ಅಹ್ಮದಾಬಾದ್, ನವೆಂಬರ್ 18: ಗುಜರಾತ್ನ ಅಹ್ಮದಾಬಾದ್ನಲ್ಲಿರುವ ಟ್ರಾನ್ಸ್ಸ್ಟೇಡಿಯಾ ಇಂಡೋರ್ ಅರೆನಾದಲ್ಲಿ ಶನಿವಾರ (ನವೆಂಬರ್ 17) ನಡೆದ ಆತಿಥೇಯ ಗುಜರಾತ್ ಫಾರ್ಚೂನ್ ಜೈಂಟ್ಸ್ ಮತ್ತು ಬೆಂಗಳೂರು ಬುಲ್ಸ್ ನಡುವಿನ ರೋಚಕ ಪಂದ್ಯ 30-30ರ ಸಮಬಲದೊಂದಿಗೆ ಅಂತ್ಯಗೊಂಡಿದೆ.
ಮಹಿಳಾ ಟಿ20: ಆಸ್ಟ್ರೇಲಿಯಾ ತಂಡವನ್ನು 48 ರನ್ನಿಂದ ಕೆಡವಿದ ಭಾರತ
ಅಂಕಪಟ್ಟಿಯ ಏರುಪೇರಿಗೆ ಸಂಬಂಧಿಸಿ ಈ ಇಂಟರ್ ಝೋನ್ ಪಂದ್ಯ ಕೊಂಚ ಮಟ್ಟಿನಲ್ಲಿ ಗುಜರಾತ್ ಗೆ ಲಾಭವಾಗಿಯೂ ಬೆಂಗಳೂರಿಗೆ ನಷ್ಟವಾಗಿಯೂ ಪರಿಣಮಿಸಿದೆ. ಬುಲ್ಸ್ ಪರ ಪವನ್ ಕುಮಾರ್, ಫಾರ್ಚೂನ್ ಜೈಂಟ್ಸ್ ಪರ ಸಚಿನ್ ಜಿದ್ದಾಜಿದ್ದಿಯ ಆಟ ಪ್ರದರ್ಶಿಸಿದರು.
An incredible game tonight!#FullChargeMaadi #VivoPKL6 #MatchDay #GUJvBEN #BengaluruBulls #BB #Kabaddi #VivoProKabaddiLeague #VivoPKL #Season6 #KhelKabaddi #LePanga pic.twitter.com/kY1c5Ngl1A
— Bengaluru Bulls (@BengaluruBulls) November 17, 2018
ಬೆಂಗಳೂರು ತಂಡದಿಂದ ಪವನ್ 10, ರೋಹಿತ್ ಕುಮಾರ್ 6, ಸಂದೀಪ್ 4 ಅಂಕ ಸೇರಿಸಿ ಬಲ ತುಂಬಿದರು. ಆತಿಥೇಯ ಗುಜರಾತ್ ನಿಂದ ಅಷ್ಟೇ ಪೈಪೋಟಿಯ ಪ್ರದರ್ಶನ ಕಂಡು ಬಂತು. ಗುಜರಾತ್ ಪರ ಸಚಿನ್ 11, ಸುನಿಲ್ ಕುಮಾರ್ ಮತ್ತು ರೋಹಿತ್ ಗುಲಿಯಾ ತಲಾ 4 ಪಾಯಿಂಟ್ ಸೇರಿಸಿ ರೋಚಕ ಸೆಣಸಾಟಕ್ಕೆ ಸಾಕ್ಷಿಯಾದರು.
ಎಂಎಸ್ಎಲ್: ಎಬಿಡಿ ಬ್ಯಾಟಿಂಗ್ ಅಬ್ಬರ ವ್ಯರ್ಥ, ಕೇಪ್ ಟೌನ್ ಬ್ಲಿಟ್ಜ್ಗೆ ಜಯ
ಈ ಪಂದ್ಯದ ಬಳಿಕ ಗುಜರಾತ್ ಆಡಿರುವ 10 ಪಂದ್ಯಗಳಲ್ಲಿ 7 ಜಯ, 1 ಸೋಲು, 2 ಪಂದ್ಯ ಡ್ರಾದೊಂದಿಗೆ ಎ ಝೋನ್ ಅಂಕಪಟ್ಟಿಯಲ್ಲಿ 42 ಅಂಕಗಳೊಂದಿಗೆ ಮುಂಬೈ (56 ಅಂಕ) ಬೆನ್ನಿಗಿದೆ. ಬಿ ಝೋನ್ ನಲ್ಲಿರುವ ಬೆಂಗಳೂರು 9ರಲ್ಲಿ 6 ಜಯ, 2 ಸೋಲು, 1 ಡ್ರಾದೊಂದಿಗೆ 35 ಅಂಕ ಸಂಪಾದಿಸಿ ಅಗ್ರ ಸ್ಥಾನದಲ್ಲಿದೆ.