ಅಭಿಮಾನಿಗೆ ಸ್ಕರ್ಟ್ ತೊಡಿಸಿದ ಸ್ಟಾರ್ ಆಟಗಾರ್ತಿ ಕಿಮ್

ವಿಂಬಲ್ಡನ್, ಜುಲೈ 15: ವಿಂಬಲ್ಡನ್ ನಲ್ಲಿ ಬಿಳಿ ಉಡುಪು ವಸ್ತ್ರಸಂಹಿತೆ ಕಡ್ಡಾಯವಾಗಿರುವುದು ಗೊತ್ತಿರುವ ವಿಷಯ. ಬೆಲ್ಜಿಯಂನ ಟೆನಿಸ್ ಆಟಗಾರ್ತಿ ಕಿಮ್ ಕ್ಲೈಸ್ಟರ್ಸ್, ಅಭಿಮಾನಿಯೊಬ್ಬನಿಗೆ ಬಿಳಿ ಸ್ಕರ್ಟ್ ತೊಡಿಸಿದ ಪ್ರಸಂಗ ನಡೆದಿದೆ.

ಮಹಿಳೆಯರ ಡಬಲ್ಸ್ ಪ್ರದರ್ಶನ ಪಂದ್ಯದ ವೇಳೆ ಕಿಮ್ ಕ್ಲೈಸ್ಟರ್ಸ್ ಮ್ಯಾಚ್ ಪಾಯಿಂಟ್ ಗಾಗಿ ಸರ್ವ್ ಮಾಡಬೇಕಿತ್ತು. ಈ ವೇಳೆ ಅಭಿಮಾನಿಗಳಿಗೆ ಒಂದಷ್ಟು ಮನರಂಜನೆ ನೀಡುವ ನಿಟ್ಟಿನಲ್ಲಿ ಪ್ರೇಕ್ಷಕರ ಗ್ಯಾಲರಿಯತ್ತ ತಿರುಗಿ ಮ್ಯಾಚ್ ಪಾಯಿಂಟ್ ಗೆ ಯಾವ ಕಡೆ ಸರ್ವ್ ಮಾಡಲಿ ಅಂತಾ ಕೇಳುತ್ತಾರೆ.

ವೀಕ್ಷಕರ ಗ್ಯಾಲರಿಯಲ್ಲಿ ಕುಳಿತಿದ್ದ ಪುರುಷನೊಬ್ಬ 'ಬಾಡಿ' ಅಂತಾ ಕೂಗಿದ್ದ. ಕೂಡಲೇ ಅವನನ್ನು ಅಂಗಳದೊಳಗೆ ಕಿಮ್ ಕರೆದರು.
ಪಂದ್ಯ ಆಡಲು ಯೂನಿಫಾರ್ಮ್ ಕಡ್ಡಾಯವಾಗಿತ್ತು. ಆದ್ರೆ ಆತ ಹಸಿರು ಶರ್ಟ್ ಹಾಗೂ ನೀಲಿ ಶಾರ್ಟ್ಸ್ ಧರಿಸಿದ್ದ. ಕೂಡಲೇ ಕಿಮ್ ತಮ್ಮ ಬ್ಯಾಗ್ ನಲ್ಲಿದ್ದ ಬಿಳಿ ಸ್ಕರ್ಟ್ ಒಂದನ್ನು ತಂದಿದ್ದಾರೆ.

"That's a man. In a skirt. Trying to return Kim Clijsters' serve"

Always expect the unexpected in the invitation doubles...#Wimbledon pic.twitter.com/lsArQJe4Rg

— Wimbledon (@Wimbledon) July 14, 2017

ಅದನ್ನು ಅಭಿಮಾನಿಗೆ ತೊಡಿಸಿದ್ದಾರೆ. ಆತ ದಪ್ಪಗಿದ್ದಿದ್ರಿಂದ ಸ್ಕರ್ಟ್ ಸುಲಭವಾಗಿ ಮೇಲಕ್ಕೆ ಏರಲಿಲ್ಲ. ಆದ್ರೂ ಕಷ್ಟಪಟ್ಟು ಹಾಕಿಕೊಂಡ. ಇದನ್ನೆಲ್ಲ ನೋಡಿ ಪ್ರೇಕ್ಷಕರು ನಗೆಗಡಲಲ್ಲಿ ಮುಳುಗಿದ್ರು. ಕಿಮ್ ಕ್ಲೈಸ್ಟರ್ಸ್ ಕೂಡ ಈ ಕ್ಷಣವನ್ನು ಎಂಜಾಯ್ ಮಾಡಿದ್ರು.