ಮುಂಬೈ, ಜನವರಿ 20: ಭಾನುವಾರ (ಜನವರಿ 19) ನಡೆದ 'ಮುಂಬೈ ಮ್ಯಾರಥಾನ್ 2020' ಓಟದ ಸ್ಪರ್ಧೆ ವೇಳೆ ರೇಸ್ ಓಡುತ್ತಿದ್ದ ಸ್ಪರ್ಧಿ ಅಸುನೀಗಿದ ಘಟನೆ ವರದಿಯಾಗಿದೆ. ಹೃದಯಾಘಾತದಿಂದಾಗಿ 64 ವರ್ಷದ ವ್ಯಕ್ತಿಯೊಬ್ಬರು ಓಟದ ಮಧ್ಯೆ ಸಾವನ್ನಪ್ಪಿದ್ದಾರೆ.
ಹೇಡನ್-ಗಿಲ್ಕ್ರಿಸ್ಟ್ ದಾಖಲೆ ಮುರಿದ ರೋಹಿತ್ ಶರ್ಮಾ-ವಿರಾಟ್ ಕೊಹ್ಲಿ!
ಮಹಾರಾಷ್ಟ್ರದ ಪಾಲ್ಘರ್ ಜಿಲ್ಲೆಯಲ್ಲಿರುವ ನಲಸೋಪರ ಎಂಬಲ್ಲಿ ವಾಸವಿದ್ದ ಗಜೇಂದ್ರ ಮಂಜಲ್ಕರ್ ಎಂದು ಮೃತ ವ್ಯಕ್ತಿಯನ್ನು ಗುರುತಿಸಲಾಗಿದೆ. ಸುಮಾರು 4 ವರ್ಷಗಳಿಂದಲೂ ಮ್ಯಾರಥಾನ್ ಸ್ಪರ್ಧೆಯಲ್ಲಿ ಪಾಲ್ಗೊಳ್ಳುತ್ತಿದ್ದ ಉತ್ಸಾಹಿ ಅಜ್ಜ, ಭಾನುವಾರ ಬೆಳಗಿನ ರೇಸ್ನಲ್ಲಿ ಓಡುತ್ತ ಕೊನೆಯುಸಿರೆಳೆದಿದ್ದಾರೆ ಎಂದು ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.
ಮ್ಯಾರಥಾನ್ ರೇಸ್ ಓಡುತ್ತ ಕುಸಿದುಬಿದ್ದ ಮಂಜಲ್ಕರ್ ಅವರನ್ನು ದಕ್ಷಿಣ ಮುಂಬೈನಲ್ಲಿರುವ ಬಾಂಬೆ ಆಸ್ಪತ್ರೆಗೆ ಕೊಂಡೊಯ್ಯಲಾಯಿತು. ಮಂಜಲ್ಕರ್ನನ್ನು ಕೊಂಡೊಯ್ಯುವಾಗ ಆತ ದಾರಿ ಮಧ್ಯೆಯೇ ಮೃತರಾಗಿರುವುದಾಗಿ ಆಸ್ಪತ್ರೆಯ ವೈದ್ಯಾಧಿಕಾರಿ ತಿಳಿಸಿದ್ದಾರೆ.
ಕ್ರೀಡಾಪಟುವಾಗಿದ್ದು ಕೆಲಸಹುಡುಕುತ್ತಿದ್ದೀರಾ? ಕಳೆದುಕೊಳ್ಳದಿರಿ ಈ ಅವಕಾಶ
ಬಾಂಬೆ ಆಸ್ಪತ್ರೆಯಲ್ಲಿ ವೈದ್ಯಕೀಯ ಸಲಹೆಗಾರರಾಗಿರುವ ಡಾ. ಗೌತಮ್ ಧನ್ಸಾಲಿ ಮೃತರ ಬಗ್ಗೆ ಮಾತನಾಡುತ್ತ, ಮ್ಯಾರಥಾನ್ ಸ್ಪರ್ಧಿಗಳಲ್ಲಿ ಸುಮಾರು 10-12 ಮಂದಿ ಡಿ-ಹೈಡ್ರೇಶನ್ ಕೂಡ ಸೇರಿ ಬೇರೆ ಬೇರೆ ಸಮಸ್ಯೆಗಳಿಗಾಗಿ ಇದೇ ಆಸ್ಪತ್ರೆಗೆ ದಾಖಲಾಗಿದ್ದಾಗಿ ವಿವರಿಸಿದರು.