ಕೊರೊನಾ ವೈರಸ್ ಭೀತಿಯ ನಡುವೆಯೇ ಟೋಕಿಯೋ ಒಲಿಂಪಿಕ್ಸ್ 2020ಕ್ಕೆ ಚಾಲನೆ ದೊರೆತಿದೆ. ಭಾರತ ಸೇರಿದಂತೆ ಹಲವಾರು ದೇಶಗಳ ಸಾವಿರಾರು ಕ್ರೀಡಾಪಟುಗಳು ಈ ಕ್ರೀಡಾಕೂಟದಲ್ಲಿ ಭಾಗವಹಿಸಲಿದ್ದು ಶುಕ್ರವಾರ ಕ್ರೀಡಾಜ್ಯೋತಿಯನ್ನು ಬೆಳಗಿಸುವ ಮೂಲಕ ಒಲಿಂಪಿಕ್ಸ್ಗೆ ಚಾಲನೆ ನೀಡಲಾಯಿತು.
ವಿಶೇಷ ದಿನಗಳಿಗೆ ತನ್ನದೇ ಆದ ಭಿನ್ನ ವಿಭಿನ್ನವಾದ ಡೂಡಲ್ ರಚಿಸಿ ಆಕರ್ಷಿಸುವ ಗೂಗಲ್ ಈ ಬಾರಿಯ ಟೋಕಿಯೋ ಒಲಿಂಪಿಕ್ಸ್ಗೂ ಕೂಡ ಆಕರ್ಷಣೀಯ ಅನಿಮೇಟೆಡ್ ಡೂಡಲ್ ರಚಿಸಿ ಆಟಗಾರರಿಗೆ ಸ್ಫೂರ್ತಿ ತುಂಬಿದೆ. ಈ ವಿಶೇಷ ಡೂಡಲ್ಗೆ 'ಡೂಡಲ್ ಚಾಂಪಿಯನ್ಸ್ ಐಸ್ಲ್ಯಾಂಡ್ ಗೇಮ್ಸ್' ಎಂದು ಹೆಸರಿಡಲಾಗಿದೆ.
ಗೂಗಲ್ ಮುಖಪುಟವನ್ನು ತೆರೆದ ಕೂಡಲೆ ನಿಮಗೆ ಈ ವಿಶೇಷವಾದ 'ಡೂಡಲ್ ಚಾಂಪಿಯನ್ಸ್ ಐಸ್ಲ್ಯಾಂಡ್ ಗೇಮ್ಸ್' ಎಂಬ ಡೂಡಲ್ ನಿಮಗೆ ಕಾಣಸಿಗಲಿದೆ. ಈ ಡೂಡಲ್ ಮೇಲೆ ಕ್ಲಿಕ್ ಮಾಡಿದ ನಂತರ ನಿಮಗೆ ಅನಿಮೇಟೆಡ್ ಟೇಬಲ್ ಟೆನಿಸ್, ಸ್ಕೇಟ್ ಬೋರ್ಡಿಂಗ್, ಆರ್ಚರಿ, ರಗ್ಬಿ, ಕ್ಲೈಂಬಿಂಗ್, ಸ್ವಿಮ್ಮಿಂಗ್ ಹಾಗೂ ಮ್ಯಾರಥಾನ್ ಆಟಗಳು ಕಾಣಸಿಗಲಿವೆ. ನಂತರ ನೀವು ನಿಮ್ಮ ನೆಚ್ಚಿನ ಆಟಗಳನ್ನು ಇಲ್ಲಿ ಆಡಬಹುದಾಗಿದೆ.