ಜಕಾರ್ತಾ, ಆಗಸ್ಟ್ 23: ಇಂಡೋನೇಷ್ಯಾದಲ್ಲಿ ನಡೆಯುತ್ತಿರುವ 18ನೇ ಏಷ್ಯನ್ ಗೇಮ್ಸ್ ನಲ್ಲಿ ಭಾರತದ ಪುರುಷರ ಕಬಡ್ಡಿ ತಂಡಕ್ಕೆ ಆಘಾತವಾಗಿದೆ. ಬುಧವಾರ ನಡೆದ ಸೆಮಿಫೈನಲ್ ಪಂದ್ಯದಲ್ಲಿ ಭಾರತ ತಂಡ ಇರಾನ್ ಎದುರು ಸೋತು ಕಂಚಿಗೆ ತೃಪ್ತಿ ಪಟ್ಟುಕೊಳ್ಳುವಂತಾಗಿದೆ.
ಏಷ್ಯನ್ ಗೇಮ್ಸ್ 2018: ಬೆಳ್ಳಿಗೆ ಗುರಿಯಿಟ್ಟ ಶೂಟರ್ ಶಾರ್ದೂಲ್ ವಿಹಾನ್
ಮೊದಲಿನ ಪಂದ್ಯಗಳಲ್ಲಿ ಚುರುಕುತನ ಪ್ರದರ್ಶಿಸಿದ್ದ ಭಾರತದ ಕಬಡ್ಡಿ ತಂಡ ಪ್ರಶಸ್ತಿ ಸುತ್ತಿಗೆ ಲಗ್ಗೆಯಿಡುವಲ್ಲಿ ಮಾತ್ರ ಹಿನ್ನಡೆ ಅನುಭವಿಸಿತು. ಇರಾನ್ ಎದುರು ಭಾರತ 27-18ರ ಅಂತರದಿಂದ ಸೋತಿತು. ಭಾರತ ಏಷ್ಯನ್ ಕಬಡ್ಡಿಯಲ್ಲಿ ಫೈನಲ್ ಪ್ರವೇಸದೆ ಉಳಿದಿದ್ದು ಇದೇ ಮೊದಲ ಸಾರಿ!
In the biggest upset of the #AsianGames2018 for #TeamIndia, the Men's Kabaddi team bowed out of their Men's team Semi-final match after losing to an invincible defence of the Iranian team by 18-27. A historic loss for the Indian team, but a brave fight put up in the court! pic.twitter.com/xjXi6HvcTD
— Team India (@ioaindia) August 23, 2018
1990ರಿಂದಲೂ ಭಾರತ ಏಷ್ಯನ್ ಗೇಮ್ಸ್ ಕಬಡ್ಡಿಯಲ್ಲಿ ಚಿನ್ನ ಗೆಲ್ಲುತ್ತಾ ಬಂದಿತ್ತು. ಹೀಗಾಗಿ ಪುರುಷರ ಕಬಡ್ಡಿ ತಂಡಕ್ಕೆ ಇದು ತೀವ್ರ ಮುಖಭಂಗ ತಂದಿದೆ. ಕಬಡ್ಡಿ ನಮ್ಮ ದೇಸೀ ಆಟವಾಗಿದ್ದರಿಂದ ಈ ಬಾರಿಯೂ ತಂಡ ಫೈನಲ್ ಪ್ರವೇಶಿಸಿ ಚಿನ್ನಕ್ಕೆ ಮುತ್ತಿಡುವುದನ್ನು ನಿರೀಕ್ಷಿಸಲಾಗಿತ್ತು.