ವನಿತಾ ಹಾಕಿ: ಚೀನಾ ವಿರುದ್ಧ ಭಾರತಕ್ಕೆ 3-1ರ ಗೆಲುವು

ಡೊಂಘೇ ಸಿಟಿ (ದಕ್ಷಿಣ ಕೊರಿಯಾ), ಮೇ 16: ಕೊರಿಯಾದಲ್ಲಿ ಬುಧವಾರ ನಡೆದ ವನಿತಾ ಹಾಕಿ 'ಏಷ್ಯನ್ ಚಾಂಪಿಯನ್ಸ್ ಟ್ರೋಫಿ' ಪಂದ್ಯಾವಳಿಯಲ್ಲಿ ಭಾರತ ತಂಡ ಚೀನಾ ತಂಡವನ್ನು 3-1 ಅಂತರದಿಂದ ಸೋಲಿಸಿ ಮುನ್ನಡೆ ಸಾಧಿಸಿದೆ.

ವಂದನಾ ಕಟಾರಿಯಾ 4 ಮತ್ತು 11ನೇ ನಿಮಿಷದಲ್ಲಿ ಸಿಡಿಸಿದ ಗೋಲು ಮತ್ತು ಗುರ್ಜಿತ್ ಕೌರ್ ಪೆನಾಲ್ಟಿ ಕಾರ್ನರ್ ನಲ್ಲಿ ಬಾರಿಸಿದ ಗೋಲ್ ನೆರವಿನಿಂದ ಹಾಕಿ ಅಗ್ರ ಸ್ಥಾನಿ ಚೀನಾವನ್ನು ಭಾರತ ಬಗ್ಗುಬಡಿಯಿತು.

Asian Champions Trophy: Indian women's hockey team defeats China, remains unbeaten https://t.co/zmiLGYWQqI pic.twitter.com/PjlJGTRcO4

— DNA (@dna) May 16, 2018

ಈ ಜಯದೊಂದಿಗೆ ಭಾರತ ರ್ಯಾಂಕಿಂಗ್ ನಲ್ಲಿ ಕೊಂಚ ಮೇಲಕ್ಕೆ ಜಿಗಿಯುವ ನಿರೀಕ್ಷೆ ಮೂಡಿಸಿದೆ. ಆಡಿರುವ ಕೆಲವು ಪಂದ್ಯಗಳಲ್ಲಿ ಭಾರತ ಎರಡು ಗೆಲುವುಗಳನ್ನು ದಾಖಲಿಸಿದೆ. ಸದ್ಯ ವಿಶ್ವ ನಂ. 10ರಲ್ಲಿ ಭಾರತ ವನಿತಾ ಹಾಕಿ ತಂಡವಿದೆ.

ಗುರುವಾರ ನಡೆಯಲಿರುವ ಮುಂದಿನ ಪಂದ್ಯದಲ್ಲಿ ಭಾರತ ಮಲೇಷ್ಯಾ ಎದುರು ಸೆಣಸಾಡಲಿದೆ. ಇನ್ನೊಂದು ಪಂದ್ಯದಲ್ಲಿ ಮಲೇಷ್ಯಾ ತಂಡವು ಜಪಾನ್ ತಂಡವನ್ನು 3-2 ಅಂತರದಿಂದ ಸೋಲಿಸಿ ಮುನ್ನಡೆ ಸಾಧಿಸಿದೆ.

Reigning champions India beats China 3-1 in the second match of Women's Asian Champions Trophy. (Vandana 4', 11'; Gurjit Kaur 50')

Two wins out of two games so far for the Indian eves! pic.twitter.com/aAUyES0TnZ

— The Bridge (@TheBridge_IN) May 16, 2018

ಚೀನಾ ಎದುರಿನ ಗೆಲುವಿಗೂ ಮುನ್ನ ಭಾರತ ತಂಡ ಜಪಾನ್ ತಂಡವನ್ನು 4-1 ಅಂತರದಿಂದ ಸೋಲಿಸಿ ಮುಂದುವರೆದಿದತ್ತು. ಈ ಪಂದ್ಯ ಪಂದ್ಯಾವಳಿಯ ಆರಂಭಿಕ ಪಂದ್ಯವಾಗಿತ್ತು.