ಜಕಾರ್ತಾ, ಆಗಸ್ಟ್ 23: ಏಷ್ಯನ್ ಗೇಮ್ಸ್ ಮೊದಲ ಸುತ್ತಿನ ಗಾಲ್ಫ್ ಸ್ಪರ್ಧೆಯಲ್ಲಿ ಭಾರತದ ಆದಿಲ್ ಬೇಡಿ ಅವರು ಬೋಗಿ-ಫ್ರೀ ವಿಭಾಗದಲ್ಲಿ ದ್ವಿತೀಯ ಸ್ಥಾನ ಪಡೆದಿದ್ದಾರೆ. ತಂಡವಿಭಾಗದಲ್ಲೂ ಭಾರತ ದ್ವಿತೀಯ ಸ್ಥಾನ ಗಳಿಸಿದ್ದು, ದೇಸಿ ಗಾಲ್ಫ್ ತಂಡಕ್ಕೆ ಆರಂಭಿಕ ಮುನ್ನಡೆ ಲಭಿಸಿದಂತಾಗಿದೆ.
ತಂಡಕ್ಕೆ ಆಯ್ಕೆಯಾಗಲು ಮಯಾಂಕ್ ಇನ್ನೇನು ಮಾಡ್ಬೇಕು? : ಫ್ಯಾನ್ಸ್
ಬೇಡಿ ಅವರು ಒಟ್ಟು 69 ಹೊಡೆತಗಳಲ್ಲಿ ಆಟ ಮುಗಿಸುವುದರೊಂದಿಗೆ ದ್ವಿತೀಯ ಸ್ಥಾನ ಪಡೆದುಕೊಂಡರು. ದ್ವಿತೀಯ ಸ್ಥಾನಿಗ ಆದಿಲ್ ಅವರೊಂದಿಗೆ ಇಂಡೋನೇಷ್ಯಾದ ನರಜೆ ಎಮರಾಲ್ಡ್ ರಮಧನ್ ಪುತ್ರ, ಮಲೇಷ್ಯಾದ ಎರ್ವಿನ್ ಚಾಂಗ್ ಮತ್ತು ಕೊರಿಯಾದ ಚೋ ಹೋಯ್-ಯುವ ಅವರೂ ಸ್ಥಾನ ಹಂಚಿಕೊಂಡಿದ್ದಾರೆ. ಈ ನಾಲ್ವರೂ 69 ಹೊಡೆತಗಳಲ್ಲಿ ಆಟ ಮುಗಿಸಿದರು.
ಏಷ್ಯನ್ ಗೇಮ್ಸ್ 2018 ವಿಶೇಷ ಪುಟಕ್ಕೆ ಕ್ಲಿಕ್ ಮಾಡಿ
ಮೊದಲಿಗನಾಗಿ ಆಟ ಮುಗಿಸಿದ ಜಪಾನ್ ನ ಕೀತಾ ನಕಾಜಿಮಾ ಅವರಿಗೆ ಹೋಲಿಸಿದರೆ ದ್ವಿತೀಯ ಸ್ಥಾನಕ್ಕಾಗಿ ಆದಿಲ್ ತೆಗೆದುಕೊಂಡಿದ್ದು ಒಂದು ಹೆಚ್ಚುವರಿ ಹೊಡೆತ ಮಾತ್ರ. ನಕಾಜಿಮಾ ಅವರು 68 ಹೊಡೆತಗಳಲ್ಲಿ ಆಟ ಮುಗಿಸಿದರು. ನಕಾಜಿಮಾ ಅವರು ಆಸ್ಟ್ರೇಲಿಯಾನ್ ಅಮೇಚೂರ್ ಚಾಂಪಿಯನ್ ಪ್ರಶಸ್ತಿ ಪಡೆದುಕೊಂಡವರು.
#AsianGames2018 Update
— Indian Sports Stars (@INDSportStars) August 23, 2018
A brilliant bogey less round by Aadil Bedi helps India grab number 2 position in Men's Team Event after Round 1.
Aadil is tied 2 with 3 under par score in individual event while John Thomas is tied 11th with 1 under par score.#IndiaAtAsianGames pic.twitter.com/8KMnacSE86
ಭಾರತದ ಪ್ರದರ್ಶನವನ್ನು ತಂಡವಿಭಾಗದಲ್ಲಿ ಪರಿಗಣಿಸಿದಾಗ ದುಬೈ ಮೂಲದ ರಿಯಾನ್ ಥೋಮಸ್ (71 ಹೊಡೆತ), ಕ್ಷಿತಿಜ್ ನವೀದ್ (73 ಹೊಡೆತ) ಅವರಿಂದ ಭಾರತ ದ್ವಿತೀಯ ಸ್ಥಾನ (ಒಟ್ಟು 213) ಗಳಿಸಿತು. ತಂಡ ವಿಭಾಗದಲ್ಲಿ ಮುಂದಿರುವ ಜಪಾನ್ ಒಟ್ಟು 208 (68+69+71) ಹೊಡೆತಗಳಲ್ಲಿ ಆಟ ಮುಗಿಸಿತು. 13 ಕುಳಿಗಳ ಪಂದ್ಯ ಇದಾಗಿತ್ತು.