ಕೊರೊನಾವೈರಸ್ ಭೀತಿ: ಅಝ್ಲಾನ್ ಷಾ ಕಪ್ ಹಾಕಿ ಟೂರ್ನಿ ಮುಂದಕ್ಕೆ

ಕೌಲಾಲಂಪುರ್, ಮಾರ್ಚ್ 2: ಕೊರೊನಾ ವೈರಸ್‌ನಿಂದಾಗಿ ಅಝ್ಲಾನ್ ಷಾ ಕಪ್ ಹಾಕಿ ಟೂರ್ನಿ ಮುಂದೂಡಲ್ಪಟ್ಟಿದೆ. ಬೇರೆ ಬೇರೆ ದೇಶಗಳಿಗೆ ಕೊರೊನಾ ವೈರಸ್ ಆತಂಕಕಾರಿಯಾಗಿ ಹಬ್ಬುತ್ತಿರುವುದರಿಂದ ಟೂರ್ನಿಯನ್ನು ಎಪ್ರಿಲ್‌ಗೆ ಬದಲಾಗಿ ಸೆಪ್ಟೆಂಬರ್‌ನಲ್ಲಿ ನಡೆಸಲು ನಿರ್ಧರಿಸಲಾಗಿದೆ. ಸೋಮವಾರ (ಮಾರ್ಚ್ 2) ಈ ಬಗ್ಗೆ ಅಧಿಕೃತ ಮಾಹಿತಿ ಲಭಿಸಿದೆ.

ಟೆಸ್ಟ್ ಸರಣಿಯಲ್ಲಿ ಟೀಮ್ ಇಂಡಿಯಾದ ಸೋಲಿಗೆ ರಿಷಭ್ ಪಂತ್ ಕಾರಣವೆ?!

ಮಲೇಷ್ಯಾದ ಓಪೋವಿನಲ್ಲಿ ಏಪ್ರಿಲ್‌ 11ರಿಂದ 18ರ ವರೆಗೆ ಅಝ್ಲಾನ್ ಷಾ ಕಪ್ ನಡೆಸಲು ದಿನಾಂಕ ನಿಗದಿಯಾಗಿತ್ತು. ಆದರೆ ಕೊರೊನಾ ವೈರಸ್ ಭೀತಿಯಿಂದಾಗಿ ಈ ಟೂರ್ನಿ ಸೆಪ್ಟೆಂಬರ್ 24ರಿಂದ ಅಕ್ಟೋಬರ್‌ 4ರ ವರಗೆ ಮುಂದೂಡಲ್ಪಟ್ಟಿದೆ ಎಂದು ಆಯೋಜಕರು ಹೇಳಿಕೆಯಲ್ಲಿ ತಿಳಿಸಿದ್ದಾರೆ.

ತಲೈವಾ ಎಂಎಸ್ ಧೋನಿಗೆ ಚೆನ್ನೈಯಲ್ಲಿ ಅದ್ದೂರಿ ಸ್ವಾಗತ: ವೀಡಿಯೋ

'29ನೇ ಆವೃತ್ತಿಯ ಸುಲ್ತಾನ್ ಅಝ್ಲಾನ್‌ ಷಾ ಕಪ್ ಪುರುಷರ ಹಾಕಿ ಟೂರ್ನಮೆಂಟ್ 2020 ಮುಂದೂಡಲ್ಪಟ್ಟಿದೆ,' ಎಂದು ಆಯೋಜನಾ ಸಮಿತಿಯ ಅಧ್ಯಕ್ಷ ಹಾಜಿ ಅಬ್ದುಲ್ ರಹೀಮ್,' ಹೇಳಿಕೆಯಲ್ಲಿ ತಿಳಿಸಿದ್ದಾರೆ. ಕೊವಿಡ್-19 ಎಂದು ಹೆಸರಿನಲಾಗಿರುವ ಮಾರಕ ವೈರಸ್ ಸೋಂಕು ಕೊರಿಯಾ, ಜಪಾನ್‌ಗೂ ಹಬ್ಬುತ್ತಿದೆ.