ಬೆಂಗಳೂರು, ಅಕ್ಟೋಬರ್ 5: ಬೆಂಗಳೂರಿನಲ್ಲಿ ನಡೆದ ರಿಲಯಾನ್ಸ್ ಫೌಂಡೇಶನ್ ಯೂತ್ ಸ್ಪೋರ್ಟ್ಸ್ (ಆರ್ಎಫ್ವೈಎಸ್) ಅಥ್ಲೆಟಿಕ್ಸ್ 2018-19ರ ಸೀಸನ್ ನಲ್ಲಿ ಮಿಂಚಿನ ಓಟಗಾರ್ತಿಯಾಗಿ ಮಿಂಚಿದ್ದ ನಿಯೋಲ್ ಆ್ಯನ್ನಾ ಕಾರ್ನೆಲಿಯಾ ಅವರು ರಾಷ್ಟ್ರೀಯ ದಾಖಲೆಯನ್ನು ನಿರ್ಮಿಸಿದ್ದಾರೆ (ಚಿತ್ರ ಕೃಪೆ: ಆರ್ಎಫ್ವೈಎಸ್).
ಅಂತಾರಾಷ್ಟ್ರೀಯ ಟೆಸ್ಟ್ ನ ಚೊಚ್ಚಲ ಶತಕ ಬಾರಿಸಿದ ರವೀಂದ್ರ ಜಡೇಜಾ!
ಬೆಂಗಳೂರಿನ ಫ್ರಾನ್ಸಿಸ್ ಕ್ಸೇವಿಯರ್ ಗರ್ಲ್ಸ್ ಪ್ರೌಢಶಾಲೆಯವರಾದ 13ರ ಹರೆಯದ ನಿಯೋಲ್, ಆರ್ಎಫ್ವೈಎಸ್ ಚಾಂಪಿಯನ್ ಶಿಪ್ ನಲ್ಲಿ ಬಾಲಕಿಯರ ಸಬ್ ಜೂನಿಯರ್ ವಿಭಾಗದ (ಅಂಡರ್- 14) 100 ಮೀಟರ್ ಓಟವನ್ನು 12.72 ಸೆ. ಕಾಲಾವಧಿಯಲ್ಲಿ ಮುಗಿಸುವುದರೊಂದಿಗೆ ಚಿನ್ನಕ್ಕೆ ಕೊರಳೊಡ್ಡಿದ್ದರು. ನಿಯೋಲ್ ದಾಖಲೆ ಅಥ್ಲೆಟಿಕ್ಸ್ ಫೆಡರೇಶನ್ ಆಫ್ ಇಂಡಿಯಾದಿಂದ ಅನುಮೋದಿಸಲ್ಪಟ್ಟಿದೆ.
Neole Cornelio arrived on the Track and Field stage in national record time 🏃♀⏱
— RF Youth Sports (@RFYouthSports) September 27, 2018
Take a look at the speedster's achievement that earned her a mention in the RFYS books 👏🏼 #LeaveNoTalentBehind #LetsPlay pic.twitter.com/6yJHoSUqrR
ಇದೇ ವಿಭಾಗದಲ್ಲಿ 2010 ಡಿಸೆಂಬರ್ 2ರಂದು ಕೇರಳದಲ್ಲಿ ನಡೆದಿದ್ದ ಕ್ರೀಡಾಕೂಟದಲ್ಲಿ 100 ಮೀ. ಓಟವನ್ನು 12.73 ಸೆ. ಕಾಲಾವಧಿಯಲ್ಲಿ ಮುಗಿಸುವ ಮೂಲಕ ಮಜಿಧ ನವ್ರಿನ್ ಎ ಅವರು ಹೊಸ ರಾಷ್ಟ್ರೀಯ ದಾಖಲೆ ನಿರ್ಮಿಸಿದ್ದರು. ಆದರೆ ಆ ದಾಖಲೆಯನ್ನು ನಿಯೋಲ್ ಸರಿಗಟ್ಟಿದ್ದಾರೆ. ವಿವಿಧ ಶಾಲಾ ಕಾಲೇಜುಗಳ ಸುಮಾರು 1200 ವಿದ್ಯಾರ್ಥಿಗಳು ಈ ಕ್ರೀಡಾಕೂಟದಲ್ಲಿ ಭಾಗವಹಿಸಿದ್ದರು.