ಟೋಕಿಯೋ: ಭಾರತ ಮತ್ತು ಜರ್ಮನಿ ನಡುವಿನ ಮಹಿಳಾ ಫೀಲ್ಡ್ ಹಾಕಿ ಪಂದ್ಯದಲ್ಲಿ ಜರ್ಮನಿ ತಂಡ ಸುಲಭ ಜಯ ಗಳಿಸಿದೆ. ಭಾರತವನ್ನು ಜರ್ಮನಿ 2-0ಯಿಂದ ಸೋಲಿಸಿದೆ. ಗ್ರೂಪ್ ಬಿಯಲ್ಲಿದ್ದ ಭಾರತ ತನ್ನ ಎರಡನೇ ಪಂದ್ಯದಲ್ಲೂ ನೀರಸ ಪ್ರದರ್ಶನದೊಂದಿಗೆ ಪಂದ್ಯ ಸೋತಿದೆ.
ಇಂಗ್ಲೆಂಡ್ ಟೆಸ್ಟ್ ಸರಣಿಗೆ ಭಾರತದ ಅಪ್ಡೇಟೆಡ್ ತಂಡ ಪ್ರಕಟ, ತಂಡದಲ್ಲಿ ಪ್ರಮುಖ ಬದಲಾವಣೆ!
ಇದು ಭಾರತಕ್ಕೆ ಲಭಿಸಿದ ಸತತ ಎರಡನೇ ಸೋಲು. ಇದಕ್ಕೂ ಮುನ್ನ ನೆದರ್ಲ್ಯಾಂಡ್ಸ್ ವಿರುದ್ಧ ಭಾರತದ ಮಹಿಳಾ ತಂಡ 5-1ರ ಸೋಲು ಅನುಭವಿಸಿತ್ತು. ಇದರೊಂದಿಗೆ ಹಾಕಿಯಲ್ಲಿ ಭಾರತದ ಮಹಿಳಾ ಮತ್ತು ಪುರುಷರ ತಂಡಗಳು ನಿರಾಸೆಯ ಪ್ರದರ್ಶನ ನೀಡಿದಂತಾಗಿದೆ.
ಭಾರತೀಯ ಪುರುಷರ ತಂಡವೂ ಆಸ್ಟ್ರೇಲಿಯಾ ವಿರುದ್ಧ ಹೀನಾಯ ಸೋಲು ಕಂಡಿತ್ತು. ಮಹಿಳಾ ತಂಡವೂ ಈ ಸೋತು ಪದಕದಾಸೆ ಕೈಚೆಲ್ಲಿದೆ. ಫೆಬ್ರವರಿ 2015ರ ಬಳಿಕ ಭಾರತದ ಮಹಿಳಾ ತಂಡ ಇದೇ ಮೊದಲ ಬಾರಿಗೆ ಜರ್ಮನಿ ವಿರುದ್ಧ ಹಾಕಿ ಪಂದ್ಯ ಆಡಿತ್ತು. ಹಿಂದಿನ ಮುಖಾಮುಖಿಯಲ್ಲಿ ಭಾರತ 2-1ರಿಂದ ಗೆದ್ದಿತ್ತು.
ಐಪಿಎಲ್ 2021: ಇನ್ನುಳಿದ ಪಂದ್ಯಗಳ ವೇಳಾಪಟ್ಟಿ ಪ್ರಕಟಿಸಿದ ಬಿಸಿಸಿಐ!
ಜರ್ಮನಿಯಿಂದ ಆನ್ ಕಟಾರಿನಾ ಶ್ರೋಡರ್ ಮತ್ತು ನೈಕ್ ಲೊರೆನ್ಜ್ ಗೋಲ್ ಬಾರಿಸಿ ತಂಡದ ಗೆಲುವು ಸಾರಿದ್ದಾರೆ. ಮಹಿಳಾ ವೇಟ್ ಲಿಫ್ಟಿಂಗ್ನಲ್ಲಿ ಮೀರಾಬಾಯಿ ಚಾನು ದೇಶಕ್ಕೆ ಬೆಳ್ಳಿ ಪದಕ ಗೆದ್ದಿದ್ದು ಬಿಟ್ಟರೆ ಭಾರತಕ್ಕೆ ಬೇರೆ ಪದಕಗಳು ಬಂದಿಲ್ಲ.