ಕರಾಚಿ, ಮಾರ್ಚ್ 30: ಕೊರೊನಾವೈರಸ್ನಿಂದಾಗಿ ಪಾಕಿಸ್ತಾನ ಸ್ಕ್ವಾಶ್ ದಂತಕತೆ ಅಝಾಮ್ ಅಲಿ ಖಾನ್ ಮೃತದಾಗಿದ್ದಾರೆ. ಲಂಡನ್ನಲ್ಲಿ ಕೊನೆಯುಸಿರೆಳೆದಿರುವ ಖಾನ್ಗೆ 95 ವರ್ಷ ವಯಸ್ಸಾಗಿತ್ತು. ಕಳೆದ ವಾರ ಪರೀಕ್ಷೆಯ ವೇಳೆ ಖಾನ್ಗೆ ಕೋವಿಡ್-19 ಇದ್ದಿದ್ದು ಪತ್ತೆಯಾಗಿತ್ತು.
ಗೇಲ್, ಕೊಹ್ಲಿಯಿಲ್ಲ: ಐಪಿಎಲ್ನಲ್ಲಿ ಹಾಗ್ ಮೆಚ್ಚಿದ 3 ಪವರ್ಪ್ಲೇ ಬ್ಯಾಟ್ಸ್ಮನ್ಗಳು!
1959ರಿಂದ 1961ರ ಅವಧಿಯಲ್ಲಿ ಅಝಾಮ್ ಖಾನ್ ಯಶಸ್ವಿಯಾಗಿ ಬ್ರಿಟಿಷ್ ಓಪನ್ ಪ್ರಶಸ್ತಿ ಜಯಿಸಿದ್ದ ಹೆಗ್ಗಳಿಕೆ ಹೊಂದಿದ್ದರು. ಮಾರಕ ಕೊರೊನಾವೈರಸ್ ತಲುಲಿದ್ದ ಅವರು ಚಿಕಿತ್ಸೆ ಫಲಕಾರಿಯಾಗದೆ ಶನಿವಾರ (ಮಾರ್ಚ್ 28) ಲಂಡನ್ನ ಈಲಿಂಗ್ ಆಸ್ಪತ್ರೆಯಲ್ಲಿ ನಿಧನರಾಗಿದ್ದಾರೆ ಎಂದು ಅವರ ಕುಟುಂಬಸ್ಥರು ಮಾಹಿತಿ ನೀಡಿದ್ದಾರೆ.
ಟೀಮ್ ಇಂಡಿಯಾವನ್ನು ಯಾವತ್ತೂ ಮುನ್ನಡೆಸದ 3 ಸೂಪರ್ ಸ್ಟಾರ್ಗಳು ಇವರು
ಸ್ಕ್ವಾಶ್ ದಿಗ್ಗಜ ಹಾಶಿಮ್ ಖಾನ್ ಅವರ ಕಿರಿಯ ಸಹೋದರರಾಗಿರುವ ಅಝಾಮ್, ವಿಶ್ವದಾದ್ಯಂತ ಅತ್ಯುತ್ತಮ ಸ್ಕ್ವಾಶ್ ಆಟಗಾರರೆಂದು ಗುರುತಿಸಿಕೊಂಡವರು. ಮೊಣಕಾಲು ಗಾಯ ಮತ್ತು ತನ್ನ 14 ವರ್ಷದ ಮಗನ ದುರಂತಮಯ ಸಾವಿನಿಂದಾಗಿ ಖಾನ್ 1962ರಲ್ಲಿ ಆಟ ನಿಲ್ಲಿಸಿದ್ದರು.
ಪ್ರಧಾನಿ ಪರಿಹಾರ ನಿಧಿಗೆ ಬೆಂಬಲದ ಪ್ರತಿಜ್ಞೆ ಮಾಡಿದ ವಿರಾಟ್-ಅನುಷ್ಕಾ
ಗಂಭೀರವಾಗಿ ಗಾಯಗೊಂಡಿದ್ದ ಮೊಣಕಾಲು ಹೇಗೋ 2 ವರ್ಷಗಳ ಬಳಿಕ ಗುಣವಾಯಿತಾದರೂ ತನಗೆ ತನ್ನ ಮಗನ ಸಾವಿನಿಂದ ಇನ್ನೂ ಚೇತರಿಸಿಕೊಳ್ಳಲಾಗುತ್ತಿಲ್ಲ ಎಂದಿದ್ದ ಖಾನ್ ಅನಂತರ ಸ್ಕ್ವಾಶ್ ಆಡುವ ಗೋಜಿಗೇ ಹೋಗಿರಲಿಲ್ಲ. ಅಝಾಮ್ 1956ರಿಂದ ಯುನೈಟೆಡ್ ಕಿಂಗ್ಡಮ್ನಲ್ಲಿ ವಾಸವಿದ್ದರು.