#Karnataka swimmer Aneesh Gowda emerges the most successful athlete in the SBI #KIYG2021, winning his sixth gold medal 🥇at the War Heroes Swimming Pool in Ambala on Sunday🤩
— Khelo India (kheloindia) June 12, 2022
Proud of You Aneesh👏#KheloIndia #UmeedSeYakeenTakddsportschannel Dream11 PIBBengaluru pic.twitter.com/WbZLOQin7l
ಅನೀಶ್ ಗೌಡ ಸಾಧನೆಯನ್ನು ಕೊಂಡಾಡಿ ಟ್ವೀಟ್ ಮಾಡಿದ್ದ ಖೇಲೋ ಇಂಡಿಯಾ
ಕಳೆದ ಜೂನ್ ತಿಂಗಳ 12ರಂದು ಅಂಬಾಲದಲ್ಲಿ ನಡೆದಿದ್ದ ಖೇಲೋ ಇಂಡಿಯಾ ಯೂತ್ ಗೇಮ್ಸ್ 2021ರ ಕ್ರೀಡಾಕೂಟದಲ್ಲಿ ಭಾಗವಹಿಸಿದ್ದ ಅನೀಶ್ ಗೌಡ 6 ಚಿನ್ನದ ಪದಕಗಳನ್ನು ಗೆದ್ದು ಟೂರ್ನಿಯ ಅತಿ ಯಶಸ್ವಿಯುತ ಕ್ರೀಡಾಪಟುವಾಗಿ ಹೊರಹೊಮ್ಮಿದ್ದರು. ಹೀಗೆ ಅನೀಶ್ ಗೌಡ ಮಾಡಿದ ಸಾಧನೆಯನ್ನು ತನ್ನ ಅಧಿಕೃತ ಟ್ವಿಟ್ಟರ್ ಖಾತೆಯಲ್ಲಿ ಬರೆದುಕೊಂಡಿರುವ ಖೇಲೋ ಇಂಡಿಯಾ ಅನೀಶ್ ಪದಕಗಳ ಜತೆಗಿರುವ ಫೋಟೋವನ್ನು ಹಂಚಿಕೊಂಡು, ಪ್ರೌಡ್ ಆಫ್ ಯು ಅನೀಶ್ ಎಂದು ಬರೆದುಕೊಂಡಿತ್ತು.
ಸ್ಟೇಟ್ ಮೀಟ್ ಜ್ಯೂನಿಯರ್ ಚಾಂಪಿಯನ್ಶಿಪ್ ಕ್ರೀಡಾಕೂಟದಲ್ಲಿ 8 ಪದಕ ಗೆದ್ದಿದ್ದ ಅನೀಶ್
ಡೆಲ್ಲಿ ಪಬ್ಲಿಕ್ ಸ್ಕೂಲ್ ಬೆಂಗಳೂರಿನ ದಕ್ಷಿಣ ವಿಭಾಗದಲ್ಲಿ ವ್ಯಾಸಾಂಗ ಮಾಡುತ್ತಿರುವ ಅನೀಶ್ ಗೌಡ 2021ರ ಮಾರ್ಚ್ 5ರಿಂದ 7ರವರೆಗೆ ನಡೆದಿದ್ದ ಕರ್ನಾಟಕ ಸ್ಟೇಟ್ ಮೀಟ್ ಜ್ಯೂನಿಯರ್ ಚಾಂಪಿಯನ್ಶಿಪ್ ಕ್ರೀಡಾಕೂಟದಲ್ಲಿ ವೈಯಕ್ತಿಕ ಹಾಗೂ ಗ್ರೂಪ್ ರಿಲೆ ವಿಭಾಗಗಳಲ್ಲಿ ಭಾಗವಹಿಸಿದ್ದರು. ವೈಯಕ್ತಿಕವಾಗಿ 3 ಚಿನ್ನದ ಪದಕ ಹಾಗೂ 2 ಬೆಳ್ಳಿ ಪದಕಗಳನ್ನು ಗೆದ್ದ ಅನೀಶ್ ಗೌಡ ರಿಲೇ ಟೀಮ್ ವಿಭಾಗದಲ್ಲಿ 1 ಬೆಳ್ಳಿ ಹಾಗೂ 2 ಕಂಚಿನ ಪದಕಗಳನ್ನು ಗೆದ್ದಿದ್ದರು.
ಅನೀಶ್ ಇತರೆ ಸಾಧನೆಗಳ ಪಟ್ಟಿ
• ಕಳೆದ ಜೂನ್ ತಿಂಗಳಿನಲ್ಲಿ ಸಿಂಗಾಪುರದಲ್ಲಿ ನಡೆದ ನ್ಯಾಶನಲ್ ಸ್ವಿಮ್ಮಿಂಗ್ ಚಾಂಪಿಯನ್ಶಿಪ್ ಕ್ರೀಡಾಕೂಟದಲ್ಲಿ 200 ಮೀಟರ್ ಫ್ರೀಸ್ಟೈಲ್ ಇವೆಂಟ್ ವಿಭಾಗದಲ್ಲಿ ಭಾಗವಹಿಸಿದ್ದ ಅನೀಶ್ ಗೌಡ ಚಿನ್ನದ ಪದಕವನ್ನು ಗೆದ್ದಿದ್ದರು.
• 2021ರ ಅಕ್ಟೋಬರ್ ತಿಂಗಳಿನಲ್ಲಿ ಬೆಂಗಳೂರಿನಲ್ಲಿ ನಡೆದಿದ್ದ ಜೂನಿಯರ್ ನ್ಯಾಷನಲ್ ಅಕ್ವಾಟಿಕ್ ಚಾಂಪಿಯನ್ಶಿಪ್ ಕ್ರೀಡಾಕೂಟದಲ್ಲಿ ಭಾಗವಹಿಸಿದ್ದ ಅನೀಶ್ ಗೌಡ 200 ಮೀಟರ್ ಸುತ್ತಿನಲ್ಲಿ ಬೆಳ್ಳಿ ಪದಕವನ್ನು ಗೆದ್ದಿದ್ದರು. ಅನೀಶ್ ಗೌಡ 1 ನಿಮಿಷ 53.54 ಸೆಕೆಂಡುಗಳಲ್ಲಿ ಅಂತರವನ್ನು ಪೂರೈಸಿದ್ದರು.