ವಿಶ್ವಕಪ್: ಬೆಲ್ಜಿಯಂ ಮಣಿಸಿ ಪ್ರಶಸ್ತಿ ಸುತ್ತಿಗೆ ಪ್ರವೇಶಿಸಿದ ಫ್ರಾನ್ಸ್

ಮಾಸ್ಕೋ, ಜುಲೈ 11: ರಷ್ಯಾದ ಸೇಂಟ್ ಪೀಟರ್ಸ್ ಬರ್ಗ್ ಸ್ಟೇಡಿಯಂನಲ್ಲಿ ನಡೆದ ಫೀಫಾ ವಿಶ್ವಕಪ್ ಪಂದ್ಯದಲ್ಲಿ ಬಲಿಷ್ಟ ಬೆಲ್ಜಿಯಂ ತಂಡವನ್ನು 1-0 ಅಂತರದಿಂದ ಸೋಲಿಸಿದ ಫ್ರಾನ್ಸ್ ಪ್ರಶಸ್ತಿ ಸುತ್ತಿಗೆ ಪ್ರವೇಶಿಸಿದೆ. ಪಂದ್ಯದ ದ್ವಿತೀಯಾರ್ಧದಲ್ಲಿ ಸಿಡಿಸಿದ ಗೋಲ್ ನೆರವಿನಿಂದ ಫ್ರಾನ್ಸ್ ಗೆಲುವನ್ನು ಸಂಭ್ರಮಿಸಿತು.

ಪಂದ್ಯದ ಸ್ಕೋರ್ ಕಾರ್ಡ್

ಫ್ರಾನ್ಸ್ ನ ಸ್ಯಾಮ್ಯುಯೆಲ್ ಉಮ್ಟಿಟಿ ಅವರು 51ನೇ ನಿಮಿಷದಲ್ಲಿ ಗೋಲ್ ಬಾರಿಸಿ ಫ್ರಾನ್ಸ್ ವಿಜಯದ ನಗು ಬೀರುವಂತೆ ಮಾಡಿದರು. ಫ್ರಾನ್ಸ್ 45ನೇ ನಿಮಿಷದಲ್ಲಿ ಮೊದಲ ಗೋಲ್ ಬಾರಿಸುವುದರಲ್ಲಿತ್ತು. ಆದರೆ ಅದನ್ನು ಲುಕಾಕು ಅವರು ತಪ್ಪಿಸಿದರು.

🔴 BREAKING - World Cup semi-final: France beat Belgium 1-0 to advance to final https://t.co/jrRTEnuNcI pic.twitter.com/VHbyrvnb2I

— FRANCE 24 Breaking (@BreakingF24) July 10, 2018

61ನೇ ನಿಮಿಷದಲ್ಲಿ ಬೆಲ್ಜಿಯಂನ ಕೆವಿನ್ ಡೆ ಬ್ರುಯಿನ್ ಅವರು ಗೋಲ್ ಬಾರಿಸಿ ಫ್ರಾನ್ಸ್ ನೀಡಿದ್ದ 1-0 ಅಂತರವನ್ನು ಸರಿದೂಗಿಸಲು ಪ್ರಯತ್ನಿಸಿದ್ದರು. ಆದರೆ ಆ ಹೊಡೆತದಿಂದ ಚಿಮ್ಮಿದ ಗೋಲ್ ನೇರವಾಗಿ ಫ್ರಾನ್ಸ್ ಗೋಲ್ ಕೀಪರ್ ಹ್ಯೂಗೋ ಲಾಲೋರಿಸ್ ಅವರ ಕೈ ಸೇರಿತ್ತು.

#France beat #Belgium by 1-0 to reach finals of #fifaworldcup 2018#FRABEL #BelgiumvsFrance pic.twitter.com/mkpTlhancM

— Tehelka (@Tehelka) July 10, 2018

ಪಂದ್ಯದ ಪ್ರಥಮಾರ್ಧಲ್ಲಿ 1 ಹೆಚ್ಚುವರಿ ನಿಮಿಷ ಮತ್ತು ದ್ವಿತೀಯಾರ್ಧದಲ್ಲಿ 6 ಹೆಚ್ಚುವರಿ ನಿಮಿಷಗಳನ್ನು ಸೇರಿಸಲಾಯಿತಾದರೂ ಬೆಲ್ಜಿಯಂ ಗೋಲ್ ದಾಖಲಿಸಲು ವಿಫಲವಾಯಿತು. ಪಂದ್ಯದ ವೇಳೆ ಬೆಲ್ಜಿಯಂ ಪರ 3, ಫ್ರಾನ್ಸ್ ಪರ 2 ಬಾರಿ ಯೆಲ್ಲೋ ಕಾರ್ಡ್ ಪ್ರದರ್ಶಿಸಲ್ಪಟ್ಟಿತು.