ಮೊದಲು ಪಾಲ್ಗೊಂಡಿದ್ದು ಭಾರತದಲ್ಲೇ
ಏಷ್ಯನ್ ಗೇಮ್ಸ್ ಕ್ರೀಡಾಕೂಟದಲ್ಲಿ ಭಾರತ ಮೊದಲಬಾರಿಗೆ ಪಾಲ್ಗೊಂಡಿದ್ದು 1951ರಲ್ಲಿ. ಮೊದಲ ಈ ಕ್ರೀಡಾಕೂಟ ನಡೆದಿದ್ದೂ ಭಾರತದಲ್ಲೇ ಅನ್ನೋದು ವಿಶೇಷ. ದೇಶದ ರಾಜಧಾನಿ ನವದೆಹಲಿಯಲ್ಲಿ ಈ ಕ್ರೀಡಾಕೂಟ ನಡೆದಿತ್ತು. ಈ ವೇಳೆ ಭಾರತ 15 ಚಿನ್ನ, 16 ಬೆಳ್ಳಿ, 20 ಕಂಚಿನೊಂದಿಗೆ 51 ಪದಕಗಳನ್ನು ಗೆದ್ದಿತ್ತು. ಭಾರತ ಅಂಕಪಟ್ಟಿಯಲ್ಲಿ ಅಗ್ರ 2ನೇ ಸ್ಥಾನ ಪಡೆದಿದ್ದು ದಾಖಲೆಯಾಗಿದೆ.
ಪದಕಗಳ ಹಿಂದಿನ ದಾಖಲೆ
ಭಾರತ ಹೆಚ್ಚು ಪದಕಗಳನ್ನು ಗೆದ್ದು ಗಮನಸೆಳೆದಿದ್ದು 2010ರಲ್ಲಿ ಚೀನಾದ ಗುವಾಂಗ್ಝೌ ನಲ್ಲಿ ನಡೆದಿದ್ದ ಏಷ್ಯನ್ ಗೇಮ್ಸ್ ನಲ್ಲಿ. ಭಾರತ ಇದರಲ್ಲಿ 14 ಚಿನ್ನ, 17 ಬೆಳ್ಳಿ, 34 ಕಂಚಿನೊಂದಿಗೆ ಒಟ್ಟು 65 ಪದಕಗಳನ್ನು ಗೆದ್ದಿತ್ತು. ಪದಕ ಪಟ್ಟಿಯಲ್ಲಿ 6ನೇ ಸ್ಥಾನ ಗಳಿಸಿತ್ತು.
ಕಳೆದಸಾರಿ 57 ಪದಕ
ಸೌತ್ ಕೊರಿಯಾದ ಇಂಚಿಯಾನ್ ಏಷ್ಯನ್ ಗೇಮ್ಸ್ ನಲ್ಲಿ ಭಾರತ ಒಟ್ಟು 57 ಪದಕಗಳನ್ನು ಗೆದ್ದಿತ್ತು. ಇದರಲ್ಲಿ 11 ಬಂಗಾರ, 10 ಬೆಳ್ಳಿ ಮತ್ತು 36 ಕಂಚಿನ ಪದಕದೊಂದಿಗೆ ಪದಕ ಪಟ್ಟಿಯಲ್ಲಿ 8ನೇ ಸ್ಥಾನ ಗಳಿಸಿತ್ತು. ಈ ಬಾರಿಯೂ ಭಾರತ 8ನೇ ಸ್ಥಾನದಲ್ಲಿದೆಯಾದರೂ ಪದಕಗಳ ಸಂಖ್ಯೆ ಏರಿದೆ.
ಏರಡುಸಾರಿ ಏಷ್ಯಾನ್ ಆತಿಥ್ಯ
ಪ್ರತಿಷ್ಠಿತ ಕ್ರೀಡಾಕೂಟದ ಆತಿಥ್ಯ ವಹಿಸೋದು ಸುಲಭದ ಮಾತಲ್ಲ. ಕ್ರೀಡಾಸ್ಪರ್ಧೆಗಳಲ್ಲಿ ಹಿಂದಿನಿಂದಲೂ ವಿಶ್ವ ಮಟ್ಟದಲ್ಲಿ ಗುರುತಿಸಿಕೊಂಡಿರುವ ಭಾರತ ಈವರೆಗೆ 2 ಸಾರಿ ಏಷ್ಯಾನ್ ಗೇಮ್ಸ್ ಕ್ರೀಡಾಕೂಟದ ಆತಿಥ್ಯ ವಹಿಸಿದೆ. 1951ರ ಮೊದಲ ಏಷ್ಯನ್ ಗೇಮ್ ಮತ್ತು 1982ರ 9ನೇ ಏಷ್ಯನ್ ಗೇಮ್ಸ್ ಭಾರತದಲ್ಲಿ, ದೆಹಲಿಯಲ್ಲಿ ನಡೆದಿತ್ತು. ಚಿತ್ರದಲ್ಲಿ ಎಷ್ಯನ್ ಬಂಗಾರ ಗೆದ್ದ ಭಾರತದ ಮಹಿಳಾ ಹಾಕಿ ತಂಡ ಕೋಚ್ ಅನ್ನು ಎತ್ತಿ ಸಂಭ್ರಮಿಸುತ್ತಿರುವುದು.
ಒಟ್ಟು 153 ಬಂಗಾರ
ಏಷ್ಯನ್ ಗೇಮ್ಸ್ ಇತಿಹಾಸದಲ್ಲಿ ಭಾರತ ಈವರೆಗೆ ಒಟ್ಟು 153 ಚಿನ್ನ, 202 ಬೆಳ್ಳಿ ಮತ್ತು 312 ಕಂಚಿನ ಪದಕಗಳೊಂದಿಗೆ 667 ಪದಕಗಳನ್ನು ಗೆದ್ದಿರುವ ಸಾಧನೆ ಮೆರೆದಿದೆ. ಏಷ್ಯನ್ ಗೇಮ್ಸ್ ಓವರಾಲ್ ರ್ಯಾಂಕಿಂಗ್ ನಲ್ಲಿ ಭಾರತ 5ನೇ ಸ್ಥಾನದಲ್ಲಿದೆ.