WWE ರಿಂಗ್ ಗೆ ಜಿಗಿಯಲು ಒಲಿಂಪಿಯನ್ ಸುಶೀಲ್ ಸಿದ್ಧ?

By Mahesh

ಬೆಂಗಳೂರು, ಅಕ್ಟೋಬರ್ 16: ಒಲಿಂಪಿಕ್ಸ್ ಪದಕ ವಿಜೇತ ಭಾರತದ ಹೆಮ್ಮೆಯ ಕುಸ್ತಿಪಟು ಸುಶೀಲ್ ಕುಮಾರ್ ಅವರು ಅಮೆರಿಕದ ಮನರಂಜನಾ ಕುಸ್ತಿ ರಿಂಗ್ ಗೆ ಜಿಗಿಯಲು ಸಿದ್ಧರಾಗುತ್ತಿದ್ದಾರೆ. ವರ್ಲ್ಡ್ ರೆಸ್ಲಿಂಗ್ ಎಂಟರ್​ಟೈನ್​ವೆುಂಟ್​ (ಡಬ್ಲ್ಯುಡಬ್ಲ್ಯುಇ) ಗೆ ಸೇರುವ ಇಂಗಿತ ವ್ಯಕ್ತಪಡಿಸಿದ್ದಾರೆ.

ಭಾರತ ಮೂಲದ ದಿ ಗ್ರೇಟ್ ಖಲಿ ನಂತರ ಡಬ್ಲ್ಯುಡಬ್ಲ್ಯುಇಗೆ ಎಂಟ್ರಿ ಕೋಡಲು 33 ವರ್ಷದ ಸುಶೀಲ್ ಕುಮಾರ್ ಸಜ್ಜಾಗಿರುವ ಸುದ್ದಿ ಬಂದಿದೆ. ವೃತ್ತಿಪರ ರೆಸ್ಲಿಂಗ್ ಅಖಾಡಕ್ಕೆ ಇಳಿದರೂ, ಪ್ರಮುಖ ಕುಸ್ತಿ ಟೂರ್ನಿಗಳಲ್ಲಿ ಭಾರತವನ್ನು ಪ್ರತಿನಿಧಿಸಲು ಸದಾ ಸಿದ್ಧ ಎಂದು ಸುಶೀಲ್ ಹೇಳಿದ್ದಾರೆ. ಡಬ್ಲ್ಯುಡಬ್ಲ್ಯುಇ ಅಧಿಕಾರಿಗಳ ಜತೆ ಒಂದು ಸುತ್ತಿನ ಮಾತುಕತೆ ನಡೆಸಿದ್ದೇನೆ. ನಾನು ಎಲ್ಲಾ ರೀತಿಯ ಸಾಧ್ಯತೆಗಳನ್ನು ಪರಿಶೀಲಿಸಿ ನಿರ್ಧಾರ ಕೈಗೊಳ್ಳುತ್ತೇನೆ ಎಂದಿದ್ದಾರೆ.

India's Olympic medallist Sushil Kumar to join WWE?

ರಿಯೋ ಒಲಿಂಪಿಕ್ಸ್ ಗೆ ಸುಶೀಲ್ ಕುಮಾರ್ ಆಯ್ಕೆಯಾಗಿರಲಿಲ್ಲ. ಭಾರತೀಯ ರೆಸ್ಲಿಂಗ್ ಒಕ್ಕೂಟದಿಂದ ನಿರ್ಲಕ್ಷ್ಯಕ್ಕೊಳಗಾದ ಸುಶೀಲ್ ಅವರು ಬಹಿರಂಗವಾಗಿ ತಮ್ಮ ಅಸಮಾಧಾನ ತೋಡಿಕೊಂಡಿದ್ದರು. ಈಗ ಡಬ್ಲ್ಯುಡಬ್ಲ್ಯುಇ ಟ್ಯಾಲೆಂಟ್ ಡೆವಲಪ್ ಮೆಂಟ್ ಮುಖ್ಯಸ್ಥ ಕೆನ್ಯೊನ್ ಸಿಮನ್ ಅವರರನ್ನು ಶನಿವಾರ ಭೇಟಿ ಮಾಡಿ ಮಾತುಕತೆ ನಡೆಸಿದ್ದಾರೆ.

ದಿಲೀಪ್ ಸಿಂಗ್ ರಾಣಾ ಅಲಿಯಾಸ್ ದಿ ಗ್ರೇಟ್ ಖಲಿ ಅವರು 2006ರಲ್ಲಿ ಡಬ್ಲ್ಯುಡಬ್ಲ್ಯುಇ ಸೇರಿದ ಭಾರತ ಮೂಲದ ರೆಸ್ಲರ್ ಎನಿಸಿದ್ದಾರೆ. 2014ರಲ್ಲಿ ನಿವೃತ್ತಿ ಘೋಷಿಸಿದರು. ಈಗ ಲವ್ ಪ್ರೀತ್ ಸಂಘಾ, ಸಂತೇದರ್ ವೇದ್ ಪಾಲ್ ರಂಥ ರೆಸ್ಲರ್ ಗಳು ಇದ್ದರೂ ಅಷ್ಟು ಜನಪ್ರಿಯತೆ ಗಳಿಸಿಲ್ಲ.

ಒಲಿಂಪಿಯನ್ ಗಳು ರೆಸ್ಲಿಂಗ್ ಅಖಾಡಕ್ಕೆ ಇಳಿಯುವುದು ಕೂಡಾ ಹೊಸ ವಿಷಯವಲ್ಲ ಈ ಹಿಂದೆ ಅಮೆರಿಕದ ಒಲಿಂಪಿಕ್ಸ್ ಪದಕ ವಿಜೇತ ಕರ್ಟ್ ಆಂಗಲ್, ಮಾರ್ಕ್ ಹೆನ್ರಿ ಅವರು ಡಬ್ಲ್ಯುಡಬ್ಲ್ಯುಇಯಲ್ಲಿ ಒಳ್ಳೆ ಹೆಸರು ಮಾಡಿದರು. ಸುಶೀಲ್ ಅವರು 2017ರಲ್ಲಿ ಕಣಕ್ಕಿಳಿಯಲಿದ್ದು, ತಮ್ಮ ಮೊದಲ ಪಂದ್ಯದಲ್ಲಿ ಡಬ್ಲ್ಯುಡಬ್ಲ್ಯುಇ ಸೂಪರ್ ಸ್ಟಾರ್ ಜಾನ್ ಸಿನಾ ಮತ್ತು ರೋಮನ್ ರೈನ್ಸ್​ರನ್ನು ಎದುರಿಸುವ ಸಾಧ್ಯತೆ ಇದೆ.(ಒನ್ ಇಂಡಿಯಾ ಸುದ್ದಿ)

For Quick Alerts
Subscribe Now
For Quick Alerts
ALLOW NOTIFICATIONS
For Daily Alerts

Story first published: Sunday, October 16, 2016, 16:01 [IST]
Other articles published on Oct 16, 2016
Read in English: Sushil Kumar to join WWE?
POLLS
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Mykhel sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Mykhel website. However, you can change your cookie settings at any time. Learn more