ಹಣ ಗಳಿಕೆಗಾಗಿ ಈ ನಿರ್ಧಾರ
ಹಣ ಗಳಿಕೆಗಾಗಿ ಈ ಉದ್ಯಮಕ್ಕೆ ಇಳಿದಿದ್ದೇನೆ ಎಂದು ರಿನೀ ನೇರವಾಗಿಯೇ ಹೇಳಿದ್ದಾರೆ. ನಾನು ಈವರೆಗೆ ತೆಗೆದುಕೊಂಡಿರುವ ನಿರ್ಧಾರಗಳಲ್ಲಿ ಇದು ಅತ್ಯುತ್ತಮ ನಿರ್ಧಾರ ಎಂದಿದ್ದಾರೆ ರೆನೀ. ಮೋಟಾರ್ ಸ್ಪೋರ್ಟ್ಸ್ ಬಗ್ಗೆ ಮಾತನಾಡುತ್ತಾ "ನನಗೆ ಬೇಕಾದ ಫಲಿತಾಂಶ ಪಡೆಯಲು ಸಾಧ್ಯವಾಗಲಿಲ್ಲ. ನನ್ನಿಂದಾಗುವ ಗರಿಷ್ಠ ಪ್ರಯತ್ನವನ್ನು ನಾನು ಮಾಡಿದ್ದೇನೆ. ಆದರೆ ನನ್ನ ಕನಸು ಅಲ್ಲಿ ನನಸಾಗುವ ಸಾಧ್ಯತೆಯಿಲ್ಲದನ್ನು ಕಂಡುಕೊಂಡೆ" ಎಂದು ಹೇಳಿದ್ದಾರೆ.
ಕುಟುಂಬದ ಬೆಂಬಲವೂ ಇದೆ
"ಇದು ನನ್ನ ಇಡೀ ಜೀವನದಲ್ಲಿ ನಾನು ಮಾಡಿದ ಅತ್ಯುತ್ತಮ ಕೆಲಸವಾಗಿದೆ. ಇದು ಆರ್ಥಿಕವಾಗಿ ನಾನು ಹಿಂದೆಂದೂ ಕನಸು ಕಾಣದಂತಹ ಸ್ಥಿತಿಗೆ ತಂದಿದೆ. ಅದನ್ನು ನಿಜವಾಗಿಯೂ ಆನಂದಿಸುತ್ತೇನೆ. ಎಂದು ರಿನೀ ಗ್ರೇಸಿ ಹೇಳಿದ್ದಾರೆ. ಮತ್ತು ತನ್ನ ಈ ನಿರ್ಧಾರಕ್ಕೆ ಕುಟುಂಬದ ಬೆಂಬಲ ಸಂಪೂರ್ಣವಾಗಿ ಇದೆ ಎಂದು ಹೇಳಿದ್ದಾರೆ.
ಚೆನ್ನಾಗಿ ಹಣಗಳಿಸುತ್ತಿದ್ದೇನೆ
ನಾನು ಅತ್ಯುತ್ತಮವಾಗಿ ಹಣವನ್ನು ಗಳಿಸುತ್ತಿದ್ದೇನೆ. ನಾನು ಈಗ ಇರುವಲ್ಲಿ ಆರಾಮಾಗಿದ್ದೇನೆ. ನನ್ನನ್ನು ಅವರು ಏನೆಂದು ಕರೆಯಲು ಬಯಸಿದರು ಅದರಲ್ಲಿ ನಾನು ಚೆನ್ನಾಗಿರುತ್ತೇನೆ ಎಂದು ವಿಶ್ವಾಸದಿಂದ ಹೇಳಿದ್ದಾರೆ. ಡೈಲಿ ಟೆಲಿಗ್ರಾಫ್ಗೆ ನೀಡಿದ ಸಂದರ್ಶನದಲ್ಲಿ ಈ ವಿಚಾರವನ್ನು ಬಹಿರಂಗಪಡಿಸಿದ್ದಾರೆ.
