ದುಬೈ, ಮಾರ್ಚ್ 22: ಸೌದಿ ಆರೇಬಿಯಾದ ಮಹಿಳಾ ಬಾಸ್ಕೆಟ್ ಬಾಲ್ ತಂಡಕ್ಕೆ ಇದು ಮರೆಯಲಾಗದ ಕ್ಷಣ. ಸೌದಿಯ ವನಿತಾ ತಂಡ ಯಾವತ್ತಿಗೂ ಸ್ಪೆಷಲ್ ಒಲಿಂಪಿಕ್ಸ್ನಲ್ಲಿ ಪಾಲ್ಗೊಂಡಿದ್ದಿಲ್ಲ. ಆದರೆ, ಇದೇ ಮೊದಲ ಬಾರಿಗೆ ಬಾಸ್ಕೆಟ್ ಬಾಲ್ ಸ್ಪರ್ಧೆಯಲ್ಲಿ ಪಾಲ್ಗೊಂಡಿದ್ದಲ್ಲದೆ ಬಂಗಾರ ಗೆದ್ದುಕೊಂಡಿದ್ದಾರೆ.
IPL 2019, CSK vs RCB: ಚೆನ್ನೈ ಸೂಪರ್ ಕಿಂಗ್ಸ್ ಸಂಭಾವ್ಯ XI ಆಟಗಾರರು
ಯುನೈಟೆಡ್ ಅರಬ್ ಎಮಿರೇಟ್ಸ್ (ಯುಎಇ)ಯಲ್ಲಿ ನಡೆದ ಸ್ಪೆಷಲ್ ಒಲಿಂಪಿಕ್ಸ್ ಟೂರ್ನಿಯ ಬಾಸ್ಕೆಟ್ ಬಾಲ್ ಸ್ಪರ್ಧೆಯಲ್ಲಿ ಚೊಚ್ಚಲ ಬಾರಿಗೆ ಸ್ಪರ್ಧಿಸಿದ್ದ ಸೌದಿ ಮಹಿಳಾ ಬಾಸ್ಕೆಟ್ ಬಾಲ್ ತಂಡ ಚಿನ್ನ ಗೆದ್ದು ಇತಿಹಾಸ ನಿರ್ಮಿಸಿದೆ. ಇನ್ಮುಂದೆ ಸೌದಿ ಪುರುಷರ ತಂಡದಂತೆ ಮಹಿಳಾ ತಂಡ ಕೂಡ ಸ್ಪೆಷಲ್ ಒಲಿಂಪಿಕ್ಸ್ನಲ್ಲಿ ಪಾಲ್ಗೊಳ್ಳಲಿದೆ.
BREAKING: In their first appearance ever by women from Saudi Arabia in a Special Olympics World Games, the woman's basketball team has claimed GOLD! #MeetTheDetermined #AbuDhabi2019 pic.twitter.com/qMDJsHQwsz
— Special Olympics (@SpecialOlympics) March 20, 2019
ಸೌದಿಯ ಮಹಿಳಾ ತಂಡಕ್ಕೆ ಸ್ಪೆಷಲ್ ಒಲಿಂಪಿಕ್ಸ್ನಂತ ಸ್ಪರ್ಧೆಗಳಲ್ಲಿ ಭಾಗವಹಿಸಲು ಈ ಹಿಂದೆ ಅವಕಾಶ ಲಭಿಸಿರಲಿಲ್ಲ. ಆದರೆ ಈ ಸಾರಿ ಒಟ್ಟು 21 ಮಹಿಳೆಯರು ಬಾಸ್ಕೆಟ್ ಬಾಲ್ ಕೂಡ ಸೇರಿ ಬೊಸ್ಸೆ, ಟ್ರ್ಯಾಕ್ ಆ್ಯಂಡ್ ಫೀಲ್ಡ್ ಮತ್ತು ಬೌಲಿಂಗ್ ಸ್ಪರ್ಧೆಗಳಲ್ಲಿ ಪಾಲ್ಗೊಂಡು ಕ್ರೀಡಾರಂಗದ ಸಂಭ್ರಮ ಸವಿದರು.