ಪ್ರೊ ಕಬಡ್ಡಿ 2019: ಪಲ್ಟನ್‌ ಪಟ್ಟಿನೆದುರು ಸಮಬಲಕ್ಕೆ ತೃಪ್ತಿಪಟ್ಟ ತಲೈವಾಸ್‌

Tamil Thalaivas and Puneri Paltan 2019

ಚೆನ್ನೈ, ಆಗಸ್ಟ್‌ 18: ಪುಣೇರಿ ಪಲ್ಟನ್‌ ತಂಡ ರಕ್ಷಣನಾತ್ಮಕ ಆಟದ ಎದುರು ತಬ್ಬಿಬ್ಬಾದ ಆತಿಥೇಯ ತಮಿಳ್‌ ತಲೈವಾಸ್‌ ತಂಡ ಏಳನೇ ಆವೃತ್ತಿಯ ಪ್ರೊ ಕಬಡ್ಡಿಯ ಲೀಗ್‌ ಪಂದ್ಯದಲ್ಲಿ 31-31 ಅಂಕಗಳ ಅಂತರದ ಡ್ರಾ ಫಲಿತಾಂಶಕ್ಕೆ ತೃಪ್ತಿ ಪಡಬೇಕಾಯಿತು.

ಪ್ರೊ ಕಬಡ್ಡಿ 2019: ಪಂದ್ಯಗಳು / ಫಲಿತಾಂಶ / ಅಂಕಪಟ್ಟಿ / ಹೆಚ್ಚಿನ ಮಾಹಿತಿ

ಇಲ್ಲಿನ ಜವಾಹರಲಾಲ್‌ ನೆಹರೂ ಒಳಾಂಗಣ ಕ್ರೀಡಾಂಗಣದಲ್ಲಿ ಭಾನುವಾರ ನಡೆದ ಎರಡನೇ ಪಂದ್ಯದಲ್ಲಿ ಪುಣೆ ತಂಡಕ್ಕೆ ಎದುರಾಗಬೇಕಿದ್ದ ಸೋಲನ್ನು ತಪ್ಪಿಸಿದ ಶ್ರೇಯಸ್ಸು ಡಿಫೆಂಡರ್‌ ಸುರ್ಜೀತ್‌ ಅವರಿಗೆ ಸಲ್ಲುತ್ತದೆ. ಪಲ್ಟನ್‌ ಪಡೆಯ ಭದ್ರ ಕೋಟೆಯಂತೆ ನಿಂತ ಸುರ್ಜೀತ್‌, ಒಟ್ಟು 7 ಅಂಕಗಳನ್ನು ಗಳಿಸಿ ತಂಡದ ಪರ ಅತಿ ಹೆಚ್ಚು ಅಂಕಗಳನ್ನು ಗಳಿಸಿದ ಆಟಗಾರನೆನಿಸಿದರು.

ಪ್ರೊ ಕಬಡ್ಡಿ 2019: ಸ್ಟೀಲರ್ಸ್‌ಗೆ ಶಾಕ್‌ ನೀಡಿ ಜಯದ ಹಾದಿ ಹಿಡಿದ ಟೈಟನ್ಸ್‌

ರೇಡಿಂಗ್‌ನಲ್ಲಿ ಪಂಕಜ್‌ ಮೋಹಿತೆ (7), ನಿತಿನ್‌ ತೋಮರ್‌ (5) ಹಾಗೂ ಮಂಜೀತ್‌ (5) ಉತ್ತಮ ಕೊಡುಗೆ ಸಲ್ಲಿಸಿದರು. ಪಂದ್ಯದ ಮೊದಲಾರ್ಧದ ಅಂತ್ಯಕ್ಕೆ ಪುಣೆ ತಂಡ 15-13 ಅಂತರದಲ್ಲಿ ಮೇಲುಗೈ ಪಡೆದಿತ್ತಾದರೂ ದ್ವಿತೀಯ ಅವಧಿಯಲ್ಲಿ ಹಿನ್ನಡೆ ಸನುಭವಿಸಿ ಸೋಲಿನ ಸುಳಿಗೆ ಸಿಲುಕಿತ್ತು. ಆದರೆ ಒತ್ತಡ ನಿಭಾಯಿಸುವಲ್ಲಿ ಯಶಸ್ವಿಯಾಗಿ ಟೈ ಫಲಿತಾಂಶ ತಂದುಕೊಂಡಿತು.

