ಬೆಂಗಾಲ್-ಮುಂಬೈ ಕಾಳಗ
ಅಕ್ಟೋಬರ್ 16ರ ಬುಧವಾರ ಎರಡನೇ ಸೆಮಿಫೈನಲ್ ಪಂದ್ಯದಲ್ಲಿ ಬೆಂಗಾಲ್ ವಾರಿಯರ್ಸ್ ಮತ್ತು ಯು ಮುಂಬಾ ತಂಡಗಳು ಸ್ಪರ್ಧಿಸಲಿವೆ. ಬೆಂಗಳೂರು-ಡೆಲ್ಲಿ ಸೆಮಿಫೈನಲ್ ಪಂದ್ಯ 7.30 pmಗೆ, ಬೆಂಗಾಲ್ ವಾರಿಯರ್ಸ್-ಯು ಮುಂಬಾ ಸೆಮಿಫೈನಲ್ 8.30 pmಗೆ ಆರಂಭವಾಗಲಿದೆ.
ಪವನ್-ನವೀನ್ ಜಿದ್ದಾಜಿದ್ದಿ
ಎರಡೂ ಸೆಮಿಫೈನಲ್ ಪಂದ್ಯಗಳೂ ಕುತೂಹಲಕಾರಿಯೇ ಆದರೂ ಆರಂಭಿಕ ಪಂದ್ಯ ಇನ್ನೂ ಆಕರ್ಷಕ ಎನ್ನಿಸಲಿದೆ. ಯಾಕೆಂದರೆ ಈ ಪಂದ್ಯದಲ್ಲಿ ಸೀಸನ್ ದಾಖಲೆ ರೈಂಡಿಂಗ್ ಪಾಯಿಂಟ್ (39 ಅಂಕ) ಹೊಂದಿರುವ ಪವನ್ ಕುಮಾರ್ ಬುಲ್ಸ್ ಪರ, ನವೀನ್ ಎಕ್ಸ್ಪ್ರೆಸ್ ಡೆಲ್ಲಿ ಪರ ಆಕರ್ಷಣೆ ಮೂಡಿಸಲಿದ್ದಾರೆ. ಪಂದ್ಯವೊಂದರಲ್ಲಿ ಅತೀ ಹೆಚ್ಚು ರೈಡಿಂಗ್ ಪಾಂಯಿಂಟ್ ಗೆದ್ದ ಎರಡನೇ ದಾಖಲೆ ಪಾಟ್ನಾದ ಪರ್ದೀಪ್ ನರ್ವಾಲ್ (35 ಅಂಕ) ಹೆಸರಿನಲ್ಲಿದೆ.
ಪವನ್ಗೆ ದಾಖಲೆ ಅಂಕ
7ನೇ ಪ್ರೊ ಕಬಡ್ಡಿ ಸೀಸನ್ನಲ್ಲಿನ ಟಾಪ್ ರೈಡರ್ಗಳ ಒಟ್ಟು ಅಂಕಗಳನ್ನು ಗಮನಿಸಿದರೆ ಬೆಂಗಳೂರು ಬುಲ್ಸ್ನ ಪವನ್ ಕುಮಾರ್ 23 ಪಂದ್ಯಗಳಲ್ಲಿ 335 ಅಂಕಗಳೊಂದಿಗೆ ಅಗ್ರ ಸ್ಥಾನದಲ್ಲಿದ್ದಾರೆ. ಇನ್ನು ಪಾಟ್ನಾ ಪೈರೇಟ್ಸ್ನ ಪರ್ದೀಪ್ ನರ್ವಾಲ್ (22 ಪಂದ್ಯ, 304 ಅಂಕ), ದಬಾಂಗ್ ಡೆಲ್ಲಿಯ ನವೀನ್ ಕುಮಾರ್ (21 ಪಂದ್ಯ, 270 ಅಂಕ) ಅಗ್ರ 3ರಲ್ಲಿದ್ದಾರೆ.
19ಕ್ಕೆ ಅಂತಿಮ ಹಣಾಹಣಿ
ಸೆಮಿಫೈನಲ್ನಲ್ಲಿ ಗೆಲ್ಲುವ ತಂಡಗಳು ಅಕ್ಟೋಬರ್ 19ರ ಶನಿವಾರ ನಡೆಯುವ ಫೈನಲ್ನಲ್ಲಿ ಸ್ಪರ್ಧಿಸುತ್ತವೆ. ಪ್ಲೇ ಆಫ್ನಿಂದ ಫೈನಲ್ವರೆಗಿನ ಎಲ್ಲಾ ಪಂದ್ಯಗಳು ಅಹ್ಮದಾಬಾದ್ನ ಏಕ ಅರೇನಾ ಬೈ ಟ್ರಾನ್ಸ್ಸ್ಟೇಡಿಯಾ ಸ್ಟೇಡಿಯಂನಲ್ಲೇ ನಡೆಯಲಿದೆ. ಹಾಲಿ ಚಾಂಪಿಯನ್ಸ್ ಬೆಂಗಳೂರು ಬುಲ್ಸ್ ಈ ಬಾರಿಯೂ ಚಾಂಪಿಯನ್ ಪಟ್ಟ ಉಳಿಸಿಕೊಳ್ಳುತ್ತಾ ಕಾದು ನೋಡಬೇಕಿದೆ.