ಜಕಾರ್ತಾ, ಅಕ್ಟೋಬರ್ 9: ಇಂಡೋನೇಷ್ಯಾದ ಜಕಾರ್ತಾದಲ್ಲಿ ನಡೆಯುತ್ತಿರುವ ಏಷ್ಯನ್ ಪ್ಯಾರಾ ಗೇಮ್ಸ್ ನ ಕ್ಲಬ್ ಥ್ರೋ ಸ್ಪರ್ಧೆಯಲ್ಲಿ ಭಾರತ ಎಕ್ತಾ ಭ್ಯಾನ್ ಬಂಗಾರ ಗೆದ್ದಿದ್ದಾರೆ. ಈ ಕ್ರೀಡಾಕೂಟದಲ್ಲಿ ಭಾರತಕ್ಕೆ ಲಭಿಸುತ್ತಿರುವ ನಾಲ್ಕನೇ ಬಂಗಾರವಿದು.
ಯೂತ್ ಒಲಿಂಪಿಕ್ಸ್: ವೇಟ್ ಲಿಫ್ಟಿಂಗ್ ನಲ್ಲಿ ಜೆರೆಮಿಗೆ ಐತಿಹಾಸಿಕ ಬಂಗಾರ
ಮಂಗಳವಾರ ನಡೆದ ಮಹಿಳಾ ವಿಭಾಗದ F32/51 ಕ್ಲಬ್ ಥ್ರೋ ಸ್ಪರ್ಧೆಯಲ್ಲಿ ಎಕ್ತಾ ಅವರು 16.02 ಮೀಟರ್ ದೂರ ಸಾಧನೆಯೊಂದಿಗೆ ಯುಎಇಯ ಅಲ್ಕಾಬಿ ಥೆಕ್ರಾ ಅವರನ್ನು ಹಿಂದಿಕ್ಕಿದ್ದರು. ಅಲ್ಕಾಬಿ ಅವರು 15.75 ಮೀ. ದೂರ ಎಸೆತದ ಮೂಲಕ ಬೆಳ್ಳಿ ಜಯಿಸಿದರು.
India's Ekta Bhyan bags #Gold 🏅 in Club throw event. #AsianParaGames2018 pic.twitter.com/55qtgpHTXo
— All India Radio Sports (@akashvanisports) October 9, 2018
ಮಂಗಳವಾರದ ಸ್ಪರ್ಧೆಯಲ್ಲಿ ಭಾರತಕ್ಕೆ ಇನ್ನೂ ಮೂರು ಕಂಚಿನ ಪದಕಗಳು ಲಭಿಸಿವೆ. ಮೋನು ಘಂಗಸ್ ಅವರು ಶಾಟ್ ಪುಟ್ F11 ಸ್ಪರ್ಧೆಯಲ್ಲಿ ಮೂರನೆಯವರಾಗಿ ಸ್ಥಾನ ಪಡೆದರೆ, ಗುಣಶೇಖರನ್ ಅವರು ಪುರುಷರ 200 ಮೀ. T44/62/64 ಕ್ಲಾಸ್ ವಿಭಾಗದಲ್ಲಿ ಮತ್ತು ಜಯಂತಿ ಬೆಹೆರಾ ಅವರು ಮಹಿಳಾ T45/46/47 ವಿಭಾಗದ 200 ಮೀ. ಓಟದ ಸ್ಪರ್ಧೆಯಲ್ಲಿ ಕಂಚಿನ ಪದಕ ತನ್ನದಾಗಿಸಿಕೊಂಡರು.