ಲಂಡನ್, ಮೇ 13: ಭಾನುವಾರ (ಮೇ 12) ನಡೆದ ಪ್ರೀಮಿಯರ್ ಲೀಗ್ (ಇಪಿಎಲ್) ಅಂತಿಮ ಪಂದ್ಯದ ಫಲಿತಾಂಶದೊಂದಿಗೆ ಈಜಿಪ್ಟ್ ಫುಟ್ಬಾಲ್ ಸ್ಟಾರ್ ಮೊಹಮ್ಮದ್ ಸಲಾಹ್ ಅವರಿದ್ದ ಲಿವರ್ಪೂಲ್ ತಂಡ ಪ್ರೀಮಿಯರ್ ಲೀಗ್ ಪ್ರಶಸ್ತಿಯನ್ನು ಕಳೆದುಕೊಂಡಿತು. ಆದರೆ ಅಂತಿಮ ಪಂದ್ಯದ ವೇಳೆ ಸಲಾಹ್ ಮಗಳು ಪ್ರೇಕ್ಷಕರ ಮನ ಗೆದ್ದರು.
IPL: ಅಂಪೈರ್ ಪ್ರಮಾದಕ್ಕೆ ಪ್ರತಿಕ್ರಿಯಿಸಿದ ಪೊಲಾರ್ಡ್ಗೆ ದಂಡ!
ಭಾನುವಾರ ನಡೆದ ಪ್ರೀಮಿಯರ್ ಲೀಗ್ ಪ್ರಶಸ್ತಿ ಸುತ್ತಿನ ಪಂದ್ಯದಲ್ಲಿ ಮ್ಯಾನ್ಚೆಸ್ಟರ್ ಸಿಟಿ ತಂಡ, ಬ್ರೈಟನ್ ಎಫ್ಸಿ ವಿರುದ್ಧ 4-1ರ ಗೆಲುವನ್ನಾಚರಿಸುವ ಮೂಲಕ ಪ್ರಶಸ್ತಿ ಗೆದ್ದುಕೊಂಡಿತ್ತು. ಹಾಲಿ ಚಾಂಪಿಯನ್ ಲಿವರ್ ಪೂಲ್ ಈ ಬಾರಿ ಟ್ರೋಫಿ ಗೆಲ್ಲುವಲ್ಲಿ ಹಿನ್ನಡೆ ಅನುಭವಿಸಿತ್ತು.
This is great to watch. Beautiful scenes. Mo Salah's daughter. ❤️👏🏻
— World Cup (@FlFAWC2018) May 12, 2019
pic.twitter.com/BNr8MHTKZR
ಆದರೆ ಲಿವರ್ ಪೂಲ್ ಆಟಗಾರ ಸಲಾಹ್ ಅವರು ಟೂರ್ನಿಯಲ್ಲಿ ಅತ್ಯಧಿಕ ಗೋಲ್ಗಾಗಿ ಗೋಲ್ಡನ್ ಬೂಟ್ ಪ್ರಶಸ್ತಿ ಜಯಿಸಿದ್ದರು. ಹೀಗಾಗಿ ಅಂತಿಮ ಪಂದ್ಯದ ಬಳಿಕ ಬಹುಮಾನ ವಿತರಣೆಯ ವೇಳೆ ಸಲಾಹ್ ಕೂಡ ಹಾಜರಿದ್ದರು. ಆಗ ಸಲಾಹ್ ಪುಟಾಣಿ ಮಗಳು ಮಕ್ಕ, ಮೈದಾನದ ತುಂಬ ಓಡಾಡಿ ಗೋಲ್ ಕೂಡ ಬಾರಿಸಿ ಪ್ರೇಕ್ಷಕರ ಮೆಚ್ಚುಗೆಗೆ ಪಾತ್ರರಾಗಿದ್ದರು. ಈ ವಿಡಿಯೋ ವೈರಲ್ ಆಗಿದೆ.