|
ವಿಶ್ವವೇ ಬೆರಗಾಯ್ತು
100 ಮೀ. ಓಟವನ್ನು ಕೇವಲ 9.58 ಸೆಕೆಂಡ್ನಲ್ಲಿ ಮುಗಿಸಿದ್ದ ಬೋಲ್ಟ್ ವಿಶ್ವವನ್ನೇ ನಿಬ್ಬೆರಗಾಗಿಸಿದ್ದರು, ಕ್ರೀಡಾಭಿಮಾನಿಗಳ ಮನಸೂರೆ ಗೊಳಿಸಿದ್ದರು, ಕಿಚ್ಚಿನ ಅಥ್ಲೀಟ್ಗಳಿಗೆ ಸ್ಫೂರ್ತಿಯೂ ಆಗಿದ್ದರು. 100 ಮೀ. ವಿಶ್ವದಾಖಲೆ ಬಳಿಕ 4ನೇ ದಿನ ಅಂದರೆ ಆಗಸ್ಟ್ 20ರಂದು 200 ಮೀ. ಓಟವನ್ನೂ 19.19 ಸೆಕೆಂಡ್ಗಳಲ್ಲಿ ಮುಗಿಸಿ ಇನ್ನೊಂದು ವಿಶ್ವದಾಖಲೆಯೊಂದಿಗೆ ಬೋಲ್ಟ್ ಮತ್ತೆ ವಿಶ್ವದಗಲ ಸುದ್ದಿಯಾಗಿದ್ದರು.
|
ದಾಖಲೆಯಿರೋದೇ ಮುರಿಯೋಕೆ!
10 ವರ್ಷಗಳಿಂದೀಚೆಯೂ ಮುರಿಯದ ವಿಶ್ವದಾಖಲೆಯಾಗಿ ಉಳಿದಿರುವ ಬೋಲ್ಟ್ ಸಾಧನೆಯ ಕುರಿತು ಮಾತನಾಡಿದಾಗ ಬೋಲ್ಟ್, 'ದಾಖಲೆಗಳಿರೋದೇ ಮುರಿಯೋದಕ್ಕೆ. ಆದರೆ ನಾನು ಈ ದಾಖಲೆಗಾಗಿ ಹಲವು ವರ್ಷಗಳ ಕಾಲ ಬೆವರು ಸುರಿಸಿದಂತೆ ಈ ದಾಖಲೆಯನ್ನೂ ಇನ್ನೊಂದಿಷ್ಟು ಕಾಲ ಯಾರೂ ಮುರಿಯಲಾರರು ಎಂದು ಭಾವಿಸಿದ್ದೇನೆ,' ಎಂದು ಪ್ರತಿಕ್ರಿಯಿಸಿದರು. ಬೋಲ್ಟ್ ಒಟ್ಟು 9 ಒಲಿಂಪಿಕ್ಸ್ ಚಿನ್ನದ ಪದಕಗಳನ್ನು ಗೆದ್ದಿದ್ದಾರೆ.
ವಿಭಿನ್ನ ಓಟದ ಶೈಲಿ
ಅಷ್ಟು ಸುಲಭವಾಗಿ ಮುರಿಯಲಾರದ ವಿಶ್ವದಾಖಲೆ ಬರೆದರಲ್ಲ ಬೋಲ್ಟ್? ಆ ಬಳಿಕ ಬೋಲ್ಟ್ ಮತ್ತವರ ಓಟದ ಪರಿಯ ಬಗ್ಗೆ ಕೆಲ ಅಧ್ಯಯನಗಳೂ ನಡೆದಿದ್ದವು. ಅಧ್ಯಯನದ ಪ್ರಕಾರ ಬೋಲ್ಟ್ ದೇಹ, ಅವರ ಅಭ್ಯಾಸದ ಪರಿ, ಬೋಲ್ಟ್ ಹರಿಸುವ ಬೆವರ ಹನಿ, ಅವರ ಸುಧಾರಿತ ಓಟದ ಶೈಲಿ, ಕಷ್ಟ ಸಹಿಷ್ಣುತೆಯನ್ನು ಕಲಿಸಿಕೊಡುವ ಕೆರಿಬಿಯನ್ ಹವಾಗುಣ ಎಲ್ಲವೂ ಅವರ ವಿಶ್ವದಾಖಲೆಗೆ ಸಾಕ್ಷಿಯಾಗಿತ್ತು.
|
ಫುಟ್ಬಾಲರ್ ಕನಸು ಕೈಗೂಡಲಿಲ್ಲ
ವಿಶೇಷವೆಂದರೆ ಆಗಸ್ಟ್ 16, 2008ರಂದೇ ಬೋಲ್ಟ್ 100 ಮೀಟರ್ ವಿಶ್ವದಾಖಲೆ(9.69s) ಬರೆದಿದ್ದರು. ಇದೇ ದಿನ 2009ರಲ್ಲಿ ವಿಶ್ವದಾಖಲೆ ಸುಧಾರಿಸಿಕೊಂಡಿದ್ದರು. ವೇಗದ ಓಟಕ್ಕಾಗಿ ಗಮನ ಸೆಳೆದಿದ್ದ ಬೋಲ್ಟ್ ಅನಂತರ ಕ್ರಮೇಣ ಫಾರ್ಮ್ ಕಳೆದುಕೊಳ್ಳಲಾರಂಭಿಸಿದ್ದರು. ಮುಂದೆ ಆಸ್ಟ್ರೇಲಿಯಾದ ಸೆಂಟ್ರಲ್ ಕೋಸ್ಟ್ ಮರೀನರ್ಸ್ ಫುಟ್ಬಾಲ್ ಕ್ಲಬ್ನಲ್ಲಿ ಅದೃಷ್ಟ ಪರೀಕ್ಷೆಗೆ ಮುಂದಾಗಿದ್ದರಾದರೂ ಫುಟ್ಬಾಲ್ನಲ್ಲಿ ಮುಂದುವರೆಯುವ ಅವರ ಆಸೆ ಕೈಗೂಡಲಿಲ್ಲ. ಫುಟ್ಬಾಲ್ ಬೂಟನ್ನೂ ಉಸೇನ್ ತೂಗು ಹಾಕಿಬಿಟ್ಟರು. ಅಂದ್ಹಾಗೆ ಮಹಿಳಾ ವಿಭಾಗದ 100 ಮೀಟರ್ ವಿಶ್ವದಾಖಲೆ ಅಮೆರಿಕಾದ ಫ್ಲಾರೆನ್ಸ್ ಗ್ರಿಫಿತ್ ಜಾಯ್ನರ್ (1988) ಹೆಸರಿನಲ್ಲಿದೆ.