ಮಾಸ್ಕೋ, ಜು. 7: ರಷ್ಯಾದ ಸಮರಾ ಅರೆನಾದಲ್ಲಿ ನಡೆದ ಫೀಫಾ ವಿಶ್ವಕಪ್ ಕ್ವಾರ್ಟರ್ ಫೈನಲ್ ಸೆಣಸಾಟದಲ್ಲಿ ಇಂಗ್ಲೆಂಡ್ ತಂಡ ಸ್ವೀಡನ್ ತಂಡವನ್ನು 2-0 ಅಂತರದಿಂದ ಸೋಲಿಸಿ ಸೆಮಿಫೈನಲ್ ಪ್ರವೇಶಿಸಿದೆ. ಪಂದ್ಯದ ಪ್ರಥಮಾರ್ಧದಲ್ಲಿ ಮತ್ತು ದ್ವಿತೀಯಾರ್ಧದಲ್ಲಿ ಬಾರಿಸಿದ ಗೋಲ್ ಇಂಗ್ಲೆಂಡ್ ತಂಡದ ಗೆಲುವಿಗೆ ಕಾರಣವಾಯಿತು.
ಹ್ಯಾರಿ ಮೇಗುರ್ ಅವರು 30ನೇ ನಿಮಿಷಲದಲ್ಲಿ ಇಂಗ್ಲೆಂಡ್ ಪರ ಮೊದಲ ಗೋಲ್ ಬಾರಿಸಿದರು. ಅನಂತರ 58ನೇ ನಿಮಿಷದಲ್ಲಿ ಡೇಲ್ ಅಲ್ಲಿ ಅವರು ಸಿಡಿಸಿದ ಎರಡನೇ ಗೋಲ್ ಇಂಗ್ಲೆಂಡ್ ಗೆಲುವನ್ನು ಬರೆಯಿತು. 47ನೇ ನಿಮಿಷದಲ್ಲಿ ಸ್ವೀಡನ್ ನ ಮರ್ಕ್ಯೂಸ್ ಬರ್ಗ್ ಅವರು ಗೋಲ್ ಸಿಡಿಸುವ ಪ್ರಯತ್ನ ಮಾಡಿದ್ದರಾದರೂ ಅದನ್ನು ಇಂಗ್ಲೆಂಡ್ ನ ಜೋರ್ಡನ್ ಅವರು ತಪ್ಪಿಸಿದರು.
England enter semifinals of #FifaWorldCup2018 ; beat Sweden 2-0 in quarterfinal#SWEENG #FIFAWC2018 pic.twitter.com/hFGayzOIFP
— Doordarshan News (@DDNewsLive) July 7, 2018
ಪಂದ್ಯದ ಪ್ರಥಮಾರ್ಧದಲ್ಲಿ 1, ದ್ವಿತೀಯಾರ್ಧದಲ್ಲಿ 5 ಹೆಚ್ಚುವರಿ ನಿಮಿಷಗಳನ್ನು ಸೇರಿಸಲಾಯಿತಾದರೂ ಸ್ವೀಡನ್ ಗೋಲ್ ದಾಖಲಿಸುವಲ್ಲಿ ವಿಫಲವಾಯಿತು. ಈ ಸೋಲಿನೊಂದಿಗೆ ಸ್ವೀಡನ್ ನ ಈ ಬಾರಿಯ ಫೀಫಾ ವಿಶ್ವಕಪ್ ಕನಸು ಭಗ್ನಗೊಂಡಂತಾಗಿದೆ.
#Eng beat #Swe 2-0 to reach first #WorldCup semi-final in 28 years https://t.co/NfAXGadcmm
— Guardian sport (@guardian_sport) July 7, 2018
ಪಂದ್ಯದ ವೇಳೆ ಇಂಗ್ಲೆಂಡ್ ನ ಹ್ಯಾರಿ ಮೇಗುರ್, ಸ್ವೀಡನ್ ನ ಜಾನ್ ಗುಡೆಟ್ಟಿ, ಸೆಬಾಸ್ಟಿಯನ್ ಲಾರ್ಸನ್ ವಿರುದ್ಧ ಯೆಲ್ಲೋ ಕಾರ್ಡ್ ಪ್ರದರ್ಶಿಸಲ್ಪಟ್ಟಿತು. ಇಂಗ್ಲೆಂಡ್ ಮೂರುಬಾರಿ, ಸ್ವೀಡನ್ ಮೂರುಬಾರಿ ಗಾಯಾಳು ಆಟಗಾರರನ್ನು ಬದಲಿಸಿಕೊಂಡಿತು.