ಹೈದರಾಬಾದ್, ಜುಲೈ 13: ಪ್ರೊ ಕಬಡ್ಡಿ ಲೀಗ್ 7ನೇ ಆವೃತ್ತಿಗಾಗಿ ಕಬಡ್ಡಿ ಪ್ರೇಮಿಗಳು ಜುಲೈ 20ರ ವರೆಗೆ ಕಾಯಬೇಕಿದೆ. ಟೂರ್ನಿ ಆರಂಭದಲ್ಲಿ ತೆಲುಗು ಟೈಟಾನ್ಸ್ ಮತ್ತು ಯು ಮುಂಬಾ ತಂಡಗಳು ಸೆಣಸಾಟ ನಡೆಸಲಿವೆ. ಹೈದರಾಬಾದ್ನ ಗಚಿಬೌಲಿ ಕ್ರೀಡಾಂಗಣದಲ್ಲಿ ಉದ್ಘಾಟನಾ ಪಂದ್ಯ ನಡೆಯಲಿದೆ.
Pro Kabaddi League: ಕೋಟಿ ರೂ. ಬೆಲೆಗೆ ಹರಾಜಾದ ಸಿದ್ಧಾರ್ಥ್, ನಿತಿನ್!
ಟೂರ್ನಿಯ ನಿಜವಾದ ಪಂದ್ಯಗಳು ಆರಂಭಗೊಳ್ಳೋದಕ್ಕೂ ಮುನ್ನ ಚೊಚ್ಚಲ ಬಾರಿಗೆ ವಿಶ್ವಶ್ರೇಷ್ಠ ಆಟಗಾರರ ನಡುವಿನ ಕದನ ಪಂದ್ಯಾಟಕ್ಕೆ ರಂಗೇರಿಸಲಿದೆ. ಹೈದರಾಬಾದ್ನ ಅದೇ ಗಚಿಬೌಲಿ ಸ್ಟೇಡಿಯಂ ಈ ಕುತೂಹಲಕಾರಿ ಪಂದ್ಯಕ್ಕೆ ಸಾಕ್ಷಿಯಾಗಲಿದೆ. ಟೂರ್ನಿಯ ಆರಂಭಿಕ ದಿನವಾದ ಜುಲೈ 20ರಂದು ಇಂಡಿಯಾ vs ವರ್ಲ್ಡ್ 7 ತಂಡಗಳು ಸವಾಲು ಸ್ವೀಕರಿಸಲಿವೆ.
ಬಂಗಾಳ ಹುಲಿ ಗಂಗೂಲಿ ಬಟ್ಟೆ ಬಿಚ್ಚಿ ಸಂಭ್ರಮಿಸಿದ್ದು ಜುಲೈ 13ರ ಇದೇ ದಿನ!
ಪ್ರದೀಪ್ ನರ್ವಾಲ್, ಪವನ್ ಶೆಹ್ರಾವತ್ ಮೊದಲಾದ ಆಟಗಾರರಿರುವ ಇಂಡಿಯಾ 7 ತಂಡಕ್ಕೆ ಅಜಯ್ ಠಾಕೂರ್ ನಾಯಕರಾದರೆ, ಮೊಹಮ್ಮದ್ ಇಸ್ಮಾಯಿಲ್ ನಬಿಬಕ್ಷ್, ಅಬೋಝರ್ ಮೊಹಜೆರ್ಮಿಘಾನಿ, ಜಂಗ್ ಕುನ್ ಲೀ ಮೊದಲಾದ ಆಟಗಾರರಿರುವ ವರ್ಲ್ಡ್ 7ಗೆ ಫಝಲ್ ಅತ್ರಾಚಲಿ ನಾಯಕ.
ಎಬಿ ಡಿವಿಲಿಯರ್ಸ್ ಬೆನ್ನ ಹಿಂದೆ ನಿಂತ ವಿರಾಟ್ ಕೊಹ್ಲಿ, ಯುವರಾಜ್ ಸಿಂಗ್!
ಇಂಡಿಯಾ 7 ಮತ್ತು ವರ್ಲ್ಡ್ 7 ಎರಡೂ ತಂಡವೂ ಅತ್ಯುತ್ತಮ ಕೋಚ್ ಕೆಳಗೆ ಪಳಗಲಿರುವುದು ವಿಶೇಷ. ಇಂಡಿಯಾ 7, ಬಲ್ವಾನ್ ಸಿಂಗ್ ಗರಡಿಯಲ್ಲಿ ಅಭ್ಯಾಸ ನಡೆಸಿದರೆ, ವರ್ಲ್ಡ್ 7 ಇ.ಪಿ. ರಾವ್ ತರಬೇತಿಯಲ್ಲಿ ಕಣಕ್ಕಿಳಿಯಲಿದೆ. ಈ ಪಂದ್ಯ 7.30ರ ನಂತರ ಆರಂಭಗೊಳ್ಳಲಿದೆ. ಸ್ಟಾರ್ ಸ್ಪೋರ್ಟ್ಸ್ ಮತ್ತು ಹಾಟ್ ಸ್ಟಾರ್ ನೇರಪ್ರಸಾರಗೊಳಿಸುತ್ತಿವೆ.