ನವದೆಹಲಿ, ಫೆಬ್ರವರಿ 27: ಭಾರತದ ಪ್ರತಿಭಾನ್ವಿತ ಶೂಟರ್ಗಳಾದ ಮನು ಭಾಕರ್ ಮತ್ತು ಸೌರಭ್ ಚೌಧರಿ ಜೋಡಿ ನವದೆಹಲಿಯಲ್ಲಿ ನಡೆದ (ಇಂಟರ್ ನ್ಯಾಷನಲ್ ಶೂಟಿಂಗ್ ಸ್ಪೋರ್ಟ್ಸ್ ಫೆಡರೇಶನ್) ವಿಶ್ವಕಪ್ ಕೂಟದ 10 ಮೀಟರ್ ಏರ್ ಪಿಸ್ತೂಲ್ ಮಿಕ್ಸ್ಡ್ ಟೀಮ್ ಸ್ಪರ್ಧೆಯಲ್ಲಿ ಭಾರತಕ್ಕೆ ಬಂಗಾರದ ಪದಕ ಗೆದ್ದಿದ್ದಾರೆ.
ಭಾರತ vs ಪಾಕಿಸ್ತಾನ: ಎಲ್ಲಾ ಪಂದ್ಯಗಳೂ ಮುಖ್ಯ ಎಂದ ಜೂಲನ್ ಗೋಸ್ವಾಮಿ
ಒಟ್ಟು 483.5 ಪಾಯಿಂಟ್ ಕಲೆ ಹಾಕಿದ ಭಾರತದ ಯುವ ಟೂಟರ್ಗಳ ಜೋಡಿ ಮೊದಲ ಸ್ಥಾನವನ್ನು ಗೆದ್ದುಕೊಂಡಿತು. ಟೂರ್ನಿಯಲ್ಲಿ ಭಾರತಕ್ಕೆ ಲಭಿಸುತ್ತಿರುವ ಮೂರನೇ ಬಂಗಾರದ ಪದಕವಿದು. ಇದಕ್ಕೂ ಮುನ್ನ ಅಪೂರ್ವಿ ಚಂದೇಲ, ಸೌರಭ್ ಚೌಧರಿ ವೈಯಕ್ತಿಕ ವಿಭಾಗದ ಸ್ಪರ್ಧೆಯಲ್ಲಿ ದೇಶಕ್ಕೆ ಚಿನ್ನದ ಪದಕ ತಂದಿದ್ದರು.
India finishes with style at #ISSFWorldCup2019 ,Delhi. India 1 team comprising Manu BHAKER & SAURABH Chaudhary wins GOLD medal of 10M AIR PISTOL MIXED TEAM #Shooting event at #ISSFWorldCup2019 ,Delhi. pic.twitter.com/LUt95T6aNK
— Finishing touch (@tanmoy_sports) February 27, 2019
ಈ ವಿಭಾಗದ ಸ್ಪರ್ಧೆಯಲ್ಲಿ 477.7 ಅಂಕ ಗಳಿಸಿದ ಚೀನಾದ ರಾಂಕ್ಸಿನ್ ಜಿಯಾಂಗ್ ಮತ್ತು ಬೊವೆನ್ ಜಾಂಗ್ ಜೋಡಿ ಬೆಳ್ಳಿ ಜಯಿಸಿದರೆ, ಕೊರಿಯಾದ ಮಿನ್ಜುಂಗ್ ಕಿಮ್ ಮತ್ತು ಡೇಹನ್ ಪಾರ್ಕ್ 418.8 ಪಾಯಿಂಟ್ಗಳೊಂದಿಗೆ ಕಂಚಿಗೆ ತೃಪ್ತಿಪಟ್ಟರು.