ನವದೆಹಲಿ, ಡಿಸೆಂಬರ್ 11: ಭಾರತದ ಬಿಲ್ಲುಗಾರ್ತಿ ದೀಪಿಕಾ ಕುಮಾರಿ ಅವರು ದಾಂಪತ್ಯ ಜೀವನಕ್ಕೆ ಕಾಲಿರಿಸಲು ಸಜ್ಜಾಗಿದ್ದಾರೆ. ಮಂಗಳವಾರ (ಸೋಮವಾರ ಡಿ. 10) ಅವರ ನಿಶ್ಚಿತಾರ್ಥವು ಬಿಲ್ಲುಗಾರಿಕೆ ಕ್ರೀಡಾಪಟು ಅತನು ದಾಸ್ ಅವರೊಂದಿಗೆ ನೆರವೇರಿದೆ. ಮುಂದಿನ ವರ್ಷ ದೀಪಿಕಾ ವಿವಾಹ ನಡೆಯಲಿದೆ.
ಪರ್ತ್ ನೆಲ ಆಸ್ಟ್ರೇಲಿಯಾಕ್ಕೆ ಬಲ, ಭಾರತ ಗೆಲ್ಲಲು ಸಾಧ್ಯವಿಲ್ಲ: ಪಾಂಟಿಂಗ್
ಆಕರ್ಷಕ ದಿರಿಸು ಧರಿಸಿದ್ದ 24ರ ಹರೆಯದ ದೀಪಿಕಾ ಅವರು 26ರ ಹರೆಯದ ಅತನು ಅವರೊಂದಿಗೆ ನಿಶ್ಚಿತಾರ್ಥದ ಅಂಗವಾಗಿ ನಡೆದ ಸಾಂಪ್ರದಾಯಿಕ ಪೂಜೆಯಲ್ಲಿ ಸೋಮವಾರ (ಡಿಸೆಂಬರ್ 10) ಪಾಲ್ಗೊಂಡರು. ಕಾರ್ಯಕ್ರಮದಲ್ಲಿ ಜಾರ್ಖಂಡ್ ಮಾಜಿ ಮುಖ್ಯಮಂತ್ರಿ ಅರ್ಜುನ್ ಮುಂಡಾ ಮತ್ತವರ ಪತ್ನಿ ಮೀರಾ ಮುಂಡಾ ಪಾಲ್ಗೊಂಡಿದ್ದರು.
Indian Archers #DeepikaKumari and #AtanuDas got engaged yesterday in a private ceremony held at Deepika's village Ratu Chatti in Ranchi, Jharkhand. The duo is set to marry in November 2019. Congratulations to both of you!!! #IndianGoldenGirl #Archery @ArcherAtanu @worldarchery pic.twitter.com/ebMyQ7ovNP
— Flying Birds Sports (@Flyingbirds18) December 11, 2018
ನಿಶ್ಚಿತಾರ್ಥ ಕಾರ್ಯಕ್ರಮದ ಬಳಿಕ ಆರ್ಚರ್ಗಳಾದ ದೀಪಿಕಾ-ಅತನು ಮಾತನಾಡಿ, ' ಒಲಿಂಪಿಕ್ಸ್ ಅರ್ಹತೆ ಗಿಟ್ಟಿಸಿಕೊಳ್ಳುವ ಸಲುವಾಗಿ 2019ರಲ್ಲಿ ಕೊಂಚ ಬ್ಯುಸಿಯಾಗಲಿದ್ದೇವೆ. ಮುಂದಿನ ವರ್ಷ ಬಹುಶಃ ನವೆಂಬರ್ನಲ್ಲಿ ಮದುವೆಯಾಗಲಿದ್ದೇವೆ' ಎಂದು ತಿಳಿಸಿದ್ದಾರೆ.
ಕಾಮನ್ವೆಲ್ತ್ ಡಿಸ್ಕಸ್ ಥ್ರೋನಲ್ಲಿ ಚಿನ್ನ ಗೆದ್ದಿದ್ದಾಕೆ ಈಗ ಕಾಂಗ್ರೆಸ್ ಶಾಸಕಿ
ರಿಯೋ ಒಲಿಂಪಿಕ್ಸ್ ನಲ್ಲಿ ಮಹಿಳಾ ಬಿಲ್ಲುಗಾರಿಕೆಯಲ್ಲಿ ಭಾರತವನ್ನು ಪ್ರತಿನಿಧಿಸಿದ್ದ ದೀಪಿಕಾ, ಕಾಮನ್ವೆಲ್ತ್ ಗೇಮ್ಸ್ ನಲ್ಲಿ ಬಂಗಾರ ಗೆದ್ದಿದ್ದ ಸಾಧಕಿ. ವಿಶ್ವ ನಂ.1 ಆಟಗಾರ್ತಿಯಾಗಿಯೂ ಆಗಿ ಗುರುತಿಸಿಕೊಂಡಿದ್ದ ದೀಪಿಕಾ ಸದ್ಯ ವಿಶ್ವ ರ್ಯಾಂಕಿಂಗ್ನಲ್ಲಿ 5ನೇ ಸ್ಥಾನದಲ್ಲಿದ್ದಾರೆ.