ಕಿಂಗ್ಸ್ಟನ್: ಟೋಕಿಯೋ ಒಲಿಂಪಿಕ್ಸ್ ಸ್ಪ್ರಿಂಟ್ ಚಾಂಪಿಯನ್ ಜಮೈಕಾದ ಎಲೈನ್ ಥಾಂಪ್ಸನ್-ಹೆರಾ ಮಹಿಳಾ 100 ಮೀಟರ್ ಓಟದಲ್ಲಿ ವಿಶ್ವದಾಖಲೆ ನಿರ್ಮಿಸಿದ್ದಾರೆ. 100 ಮೀಟರ್ ಓಟದ ಸ್ಪರ್ಧೆಯ ಇತಿಹಾಸದಲ್ಲೇ ಥಾಂಪ್ಸನ್-ಹೆರಾ ಎರಡನೇ ಅತೀ ವೇಗದ ಓಟಗಾರ್ತಿಯೆಂಬ ದಾಖಲೆಗೆ ಪಾತ್ರರಾಗಿದ್ದಾರೆ. ಆಗಸ್ಟ್ 8ರಂದು ಮುಕ್ತಾಯಗೊಂಡ ಟೋಕಿಯೋ ಒಲಿಂಪಿಕ್ಸ್ನ 100 ಮೀಟರ್, 200 ಮೀಟರ್ ಓಟದಲ್ಲಿ ಬಂಗಾರದ ಪದಕ ಗೆದ್ದಿದ್ದ ಲೈನ್ ಥಾಂಪ್ಸನ್-ಹೆರಾ ಶನಿವಾರ (ಆಗಸ್ಟ್ 22) ನಡೆದ ಯುಜೀನ್ ಡೈಮಂಡ್ ಲೀಗ್ ಕಾಂಪಿಟಿಶನ್ ಕ್ರೀಡಾಕೂಟದಲ್ಲಿ 10.54 ಸೆಕೆಂಡ್ ವೇಗದಲ್ಲಿ ಓಟ ಮುಗಿಸಿದರು.
ನೀರಜ್ ಚೋಪ್ರಾ ಮುಂದೆ ಆರ್ಜೆ ಮಲಿಷ್ಕಾ ಡ್ಯಾನ್ಸ್: ಭಾರೀ ವಿವಾದ!
100 ಮೀಟರ್ ಓಟದಲ್ಲಿ ಮಹಿಳೆಯರ ವಿಭಾಗದಲ್ಲಿ ಅಮೆರಿಕಾದ ಫ್ಲಾರೆನ್ಸ್ ಗ್ರಿಫಿತ್-ಜಾಯ್ನರ್ 1988ರಲ್ಲಿ ನಿರ್ಮಿಸಿದ್ದ ದಾಖಲೆ ಆಲ್ ಟೈಮ್ ವೇಗದ ಓಟವಾಗಿ ಈಗಲೂ ಉಳಿದುಕೊಂಡಿದೆ. ಆವತ್ತು ಗ್ರಿಫಿತ್-ಜಾಯ್ನರ್ 10.49 ಸೆಕೆಂಡ್ ವೇಗದಲ್ಲಿ 100 ಮೀಟರ್ ಕ್ರಮಿಸಿ ದಾಖಲೆ ನಿರ್ಮಿಸಿದ್ದರು.
"ವೈಯಕ್ತಿಕ ಶ್ರೇಷ್ಠ ದಾಖಲೆಯೊಂದಿಗೆ ಕಮ್ಬ್ಯಾಕ್ ಮಾಡಿದ್ದು ಅದ್ಭುತ ಖುಷಿ ನೀಡಿದೆ. ಕಳೆದ ಐದು ವರ್ಷಗಳಿಂದಲೂ ನಾನು ಈ ವೇಗದಲ್ಲಿ ಓಡಿಲ್ಲ," ಎಂದು ಥಾಂಪ್ಸನ್-ಹೆರಾ ವರದಿಗಾರರ ಜೊತೆ ಹೇಳಿದ್ದಾರೆ. 29ರ ಹರೆಯದ ಥಾಂಪ್ಸನ್-ಹೆರಾ ಒಲಿಂಪಿಕ್ಸ್ನಲ್ಲಿ ಮಿಂಚಿನ ವೇಗದ ಓಟಕ್ಕಾಗಿ ಗಮನ ಸೆಳೆದಿದ್ದರು.
