ಲಂಡನ್, ಜುಲೈ 28: ವಿಚಾರಣೆಯ ಬಳಿಕ ಲಂಡನ್ ನಲ್ಲಿರುವ ಹೈಕೋರ್ಟ್, ಫೋರ್ಸ್ ಇಂಡಿಯಾ ಫಾರ್ಮುಲ ಒನ್ ಗೆ ನಿರ್ವಹಣಾಧಿಕಾರಿಯನ್ನು ನೇಮಿಸಿರುವುದಾಗಿ ಫೋರ್ಸ್ ಇಂಡಿಯಾ ಫಾರ್ಮುಲ ಒನ್ ನ ಉಪ ಮುಖ್ಯಾಧಿಕಾರಿ ಬಾಬ್ ಫರ್ನ್ಲಿ ಖಾತರಿಪಡಿಸಿದ್ದಾರೆ. ಫೋರ್ಸ್ ಇಂಡಿಯಾವು ಕೋರ್ಟ್ ಆಡಳಿತಕ್ಕೆ ಒಳಪಡುತ್ತಿರುವುದಕ್ಕೆ ಕಾರಣ ಆರ್ಥಿಕ ಸಮಸ್ಯೆ ಎಂದು ಬಾಬ್ ತಿಳಿಸಿದ್ದಾರೆ.
ವೈರಲ್ ವಿಡಿಯೋ: ಧವನ್, ಕೊಹ್ಲಿಯ ಭಾಂಗ್ರಾ ಡ್ಯಾನ್ಸು ಕಂಡಿರಾ?
ಫೋರ್ಸ್ ಇಂಡಿಯಾದ ಮುಂದಿನ ಭವಿಷ್ಯದ ಬಗ್ಗೆ ಹೆಚ್ಚಿನ ಮಾಹಿತಿ ತಿಳಿದು ಬಂದಿಲ್ಲ. ಆದರೆ ಆರ್ಥಿಕ ಸಮಸ್ಯೆಗೆ ಸಿಲುಕಿದ್ದ ಫೋರ್ಸ್ ಇಂಡಿಯಾ ಎಫ್-1ಗೆ ಬಾಕಿ ಹಣ ಪಾವತಿಸಲು ಶುಕ್ರವಾರ ಅಂತಿಮ ಗಡುವು ನೀಡಲಾಗಿತ್ತು. ಹಣಪಾವತಿಸಲು ಸಾಧ್ಯವಾಗದ ವಿಜಯ ಮಲ್ಯ ಒಡೆತನದ ಫೋರ್ಸ್ ಇಂಡಿಯಾ ಕೋರ್ಟ್ ಆಡಳಿತಕ್ಕೆ ಒಳಪಟ್ಟಿದೆ.
ಈ ಬಗ್ಗೆ ಮೊದಲೇ ಸುದ್ದಿಗಾರರೊಂದಿಗೆ ಮಾತನಾಡಿದ್ದ ಫೋರ್ಸ್ ಇಂಡಿಯಾ ಎಫ್-1 ತಂಡದ ಮುಖ್ಯ ಕಾರ್ಯ ನಿರ್ವಾಹಕ ಓಟ್ಮಾರ್ ಸ್ಜಫ್ನರ್, 'ಆರ್ಧಿಕ ಬೆಂಬಲ ದೊರೆಯಬೇಕಾದರೆ ತಂಡ ಯಾವುದಾರರೊಂದು ರೀತಿಯ ಆಡಳಿತಕ್ಕೆ ಒಳಪಡುವ ಅಗತ್ಯವಿದೆ' ಎಂದಿದ್ದರು.
ಸದ್ಯ ಫೋರ್ಸ್ ಇಂಡಿಯಾವು ಹಂಗೇರಿಯಾದ ಬುಡಾಪೆಸ್ಟ್ ನಲ್ಲಿದ್ದು, ಆಗಸ್ಟ್ ತಿಂಗಳ ಬಿಡುವಿಗೂ ಮುನ್ನ ಜುಲೈ 29ರ ಭಾನುವಾರ ನಡೆಯಲಿರುವ ಈ ತಿಂಗಳ ಕೊನೆಯ ರೇಸ್, ಹಂಗೇರಿಯನ್ ಗ್ರ್ಯಾಂಡ್ ಪ್ರಿಕ್ಸ್ ನಲ್ಲಿ ಪಾಲ್ಗೊಳ್ಳಲು ಬೇಕಾದ ತಯಾರಿ ನಡೆಸುತ್ತಿದೆ.