ಜಕಾರ್ತಾ, ಆಗಸ್ಟ್ 26: ಭಾರತದ ಪದಕ ಭರವಸೆಯ ಓಟಗಾರ್ತಿ ಹಿಮಾದಾಸ್ ಇಂಡೋನೇಷ್ಯಾದಲ್ಲಿ ನಡೆಯುತ್ತಿರುವ ಏಷ್ಯನ್ ಗೇಮ್ಸ್ ನ ಅಥ್ಲೆಟಿಕ್ಸ್ ನಲ್ಲಿ ಬೆಳ್ಳಿ ಪದಕಕ್ಕೆ ಮುತ್ತಿಕ್ಕಿದ್ದಾರೆ. ಮಹಿಳಾ ವಿಭಾಗದ 400 ಮೀ. ಓಟವನ್ನು ಹಿಮಾ 50.79 ಸೆಕೆಂಡ್ ಕಾಲಾವಧಿಯಲ್ಲಿ ಮುಗಿಸಿ ಬೆಳ್ಳಿಗೆ ಕೊರಳೊಡ್ಡಿದರು.
ಏಷ್ಯನ್ ಗೇಮ್ಸ್ 2018 ವಿಶೇಷ ಪುಟಕ್ಕೆ ಕ್ಲಿಕ್ ಮಾಡಿ
ಭಾನುವಾರ ನಡೆದ ಮಹಿಳಾ 400 ಮೀ. ಓಟ ಫೈನಲ್ ನಲ್ಲಿ 18ರ ಹರೆಯದ ಹಿಮಾದಾಸ್ ಗೆ ಬೆಳ್ಳಿ ಪದಕದ ಗೌರವ ದೊರೆಯಿತು. ಶನಿವಾರ (ಆಗಸ್ಟ್ 25) ದಾಸ್ ರಾಷ್ಟ್ರೀಯ ದಾಖಲೆಯೊಂದಿಗೆ ಫೈನಲ್ ಗೆ ಪ್ರವೇಶ ಗಿಟ್ಟಿಸಿಕೊಂಡಾಗಲೇ ಭಾರತಕ್ಕೆ ಪದಕ ಲಭಿಸುವ ಭರವಸೆ ಮೂಡಿತ್ತು. ಅದಿಂದು ನಿಜವಾಗಿದೆ.
#AsianGames2018: India's sprinter Hima Das wins silver in women's 400 m final pic.twitter.com/c8HVG1UvtS
— ANI (@ANI) August 26, 2018
ಶನಿವಾರ ಭಾರತದ ತೇಜೀಂದರ್ ಪಾಲ್ ಸಿಂಗ್ ತೂರ್ ಅವರು ಶಾಟ್ ಪುಟ್ ಸ್ಪರ್ಧೆಯಲ್ಲಿ ದಾಖಲೆಯೊಂದಿಗೆ ಚಿನ್ನ ಬಾಚಿಕೊಂಡಿದ್ದರು. 20.75 ಮೀ. ಸಾಧನೆಯೊಂದಿಗೆ ತೇಜೀಂದರ್ ಬಂಗಾರ ಗೆದ್ದುಕೊಂಡರು. ಸಿಂಗ್ ಅವರ ಈ ಸಾಧನೆ ಏಷ್ಯಾನ್ ಗೇಮ್ಸ್ ಹೊಸ ಕೂಟ ದಾಖಲೆಗೂ ಕಾರಣವಾಗಿತ್ತು.