ಈತನಿಂದ ಎಬಿಡಿ, ಮ್ಯಾಕ್ಸ್ವೆಲ್ ತಂಡದಲ್ಲಿ ಸ್ಥಾನ ಕಳೆದುಕೊಳ್ಳಬಹುದು ಎಂದ ಆರ್ಸಿಬಿ ನೂತನ ಕೋಚ್!
ಟೋಕಿಯೋದಲ್ಲೂ ಮಿಂಚಿನ ಓಟ ಓಡಿದ್ದ ಥಾಂಪ್ಸನ್-ಹೆರಾ
ಜುಲೈ 31ರ ಶನಿವಾರ ನಡೆದಿದ್ದ ಟೋಕಿಯೋ ಒಲಿಂಪಿಕ್ಸ್ ಮಹಿಳಾ ವಿಬಾಗದ 100 ಮೀಟರ್ ಓಟ ಫೈನಲ್ ಸ್ಪರ್ಧೆಯಲ್ಲಿ ಎಲೈನ್ ಥಾಂಪ್ಸನ್-ಹೆರಾ ಅವರು 10.61 ಸೆಕೆಂಡ್ ವೇಗದಲ್ಲಿ ಗುರಿ ತಲುಪಿ ಬಂಗಾರ ಗೆದ್ದಿದ್ದರು. ಇದೇ ದೇಶದ ಶೆಲ್ಲಿ-ಆನ್ ಫ್ರೇಸರ್-ಪ್ರೈಸ್ 10.74 ಸೆಕೆಂಡ್ ಮತ್ತು ಶೆರಿಕಾ ಜಾಕ್ಸನ್ 10.76 ಸೆಕೆಂಡ್ ಸಾಧನೆಯೊಂದಿಗೆ ಕ್ರಮವಾಗಿ ಬೆಳ್ಳಿ, ಕಂಚಿನ ಪದಕಗಳನ್ನು ಗೆದ್ದರು. ಮಹಿಳಾ 100 ಮೀಟರ್ ಓಟದಲ್ಲಿ ಚಿನ್ನ ಗೆದ್ದಿರುವ ಜಮೈಕಾದ ಎಲೈನ್ ಥಾಂಪ್ಸನ್-ಹೆರಾ ಅವರು ವಿಶೇಷ ದಾಖಲೆಯನ್ನೂ ನಿರ್ಮಿಸಿದ್ದಾರೆ. ಒಲಿಂಪಿಕ್ಸ್ ಇತಿಹಾಸದಲ್ಲೇ ದಾಖಲಾದ ಎರಡನೇ ಅತೀ ವೇಗದ ಓಟಕ್ಕೆ ಥಾಂಪ್ಸನ್-ಹೆರಾ ಅವರ 10.61 ಸೆಕೆಂಡ್ ಕಾಲಾವಧಿ ಗುರುತಿಸಿಕೊಂಡಿದೆ. ಈ ದಾಖಲೆ ಪಟ್ಟಿಯಲ್ಲಿ ಮೊದಲನೇ ಸ್ಥಾನದಲ್ಲಿರುವವರೆಂದರೆ ದಿವಂಗತ ಫ್ಲಾರೆನ್ಸ್ ಗ್ರಿಫಿತ್-ಜಾಯ್ನರ್. ಅಮೆರಿಕಾದವರಾದ ಗ್ರಿಫಿತ್-ಜಾಯ್ನರ್ 1988ರಲ್ಲಿ 10.49 ಸೆಕೆಂಡ್ ಕಾಲಾವಧಿಯಲ್ಲಿ ಮಹಿಳಾ ವಿಭಾಗದ 100 ಮೀಟರ್ ಓಟ ಮುಗಿಸಿದ್ದರು. ಇದು ಸುಲಭಕ್ಕೆ ಮುರಿಯಲಾಗದ ದಾಖಲೆಯಾಗಿ ಇಂದಿಗೂ ಉಳಿದುಕೊಂಡಿದೆ. ಆದರೆ ಈ ದಾಖಲೆ ಬರೆದ ಗ್ರಿಫಿತ್-ಜಾಯ್ನರ್ 21 ಸೆಪ್ಟೆಂಬರ್ 1998ರಲ್ಲಿ ಕೊನೆಯುಸಿರೆಳೆದಿದ್ದರು.
