ಐಪೋ, ಮಾರ್ಚ್ 23: ಮಲೇಷ್ಯಾದ ಐಪೋನಲ್ಲಿ ನಡೆಯುತ್ತಿರುವ 2019ರ ಸುಲ್ತಾನ್ ಅಜ್ಲಾನ್ ಷಾ ಕಪ್ ಹಾಕಿ ಟೂರ್ನಿಯ ಆರಂಭಿಕ ಪಂದ್ಯದಲ್ಲಿ ಭಾರತದ ಪುರುಷರ ತಂಡ ಏಷ್ಯನ್ ಗೇಮ್ಸ್ನಲ್ಲಿ ಬಂಗಾರ ಗೆದ್ದಿದ್ದ ಬಲಿಷ್ಠ ಜಪಾನ್ ತಂಡವನ್ನು 2-0 ಅಂತರದಿಂದ ಸೋಲಿಸಿ ಮುನ್ನಡೆ ಗಿಟ್ಟಿಸಿಕೊಂಡಿದ್ದಾರೆ.
IPL 2019: ಅಭ್ಯಾಸದ ವೇಳೆ ಅದ್ಭುತ ಸಿಕ್ಸ್ ಸಿಡಿಸಿದ ಧೋನಿ-ವಿಡಿಯೋ
ಶನಿವಾರ (ಮಾರ್ಚ್ 23) ನಡೆದ ಉದ್ಘಾಟನಾ ಪಂದ್ಯದಲ್ಲಿ ಭಾರತದ ಪುರುಷರ ತಂಡ ಶುಭಾರಂಭ ಕಂಡಿತು. ಪೆನಾಲ್ಟಿ ಅವಕಾಶವನ್ನು ಬಳಸಿಕೊಂಡು ತಂಡದ ಪರ ವರುಣ್ ಕುಮಾರ್ 24ನೇ ನಿಮಿಷದಲ್ಲಿ ಮೊದಲ ಗೋಲ್ ಬಾರಿಸಿ ಭಾರತಕ್ಕೆ 1-0ಯ ಮುನ್ನಡೆ ಕೊಟ್ಟರು.
Sultan Azlan Shah Cup : #India begin their campaign with a 2-0 win over #Japan#SultanAzlanShahCup2019 pic.twitter.com/kwSEbBpaqE
— Doordarshan News (@DDNewsLive) March 23, 2019
ಅನಂತರ ದ್ವಿತೀಯಾರ್ಧದಲ್ಲಿ ಅಂದರೆ 55ನೇ ನಿಮಿಷದಲ್ಲಿ ಸಿಮ್ರನ್ ಜೀತ್ ಸಿಂಗ್ ದ್ವಿತೀಯ ಗೋಲ್ ಬಾರಿಸಿ ತಂಡದ ಗೆಲುವಿಗೆ ಕಾರಣವಾದರು. ಈ ಪಂದ್ಯದ ಬಳಿಕ ಭಾರತದ ಖಾತೆಗೆ 3 ಅಂಕಗಳು ಸೇರಿವೆ. ಈ ಟೂರ್ನಿಯಲ್ಲಿ ಭಾರತ ಒಟ್ಟು 5 ಸಾರಿ ಚಾಂಪಿಯನ್ ಅನ್ನಿಸಿಕೊಂಡಿದೆ.