ಪ್ರಶಸ್ತಿ ವಿಜೇತ ತಂಡಕ್ಕೆ 35 ಮಿಲಿಯನ್ ಡಾಲರ್ ಪ್ರಶಸ್ತಿ ನಗದು ಹಾಗೂ ಕಪ್ ಸಿಗಲಿದೆ. ರನ್ನರ್ ಅಪ್ ತಂಡಕ್ಕೆ 25 ಮಿಲಿಯನ್ ದಾಲರ್ ಸಿಗಲಿದೆ.
ಪರಸ್ಪರ ಮುಖಾಮುಖಿ
ವಿಶ್ವಕಪ್ ಫೈನಲ್ ನಲ್ಲಿ ಜರ್ಮನಿ ಹಾಗೂ ಅರ್ಜೆಂಟಿನಾ ಮೂರನೇ ಬಾರಿ ಸಂಧಿಸುತ್ತಿದ್ದಾರೆ. ಕಳೆದ ಎರಡು ಬಾರಿಯಲ್ಲಿ ಸಮಬಲ ಸಾಧಿಸಿದ್ದಾರೆ. ಅರ್ಜೆಂಟಿನಾ 1986 ರಲ್ಲಿ 3-2ರಿಂದ ಗೆದ್ದರೆ, ಜರ್ಮನಿ 1990ರಲ್ಲಿ 1-0 ಗೋಲು ಅಂತರದಿಂದ ಗೆಲುವು ಸಾಧಿಸಿತ್ತು.
ಜರ್ಮನಿ ಕಪ್ ಗೆದ್ದಿದ್ದು ಯಾವಾಗ?
ಜರ್ಮನಿ ತಂಡ ಮೂರು ಬಾರಿ ವಿಶ್ವಕಪ್ ಗೆದ್ದಿದೆ. ಅತಿಥೇಯರಾಗಿ 1954,1974 ರಲ್ಲಿ ಹಾಗೂ 1990ರಲ್ಲಿ(ಪಶ್ಚಿಮ ಜರ್ಮನಿಯಾಗಿ) ಗೆಲುವು ಸಾಧಿಸಿದೆ. ಅರ್ಜೆಂಟಿನಾ ತಂಡ ಅತಿಥೇಯರಾಗಿ 1978ರಲ್ಲಿ ಹಾಗೂ 1986 ರಲ್ಲಿ ಗೆಲುವು ಸಾಧಿಸಿತ್ತು.
ಅರ್ಜೆಂಟಿನಾ ಫೈನಲ್ ಗೆಲುವು
* ಅರ್ಜೆಂಟಿನಾ ಐದನೇ ಬಾರಿ ಫೈನಲ್ ಪ್ರವೇಶಿಸಿದ್ದು( 2 ಗೆಲುವು 1978,1986; 2 ಬಾರಿ ಸೋಲು 1930, 1990)
* ಜರ್ಮನಿ 8 ಬಾರಿ ಫೈನಲ್ ಪ್ರವೇಶಿಸಿದ್ದು (3 ಜಯ 1954, 1974, 1990; 4 ಸೋಲು 1966, 1982, 1986, 2002)
ಅರ್ಜೆಂಟಿನಾ ಮುಂದೆ
ಪರಸ್ಪರ ಕಾದಾಟದಲ್ಲಿ ಇದುವರೆವಿಗೂ ಅರ್ಜೆಂಟಿನಾ ಮುಂದಿದ್ದು 9-6 ಅನುಪಾತ ಹೊಂದಿದೆ. 5 ಪಂದ್ಯಗಳು ಡ್ರಾನಲ್ಲಿ ಮುಕ್ತಾಯ ಕಂಡಿವೆ.
ಜರ್ಮನಿ ಗೆದ್ದರೂ ಬ್ರೆಜಿಲ್ ಮುಂದೆ
8ನೇ ಬಾರಿ ಫೈನಲ್ ಪ್ರವೇಶಿಸಿರುವ ಜರ್ಮನಿ ಒಂದು ವೇಳೆ ಈ ಬಾರಿ ಕಪ್ ಎತ್ತಿದರೂ ಬ್ರೆಜಿಲ್ ವಿಜೇತ ಪಟ್ಟಿಯಲ್ಲಿ ಅಗ್ರಸ್ಥಾನ ಕಾಯ್ದುಕೊಳ್ಳಲಿದೆ.
ಬ್ರೆಜಿಲ್ (5 - 1958, 1962, 1970, 1994, 2002), ಇಟಲಿ (4 - 1934 as hosts, 1938, 1982, 2006) ಗೆದ್ದು ಮುನ್ನಡೆ ಕಾಯ್ದುಕೊಂಡಿವೆ.
24 ವರ್ಷದ ನಂತರ ಫೈನಲ್ ಗೆ
24 ವರ್ಷದ ನಂತರ ಅರ್ಜೆಂಟಿನಾ ಫೈನಲ್ ಗೆ ಲಗ್ಗೆ ಇಟ್ಟಿದ್ದರೆ, ಜರ್ಮನಿ ತಂಡ 12 ವರ್ಷಗಳ ನಂತರ ಫೈನಲ್ ನಲ್ಲಿ ಆಡುತ್ತಿದೆ.
ಜರ್ಮನಿಯ ಥಾಮಸ್ ಮುಲ್ಲರ್ ಚಿನ್ನದ ಬೂಟಿನ ರೇಸಿನಲ್ಲಿ 5 ಗೋಲು ಗಳಿಸಿ ಎರಡನೇ ಸ್ಥಾನದಲ್ಲಿದ್ದರೆ, ಮೆಸ್ಸಿ 4 ಗೋಲು ಗಳಿಸಿ ಮೂರನೇ ಸ್ಥಾನದಲ್ಲಿದ್ದರೆ, ಕೊಲಂಬಿಯಾದ ಅಮೆಸ್ ರೋಡ್ರಿಗ್ರೇಜ್ 6 ಗೋಲು ಗಳಿಸಿ ಅಗ್ರಸ್ಥಾನದಲ್ಲಿದ್ದಾರೆ.
ವಿದೇಶಿ ಕೋಚ್ ಕಪ್ ಗೆಲ್ಲಿಸಿಲ್ಲ
ವಿದೇಶಿ ಕೋಚ್ ಹೊಂದಿರುವ ತಂಡಗಳು ಇದುವರೆವಿಗೂ ವಿಶ್ವಕಪ್ ಗೆಲ್ಲಿಸಿಕೊಡಲು ಆಗದಿರುವುದು ಅಚ್ಚರಿಯೇ ಸರಿ. ಇದುವರೆವಿಗೂ ಕಪ್ ಗೆಲ್ಲಿಸಿ ಕೊಟ್ಟ 18 ಕೋಚುಗಳು ಕಪ್ ಗೆದ್ದ ದೇಶಕ್ಕೆ ಸೇರಿದವರಾಗಿದರು.
ಅರ್ಜೆಂಟಿನಾ (ಆಲೆಕ್ಸಾಂಡ್ರೊ ಸಬೆಲ್ಲಾ), ಜರ್ಮನಿ (ಜೋಕಿಂ ಲೊ) ತಮ್ಮ ದೇಶದ ಕೋಚ್ ಗಳನ್ನೆ ಹೊಂದಿದೆ. ಫೈನಲ್ ನಲ್ಲಿ ಮೆಸ್ಸಿ (ಅರ್ಜೆಂಟಿನಾ) ಹಾಗೂ ಫಿಲಿಪ್ ಲಾಮ್ (ಜರ್ಮನಿ) ನಾಯಕರಾಗಿದ್ದಾರೆ.