ಮಸ್ಕತ್, ಅಕ್ಟೋಬರ್ 27: ಓಮನ್ ನ ಮಸ್ಕತ್ ನಲ್ಲಿ ನಡೆದ ಏಷ್ಯನ್ ಚಾಂಪಿಯನ್ಸ್ ಟ್ರೋಫಿ ಹಾಕಿ ಸೆಮಿಫೈನಲ್ ನಲ್ಲಿ ಜಪಾನ್ ವಿರುದ್ಧ 3-2 ಅಂತರದ ಜಯ ಸಾಧಿಸುವುದರೊಂದಿಗೆ ಭಾರತ ಫೈನಲ್ ಪ್ರವೇಶಿಸಿದೆ. ಕುತೂಹಲಕಾರಿ ಈ ಪಂದ್ಯದಲ್ಲಿ ಭಾರತ ರೋಚಕ ಗೆಲುವನ್ನಾಚರಿಸಿತು. ಪ್ರಶಸ್ತಿ ಪಂದ್ಯದಲ್ಲಿ ಭಾರತದ ಪುರುಷರು ಸಾಂಪ್ರದಾಯಿಕ ಎದುರಾಳಿ ಪಾಕಿಸ್ತಾನದ ಸವಾಲು ಸ್ವೀಕರಿಸಲಿದ್ದಾರೆ.
ಚಾಂಪಿಯನ್ಸ್ ಟ್ರೋಫಿ: ಕೊರಿಯಾ ಸೋಲಿಸಿ ಅಜೇಯವಾಗಿ ಉಳಿದ ಭಾರತ
ಮಸ್ಕತ್ ನ ಸುಲ್ತಾನ್ ಕ್ವಾಬೂಸ್ ಸ್ಪೋರ್ಟ್ಸ್ ಕಾಂಪ್ಲೆಕ್ಸ್ ನಲ್ಲಿ ಶನಿವಾರ (ಅಕ್ಟೋಬರ್ 27) ನಡೆದ ಪಂದ್ಯದ ಆರಂಭದಲ್ಲೇ ಭಾರತ ಮುನ್ನಡೆ ಗಳಿಸಿತು. ಭಾರತದ ಗುರ್ಜಂತ್ ಸಿಂಗ್ ಅವರು 19ನೇ ನಿಮಿಷದಲ್ಲಿ ಗೋಲ್ ಬಾರಿಸಿ ತಂಡಕ್ಕೆ 1-0ಯ ಮುನ್ನಡೆ ಕೊಟ್ಟರು. ಅನಂತರ ಜಪಾನ್ ನ ವಾಕುರಿ ಅವರೂ 22ನೇ ನಿಮಿಷದಲ್ಲಿ ಗೋಲ್ ಬಾರಿಸಿ ಅಂಕವನ್ನು 1-1ಕ್ಕೆ ಸರಿದೂಗಿಸಿಕೊಂಡರು.
FT. The Indian Men's Hockey Team ward off a late fight-back from Japan to claim victory in the Semi-Final of the Hero Asian Champions Trophy 2018 on 27th October and set up a clash in the Final against Pakistan.#IndiaKaGame #HeroACT2018 #INDvJPN pic.twitter.com/k8Vn3DRhQA
— Hockey India (@TheHockeyIndia) October 27, 2018
ಪ್ರಥಮಾರ್ಧದಲ್ಲಿ ಇತ್ತಂಡಗಳ ಅಂಕ 1-1 ಆಗಿದ್ದರಿಂದ ಪಂದ್ಯ ಮುಂದುವರೆದಂತೆ ಇನ್ನಷ್ಟು ರೋಚಕ ಅನ್ನಿಸಿತ್ತು. ಆದರೆ 44ನೇ ನಿಮಿಷದಲ್ಲಿ ಭಾರತ ಚಿನ್ಲೆನ್ಸನಾ ಗೋಲ್ ಸಿಡಿಸಿ ಭಾರತಕ್ಕೆ 2-1ರ ಮುನ್ನಡೆ ಕೊಟ್ಟರು. ಅಂತಿಮ ಕ್ಷಣದಲ್ಲಿ ಅಂದರೆ 55ನೇ ನಿಮಿಷದಲ್ಲಿ ಭಾರತ ಪರ ದಿಲ್ಪ್ರೀತ್ ಸಿಂಗ್ ಮತ್ತೊಂದು ಗೋಲ್ ಬಾರಿಸಿ ಮುನ್ನಡೆ 3-1ಕ್ಕೆ ಹೆಚ್ಚಿಸಿದರು. ಜಪಾನ್ ಕೂಡ 56ನೇ ನಿಮಿಷದಲ್ಲಿ ಗೋಲ್ ಬಾರಿಸಿತಾದರೂ ಗೆಲುವು ಭಾರತದ ಪರವಾಯಿತು.
ಹಾಲಿ ಚಾಂಪಿಯನ್ ಭಾರತ ಇದಕ್ಕೂ ಮುನ್ನ ಜಪಾನ್ ತಂಡವನ್ನು 9-0 ಅಂತರದಿಂದ ಸೋಲಿಸಿ ಅಂಕಪಟ್ಟಿಯಲ್ಲಿ 13 ಪಾಯಿಂಟ್ ಗಳೊಂದಿಗೆ ಅಗ್ರ ಸ್ಥಾನದಲ್ಲಿತ್ತು. ಈ ಮೊದಲು ಆಡಿದ್ದ 5 ಪಂದ್ಯಗಳಲ್ಲಿ ಭಾರತ 4 ಪಂದ್ಯಗಳನ್ನು ಗೆದ್ದು ಮಲೇಷ್ಯಾ ವಿರುದ್ಧದ ಪಂದ್ಯವನ್ನು ಡ್ರಾ ಮಾಡಿಕೊಂಡಿತ್ತು.
ಜಕಾರ್ತಾ ಏಷ್ಯಾನ್ ಗೇಮ್ಸ್ ಪುರುಷರ ಹಾಕಿಯಲ್ಲಿ ಜಪಾನ್ ತಂಡ ಚಾಂಪಿಯನ್ ಆಗಿ ಮೂಡಿಬಂದಿತ್ತು. ಮಲೇಷ್ಯಾ ರನ್ನರ್ಸ್ ಅನ್ನಿಸಿಕೊಂಡಿದ್ದರೆ, ಭಾರತ ಕಂಚಿನ ಪದಕಕ್ಕೆ ತೃಪ್ತಿಪಟ್ಟಿತ್ತು. ಹೀಗಾಗಿ ಸೆಮಿಫೈನಲ್ ಪಂದ್ಯ ಸಾಕಷ್ಟು ಕುತೂಹಲ ಮೂಡಿಸಿತ್ತು.