ಗುರುಗಾಂವ್, ನವೆಂಬರ್ 12: 25ರ ಹರೆಯದ ಟೇಕ್ವಾಂಡೋ ಆಟಗಾರ್ತಿಯನ್ನು ಆಕೆಯ ಕೋಚ್ ಗುಂಡಿಕ್ಕಿ ಕೊಂದಿರುವ ಘಟನೆ ಹರ್ಯಾಣ ರಾಜ್ಯದ ಗುರುಗಾಂವ್ನಲ್ಲಿ ಮಂಗಳವಾರ (ನವೆಂಬರ್ 12) ನಡೆದಿದೆ. ಯುವತಿ ಮದುವೆಗೆ ಒಪ್ಪಲಿಲ್ಲವೆಂದು ಕೋಚ್ ಗುಂಡಿಕ್ಕಿ ಕೊಂದಿರುವುದಾಗಿ ಪೊಲೀಸರು ತಿಳಿಸಿದ್ದಾರೆ.
ಶ್ರೀಲಂಕಾದಲ್ಲಿ ಇನ್ಮುಂದೆ ಮ್ಯಾಚ್ ಫಿಕ್ಸಿಂಗ್ ಕ್ರಿಮಿನಲ್ ಅಪರಾಧ!
ತನ್ನನ್ನು ಮದುವೆಯಾಗು ಎಂದು ಯುವತಿಯ ಕೋಚ್ ಒತ್ತಾಯಿಸಿದ್ದರು. ಆದರೆ ಯುವತಿ ಅದಕ್ಕೆ ಒಪ್ಪದಿದ್ದಾಗ ಆಕೆಯನ್ನು ಕೋಚ್ ಗುಂಡು ಹೊಡೆದು ಸಾಯಿಸಿದ್ದಾನೆ ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ. ಆರೋಪಿ ಕೋಚ್ ಆಕೆಗೆ ಬಹಳ ಹಿಂದಿನಿಂದಲೂ ಹಿಂಸೆ ನೀಡುತ್ತಿದ್ದಾಗಿ ಯುವತಿಯ ಸಹೋದರ ದೂರಿತ್ತಿದ್ದಾರೆ.
ವೇಗಿ ಜಸ್ಪ್ರೀತ್ ಬೂಮ್ರಾ ಹಿಂದಿಕ್ಕಿ ದಾಖಲೆ ಬರೆದ ಯುಜುವೇಂದ್ರ ಚಾಹಲ್!
'ಸಾವನ್ನಪ್ಪಿರುವ ಯುವತಿ ಈ ಮೊದಲೇ ಆರೋಪಿ ವಿರುದ್ಧ ನಮ್ಮಲ್ಲಿ ದೂರಿತ್ತಿದ್ದರು. ನಾವು ಈ ಪ್ರಕರಣವನ್ನು ತನಿಖೆ ನಡೆಸುತ್ತಿದ್ದೇವೆ,' ಎಂದು ಸಹಾಯಕ ಪೊಲೀಸ್ ಆಯುಕ್ತ ಪ್ರೀತ್ ಪಾಲ್ ತಿಳಿಸಿದ್ದಾರೆ. ಆರೋಪಿಯನ್ನು ಪೊಲೀಸರು ಇನ್ನು ಬಂಧಿಸಬೇಕಷ್ಟೆ.