ನವದೆಹಲಿ, ಮೇ 12 : ಇಲ್ಲಿ ಗುರುವಾರ ಆರಂಭಗೊಂಡ ಇಂಡಿಯನ್ ಗ್ರ್ಯಾಂಡ್ಪ್ರಿಕ್ಸ್ ಅಥ್ಲೆಟಿಕ್ಸ್ ಕೂಟದ 400 ಮೀಟರ್ ಓಟದ ಸ್ಪರ್ಧೆಯಲ್ಲಿ ಕರ್ನಾಟಕದ ಎಂ ಆರ್ ಪೂವಮ್ಮ ಚಿನ್ನ ಗೆದ್ದರು.
ಆದರೆ, ನಿಗದಿತ ಸಮಯಕ್ಕಿಂತ ಗುರಿಮುಟ್ಟದೆ ವಿಶ್ವ ಚಾಂಪಿಯನ್ ಷಿಪ್ ಗೆ ಅರ್ಹತೆ ಪಡೆಯಲು ವಿಫಲರಾಗಿ ನಿರಾಸೆಗೊಳಗಾದರು.
ಪೂವಮ್ಮ ಚಿನ್ನ ಗೆದ್ದರೂ ನಿಗದಿತ ಸಮಯಕ್ಕಿಂತ ಗುರಿಮುಟ್ಟದೆ ವಿಶ್ವ ಚಾಂಪಿಯನ್ ಷಿಪ್ ಗೆ ಅರ್ಹತೆ ಪಡೆಯಲು ವಿಫಲರಾದರು. ಜವಾಹರ್ಲಾಲ್ ನೆಹರೂ ಕ್ರೀಡಾಂಗಣದಲ್ಲಿ ನಡೆದ ಸ್ಪರ್ಧೆಯಲ್ಲಿ 52.66 ಸೆಕೆಂಡಿನಲ್ಲಿ ಗುರಿ ತಲುಪಿದ ಪೂವಮ್ಮ ಕೂದಲೆಳೆ ಅಂತರದಲ್ಲಿ ಕೇರಳದ ಜಿಸ್ನಾ ಮ್ಯಾಥ್ಯೂ (52.67ಸೆ) ಅವರನ್ನು ಹಿಂದಿಕ್ಕಿ ಚಿನ್ನಕ್ಕೆ ಮುತ್ತಿಕ್ಕಿದರು.
ಕೇವಲ 16 ಸೆಕೆಂಡ್ ಅಂತರದಲ್ಲಿ ಪೂವಮ್ಮ ವಿಶ್ವ ಚಾಂಪಿಯನ್ ಷಿಪ್ ಗೆ ಅರ್ಹತೆ ಪಡೆಯಲು ವಿಫಲರಾದರು. ಪಶ್ಚಿಮ ಬಂಗಾಳದ ದೇಬಶ್ರೀ ಮಜುಂದಾರ್ ಕಂಚಿನ ಪದಕಕ್ಕೆ ತೃಪ್ತಿಪಟ್ಟುಕೊಂಡರು.
ಪುರುಷರ 400 ಮೀ ಓಟದಲ್ಲಿ ತಮಿಳುನಾಡಿನ ರಾಜೀವ ಆರೋಕ (46.94ಸೆ) ಚಿನ್ನ ಗೆದ್ದರು. ಬೆಳ್ಳಿ ಮತ್ತು ಕಂಚಿನ ಪದಕ ಕ್ರಮವಾಗಿ ದೆಹಲಿಯ ಅಮೋಜ್ ಜೇಕಬ್ ಮತ್ತು ಸಚಿನ್ ರಾಬಿ ಗಳಿಸಿದರು.