'ಭಾರತ ವಿರುದ್ಧ ತಿರುಗಿಬೀಳಲು ಇಂಗ್ಲೆಂಡ್ಗೆ ಸೂಪರ್ಮ್ಯಾನ್ ಶಕ್ತಿ ಬೇಕು'
ಪಾರ್ಟಿ ಮಾಡಿದ್ದ ವೇಗದರಸ ಉಸೇನ್ ಬೋಲ್ಟ್
ಟೋಕಿಯೋ ಒಲಿಂಪಿಕ್ಸ್ನ 100 ಮೀಟರ್ ಓಟ ಮಹಿಳಾ ವಿಭಾಗದ ಸ್ಪರ್ಧೆಯಲ್ಲಿ ಜಮೈಕಾ ದೇಶದ ಎಲೈನ್ ಥಾಂಪ್ಸನ್-ಹೆರಾ, ಶೆಲ್ಲಿ-ಆನ್ ಫ್ರೇಸರ್-ಪ್ರೈಸ್, ಶೆರಿಕಾ ಜಾಕ್ಸನ್ ಪದಕ ಗೆದ್ದಿದ್ದು ನೋಡಿ 100 ಮೀಟರ್ ಓಟದಲ್ಲಿ ಜಮೈಕಾದ ಮಾಜಿ ವಿಶ್ವ ಚಾಂಪಿಯನ್ ಉಸೇನ್ ಬೋಲ್ಟ್ ಪಾರ್ಟಿ ಖುಷಿ ಹಂಚಿಕೊಂಡಿದ್ದರು. ಟ್ವೀಟ್ ಮಾಡಿರುವ ಬೋಲ್ಟ್, ತನ್ನ 'ಇಟ್ಸ್ ಅ ಪಾರ್ಟಿ' ಸಾಂಗಿನ ವಿಡಿಯೋ ಹಾಕಿಕೊಂಡಿದ್ದರು. ವಿಡಿಯೋದಲ್ಲಿ ಪಾರ್ಟಿ ಸಾಂಗಿಗೆ ಬೋಲ್ಟ್ ಸೇರಿದಂತೆ ಅವರ ಸ್ನೇಹಿತರು ಕುಣಿಯುತ್ತಿರುವ ಚಿತ್ರಣವಿತ್ತು. 'ಇಟ್ಸ್ ಅ ಪಾರ್ಟಿ' ವಿಡಿಯೋ ಸಾಂಗ್ ಬೋಲ್ಟ್ ಅವರದ್ದೇ. ಅಂದ್ಹಾಗೆ ಬೋಲ್ಟ್ ಹೆಸರಿನಲ್ಲಿ ಇಂದಿಗೂ 100 ಮೀ. ಓಟದಲ್ಲಿ ವಿಶ್ವ ದಾಖಲೆಯಿದೆ. 2009ರಲ್ಲಿ ನಡೆದಿದ್ದ ವಿಶ್ವ ಚಾಂಪಿಯನ್ಶಿಪ್ನಲ್ಲಿ ಬೋಲ್ಟ್ 9.58 ಸೆಕೆಂಡ್ ಸಾಧನೆಯೊಂದಿಗೆ 100 ಮೀಟರ್ ಬಂಗಾರ ಗೆದ್ದಿದ್ದರು. ಆ ದಾಖಲೆ ಇಂದಿಗೂ ಮುರಿಯದೆ ಹಾಗೆ ಉಳಿದುಕೊಂಡಿದೆ.