ಮತ್ತೊಂದೆಡೆ ಸ್ಟಾರ್‌ ಆಟಗಾರರ ದಂಡನ್ನೇ ಹೊಂದಿರುವ ತಮಿಳ್‌ ತಲೈವಾಸ್‌ ತವರ ನೆಲದಲ್ಲಿ ಗೆಲುವಿಗಾಗಿ ಪರದಾಡುವಂತಾಗಿದೆ. ತಂಡದ ಪ್ರಮುಖ ರೇಡರ್‌ ರಾಹುಲ್‌ ಚೌಧರಿ (8) ಮತ್ತು ಯುವ ಆಟಗಾರ ಅಜಿತ್‌ ಕುಮಾರ್‌ (8) ಗಮನ ಸೆಳೆದರಾದರೂ, ನಾಯಕ ಅಜಯ್‌ ಠಾಕೂರ್‌ (1) ಅವರ ವೈಫಲ್ಯ ಮತ್ತೊಮ್ಮೆ ತಂಡದ ಫಲಿತಾಂಶದ ಮೇಲೆ ಪ್ರಭಾವ ಬೀರಿತು. ಡಿಫೆನ್ಸ್‌ನಲ್ಲಿ ರಣ್‌ ಸಿಂಗ್‌ (4) ಮತ್ತು ಮೋಹಿತ್‌ ಚಿಲ್ಲರ್‌ (3) ಆಸರೆಯಾದರು.

ಪ್ರೊ ಕಬಡ್ಡಿಗೆ ಧ್ವನಿ ಸೇರಿಸಿದ ಕ್ರಿಕೆಟರ್ ದಿನೇಶ್ ಕಾರ್ತಿಕ್, ನಟ ವ್ರಜೇಶ್

ಟೈ ಫಲಿತಾಂಶ ಕಂಡ ತಲೈವಾಸ್‌ ತಂಡ ಆಡಿದ 8 ಪಂದ್ಯಗಳಿಂದ ತಲಾ 3 ಜಯ ಮತ್ತು ಸೋಲಿನೊಂದಿಗೆ ಹಾಗೂ 2 ಟೈ ಫಲಿತಾಂಶಗಳಿಂದ ಒಟ್ಟು 23 ಅಂಕಗಳನ್ನು ಗಳಿಸಿ ಅಂಕಪಟ್ಟಿಯಲ್ಲಿ 5ನೇ ಸ್ಥಾನ ಅಲಂಕರಿಸಿದೆ.

ಮತ್ತೊಂದೆಡೆ ಕಳಾಹೀನ ಪ್ರದರ್ಶನ ಮುಂದುವರಿಸಿರುವ ಪಲ್ಟನ್‌ ಪಡೆ, ಅಷ್ಟೇ ಪಂದ್ಯಗಳಲ್ಲಿ 5 ಸೋಲು, 2 ಜಯ ಮತ್ತು 1 ಟೈ ಫಲಿತಾಂಶದೊಂದಿಗೆ 14 ಅಂಕಗಳನ್ನು ಮಾತ್ರವೇ ಗಳಿಸಲು ಶಕ್ತವಾಗಿ ಅಂಕಪಟ್ಟಿಯ ಕೊನೆಯ ಹಾಗೂ 12ನೇ ಸ್ಥಾನದಲ್ಲೇ ಉಳಿದಿದೆ.

ಪ್ರೊ ಕಬಡ್ಡಿ 2019: ಯು ಮುಂಬಾದ ಹೆಡೆಮುರಿ ಕಟ್ಟಿದ ಬೆಂಗಳೂರು ಬುಲ್ಸ್‌

ಪುಣೇರಿ ಪಲ್ಟನ್‌ ತಂಡ ಬುಧವಾರ ನಡೆಯಲಿರುವ ಮೊದಲ ಪಂದ್ಯದಲ್ಲಿ ಹಾಲಿ ಚಾಂಪಿಯನ್ಸ್‌ ಬೆಂಗಳೂರು ಬುಲ್ಸ್‌ ವಿರುದ್ಧ ಪೈಪೋಟಿ ನಡೆಸಲಿದೆ. ಮತ್ತೊಂದೆಡೆ ತಮಿಳ್‌ ತಲೈವಾಸ್‌ ತಂಡ ಬುಧವಾರ ಎರಡನೇ ಪಂದ್ಯದಲ್ಲಿ ಚೊಚ್ಚಲ ಆವೃತ್ತಿಯ ಚಾಂಪಿಯನ್ಸ್‌ ಜೈಪುರ ಪಿಂಕ್‌ ಪ್ಯಾಂಥರ್ಸ್‌ ಎದುರು ಸೆಣಸಲಿದೆ.

For Quick Alerts
ALLOW NOTIFICATIONS
For Daily Alerts

Story first published: Sunday, August 18, 2019, 22:59 [IST]
Other articles published on Aug 18, 2019
POLLS
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Mykhel sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Mykhel website. However, you can change your cookie settings at any time. Learn more