ಫೀಫಾ ವಿಶ್ವಕಪ್: ಇಂಗ್ಲೆಂಡ್ ಸೋಲಿಸಿದ ಬೆಲ್ಜಿಯಂಗೆ ತೃತೀಯ ಸ್ಥಾನ

ಮಾಸ್ಕೋ, ಜುಲೈ 14: ರಷ್ಯಾದ ಸೇಂಟ್ ಪೀಟರ್ಸ್ ಬರ್ಗ್ ಸ್ಟೇಡಿಯಂನಲ್ಲಿ ನಡೆದ ಫೀಫಾ ವಿಶ್ವಕಪ್ ತೃತೀಯ ಸ್ಥಾನಿಗರ ಆಯ್ಕೆಯ ಪಂದ್ಯದಲ್ಲಿ ಇಂಗ್ಲೆಂಡ್ ವಿರುದ್ಧ ಬೆಲ್ಜಿಯಂ 2-0 ಅಂತರದ ಗೆಲುವು ದಾಖಲಿಸಿದೆ. ಪಂದ್ಯದ ಪ್ರಥಮಾರ್ಧದಲ್ಲಿ ಮತ್ತು ದ್ವೀಯಾರ್ಧದಲ್ಲಿ ಸಿಡಿಸಿದ ಗೋಲ್ ನೆರವಿನಿಂದ ಬೆಲ್ಜಿಯಂ, ಇಂಗ್ಲೆಂಡ್ ತಂಡವನ್ನು ನಾಲ್ಕನೇ ಸ್ಥಾನಕ್ಕೆ ತಳ್ಳಿತು.

ಪಂದ್ಯದ ಸ್ಕೋರ್ ಕಾರ್ಡ್

ಪಂದ್ಯಾರಂಭದಲ್ಲೇ ಬೆಲ್ಜಿಯಂ ಗೋಲ್ ಖಾತೆ ತೆರೆಯಿತು. ಬೆಲ್ಜಿಯಂ ನ ಥಾಮಸ್ ಮೌನಿಯರ್ ಅವರು 4ನೇ ನಿಮಿಷದಲ್ಲಿ ಗೋಲ್ ಬಾರಿಸಿ ತಂಡಕ್ಕೆ ಮುನ್ನಡೆ ಕೊಟ್ಟರು. ಪಂದ್ಯದ ಮುಕ್ತಾಯ ವೇಳೆ ಅಂದರೆ 82ನೇ ನಿಮಿಷದಲ್ಲಿ ಈಡನ್ ಹಜಾರ್ಡ್ ಅವರು ಮತ್ತೊಂದು ಗೋಲ್ ಬಾರಿಸಿ ಬೆಲ್ಜಿಯಂ ಗೆಲುವನ್ನು ಬರೆದರು.

FT: #BEL 2-0 #ENG

A deserved win for the Red Devils. Belgium beat England 1-0 in the group phase and completes a double over the 1966 #WorldCup winners in #RUS. It’s time for home now. pic.twitter.com/YDFN2DvTV7

— Oluwashina Okeleji (@oluwashina) July 14, 2018

ಪಂದ್ಯದ ಪ್ರಥಮಾರ್ಧದಲ್ಲಿ 2 ಮತ್ತು ದ್ವಿತೀಯಾರ್ಧದಲ್ಲಿ 3 ಹೆಚ್ಚುವರಿ ನಿಮಿಷಗಳನ್ನು ಸೇರಿಸಲಾಯಿತಾದರೂ ಇಂಗ್ಲೆಂಡ್ ನಿಂದ ಗೋಲ್ ದಾಖಲಾಗಲಿಲ್ಲ. ಇಂಗ್ಲೆಂಡ್ ಸಾಕಷ್ಟು ಸಾರಿ ಗೋಲ್ ಗಾಗಿ ಪ್ರಯತ್ನಿಸಿತು. ಹರಿಕೇನ್ ಅವರು 23 ನಿಮಿಷದಲ್ಲಿ ಗೋಲ್ ಗಾಗಿ ಮಾಡಿದ ಪ್ರಯತ್ನವೂ ವ್ಯರ್ಥವಾಯಿತು.

#WorldCup Belgium beat England 2-0 in World Cup third-place playoff #BELENG pic.twitter.com/8OSjFIJinD pic.twitter.com/OdpH2wue8K

— Argemiro Jaramillo (@ArgemiroElPrimo) July 14, 2018

ಪಂದ್ಯದ ವೇಳೆ ಇಂಗ್ಲೆಂಡ್ ಪರ ಎರಡು ಬಾರಿ, ಬೆಲ್ಜಿಯಂ ಪರ ಒಂದು ಬಾರಿ ಯೆಲ್ಲೋ ಕಾರ್ಡ್ ಪ್ರದರ್ಶಿಸಲ್ಪಟ್ಟಿತು. ಇತ್ತಂಡಗಳು ಒಟ್ಟು ಆರು ಬಾರಿ ಆಟಗಾರನ್ನು ಬದಲಿಸಿಕೊಂಡವು.