ಸಾಕಷ್ಟು ಸಂಶೋಧನೆ ನಡೆಸಿ ನಿರ್ಧಾರ
"ನಾನು ಈ ಉದ್ಯಮದೊಳಗೆ ಏನೂ ತಿಳಿದುಕೊಳ್ಳದೆ ಬಂದಿಲ್ಲ. ನಾನು ಇಲ್ಲಿಗೆ ಬರುವ ಮುನ್ನ ಸಾಕಷ್ಟು ಸಂಶೋಧನೆಯನ್ನು ನಡೆಸಿದ್ದೇನೆ. ಇದಲ್ಲಿ ಏನಿದೆ, ಏನೆಲ್ಲಾ ಒಳಗೊಂಡಿದ ಎಂದು ಎಲ್ಲವನ್ನೂ ಅರಿತುಕೊಂಡಿದ್ದೇನೆ. ನನಗೆ ಗೊತ್ತಿದೆ ಕೆಲ ವಿಷಯಗಳು ವಿವಾದಾತ್ಮಕವಾಗಿರುತ್ತದೆ. ಕೆಲ ವಿಷಯಗಳು ಸೋರಿಕೆಯಾಗುತ್ತದೆ. ನಾನು ಎಲ್ಲಾ ಸಂಶೋಧನೆ ಮಾಡಿ ಈ ಉದ್ಯಮಕ್ಕೆ ಬರುವ ನಿರ್ಧಾರವನ್ನು ತೆಗೆದುಕೊಂಡೆ" ಎಂದಿದ್ದಾರೆ.
ಮೊದಲ ವಾರದ ಗಳಿಕೆ ಹೇಳಿದ ರೆನೀ
ನನ್ನ ಮೊದಲ ಆರು ದಿನದಲ್ಲಿ ನಾನು 24,000 ಅಮೆರಿಕನ್ ಡಾಲರ್ ಗಳಿಸಿಕೊಂಡಿದ್ದೇನೆ. ಆಗ ನನಗೆ ಅರ್ಥವಾಗಿಯಿತು, ನಾನು ಇದರಲ್ಲಿ ಏನನ್ನಾದರೂ ಮಾಡಲು ಸಾಧ್ಯವಿದೆ ಎನಿಸಿತು ಕೂಡ ರಿನೀ ಗ್ರೇಸಿ ಬಹಿರಂಗಪಡಿಸಿದ್ದಾರೆ. ಈ ಮಧ್ಯೆ ಸೂಪರ್ಕಾರ್ಸ್ ಹೇಳಿಕೆಯೊಂದನ್ನು ಬಿಡುಗಡೆ ಮಾಡಿದ್ದು ಗ್ರೇಸಿಯ ನಡೆ ಮತ್ತು ನಂತರದ ಸಂದರ್ಶನದ ಬಗ್ಗೆ ತಮಗೆ ತಿಳಿದಿದೆ ಎಂದು ಹೇಳಿದೆ.
ಸೂಪರ್ ಕಾರ್ಸ್ ನೀಡಿದ ಸ್ಪಷ್ಟನೆ
ಸೂಪರ್ ಕಾರ್ ಮಾಜಿ ರೇಸರ್ನೊಂದಿಗೆ ಯಾವುದೇ ಸಂಬಂಧವನ್ನು ಹೊಂದಿಲ್ಲ ಎಂದು ಸ್ಪಷ್ಟಪಡಿಸಿದೆ. ಮಾಜಿ ಸೂಪರ್ 2 ಚಾಲಕಿ ರೆನೀ ಗ್ರೇಸಿಗೆ ಸಂಬಂಧಿಸಿದ ಲೇಖನದ ಬಗ್ಗೆ ಸೂಪರ್ ಕಾರ್ಸ್ಗೆ ಮಾಹಿತಿಯಿದೆ. ಎಂಎಸ್ ಗ್ರೇಸಿ ಇನ್ನು ಮುಂದೆ ಸೂಪರ್ 2 ನಲ್ಲಿ ಸ್ಪರ್ಧಿಸುತ್ತಿಲ್ಲವಾದ್ದರಿಂದ, ಸೂಪರ್ಕಾರ್ಸ್ ಹೆಚ್ಚಿನ ಪ್ರತಿಕ್ರಿಯೆ ನೀಡುವುದಿಲ್ಲ "ಎಂದು ವಕ್ತಾರರು ತಿಳಿಸಿದ್ದಾರೆ.