ಚೆನ್ನೈ, ಅಕ್ಟೋಬರ್ 8: ಪ್ರೊ ಕಬಡ್ಡಿ ಲೀಗ್ 6ನೇ ಆವೃತ್ತಿಯ ತಮಿಳ್ ತಲೈವಾಸ್ ಮತ್ತು ಯುಪಿ ಯೋಧ ತಂಡಗಳ ಮುಖಾಮುಖಿಯಲ್ಲಿ ಯುಪಿ ಯೋಧ 37-32 ಅಂತರದಿಂದ ಜಯ ಸಾಧಿಸಿದೆ. ಸೋಮವಾರ ನಡೆದ ಪ್ರೊ ಕಬಡ್ಡಿ ನಾಲ್ಕನೇ ಪಂದ್ಯದಲ್ಲಿ ಯುಪಿ ಯೋಧ ಗೆಲುವನ್ನಾಚರಿಸಿತು.
ಪ್ರೊ ಕಬಡ್ಡಿ 2018: ಹರ್ಯಾಣ ಸ್ಟೀಲರ್ಸ್ ಸೋಲಿಸಿದ ಪುಣೇರಿ ಪಲ್ಟಾನ್
ಯುಪಿ ಯೋಧದ ಪ್ರಶಾಂತ್ ಕುಮಾರ್ ರೈ ಅವರ ಅದ್ಭುತ ಆಟ ತಂಡವನ್ನು ಗೆಲುವಿನೆಡೆಗೆ ಕೊಂಡೊಯ್ಯಿತು. ಪ್ರಶಾಂತ್ ಸೇರಿಸಿದ 8 ಅಂಕಗಳು ತಂಡ ಗೆಲುವು ದಾಖಲಿಸಲು ನೆರವು ನೀಡಿತು. ತಮಿಳ್ ತಲೈವಾಸ್ ನ ರಕ್ಷಣಾತ್ಮಕ ಆಟದಲ್ಲಿನ ಕೊರತೆ ಸೋಲಿನ ಕಹಿಯುಣ್ಣುವಂತೆ ಮಾಡಿತು.
Full time score @tamilthalaivas vs @UpYoddha #lepangga @ProKabaddi @TFGkabaddi @sunildabas7 @IndiaKabaddi pic.twitter.com/z1QP2t5DYZ
— KabaddiManch (@KabaddiManch) October 8, 2018
ಪ್ರೊ ಕಬಡ್ಡಿ ಆರಂಭಿಕ ಪಂದ್ಯದಲ್ಲಿ ತಮಿಳ್ ತಲೈವಾಸ್ ತಂಡ ಪಾಟ್ನಾ ಪೈರೇಟ್ಸ್ ವಿರುದ್ಧ 42-26ರ ಭರ್ಜರಿ ಆರಂಭಿಕ ಗೆಲುವು ದಾಖಲಿಸಿತ್ತು. ಆದರೆ ಲೀಗ್ ನ ಎರಡನೇ ಪಂದ್ಯದಲ್ಲಿ ಯುಪಿ ಯೋಧ ಗೆಲುವನ್ನು ತನ್ನಡೆಗೆ ಸೆಳೆದುಕೊಂಡಿದೆ. ಯುಪಿ ಯೋಧಗೆ ಇದು ಟೂರ್ನಿಯ ಮೊದಲ ಗೆಲುವು.