ಇತ್ತೀಚೆಗಷ್ಟೇ ವಿಶ್ವದ ನಂಬರ್ 1 ಚೆಸ್ ಪ್ಲೇಯರ್ ಮ್ಯಾಗ್ನಸ್ ಕಾರ್ಲ್ಸನ್ರನ್ನೇ ಸೋಲಿಸಿದ್ದ ಗ್ರ್ಯಾಂಡ್ಮಾಸ್ಟರ್ ಆರ್. ಪ್ರಜ್ಞಾನಂದ ಸಾಧನೆಗೆ ಪ್ರಧಾನಿ ನರೇಂದ್ರ ಮೋದಿ ಅಭಿನಂದಿಸಿದ್ದಾರೆ. ಏರ್ಥಿಂಗ್ಸ್ ಮಾಸ್ಟರ್ಸ್ ಆನ್ಲೈನ್ ರ್ಯಾಪಿಡ್ ಟೆಸ್ಟ್ ಟೂರ್ನಿಯಲ್ಲಿ ಐತಿಹಾಸಿಕ ಸಾಧನೆ ಮಾಡಿದ ಪ್ರಜ್ಞಾನಂದ ಕಾರ್ಲ್ಸನ್ ಓಟಕ್ಕೆ ತಡೆಯೊಡ್ಡಿದ್ದನು.
ಟ್ವಿಟರ್ ಮೂಲಕ ಪ್ರಜ್ಞಾಾನಂದ ಸಾಧನೆಯನ್ನ ಶ್ಲಾಘಿಸಿರುವ ಮೋದಿ "ಯುವ ಪ್ರತಿಭೆ ಆರ್ ಪ್ರಜ್ಞಾಾನಂದ ಅವರ ಯಶಸ್ಸಿನ ಬಗ್ಗೆ ನಾನು ಉತ್ಸುಕನಾಗಿದ್ದೇನೆ. ಖ್ಯಾತ ಚೆಸ್ ಚಾಂಪಿಯನ್ ಮ್ಯಾಗ್ನಸ್ ಕಾರ್ಲ್ಸೆನ್ ವಿರುದ್ಧ ಗೆದ್ದಿದ್ದಕ್ಕೆ ನಾನು ಹೆಮ್ಮೆಪಡುತ್ತೇನೆ. ಪ್ರತಿಭಾವಂತ ಪ್ರಜ್ಞಾನಂದ ಅವರಿಗೆ ಉತ್ತಮ ಭವಿಷ್ಯವನ್ನು ನಾನು ಬಯಸುತ್ತೇನೆ." ಎಂದು ಪ್ರಧಾನಿ ನರೇಂದ್ರ ಮೋದಿ ಬರೆದಿದ್ದಾರೆ.
We are all rejoicing on the success of the young genius R Praggnanandhaa. Proud of his accomplishment of winning against the noted champion Magnus Carlsen. I wish the talented Praggnanandhaa the very best for his future endeavours. @rpragchess
— Narendra Modi (@narendramodi) February 23, 2022
ಏರ್ ಥಿಂಗ್ಸ್ ಮಾಸ್ಟರ್ಸ್ ನಲ್ಲಿ ಐದನೇ ಅತಿ ಕಿರಿಯ ಆಟಗಾರನಾಗಿರುವ 16ರ ಹರೆಯದ ಪ್ರಜ್ಞಾನಾನಂದ ಎಂಟನೇ ಸುತ್ತಿನಲ್ಲಿ ವಿಶ್ವದ ನಂಬರ್ ಒನ್ ಗ್ರ್ಯಾಂಡ್ ಮಾಸ್ಟರ್ ಕಾರ್ಲ್ ಸನ್ ಅವರನ್ನು ಅಚ್ಚರಿಗೊಳಿಸಿದರು.
16 ವರ್ಷದ ಪ್ರಜ್ಞಾನಂದ ಅತ್ಯದ್ಭುತವಾಗಿ 39 ನಡೆಗಳಲ್ಲಿ ನಾರ್ವೆಯ ಕಾರ್ಲ್ಸನ್ ಆಟಕ್ಕೆ ಬ್ರೇಕ್ ಹಾಕಿದ್ದನು. ಈ ಮೂಲಕ ಮೂರು ಗೇಮ್ ಗೆದ್ದು ಮುನ್ನಡೆದಿದ್ದ ಕಾರ್ಲ್ಸನ್ ಓಟಕ್ಕೆ ತಡೆಯೊಡ್ಡಿದ್ದನು.
ಕಾರ್ಲ್ಸೆನ್ರ ಸತತ ಮೂರು ಗೆಲುವಿನ ಓಟವನ್ನು ನಿಲ್ಲಿಸಲು ಸೋಮವಾರದ ಆರಂಭದಲ್ಲಿ ನಡೆದ ಟಾರ್ರಾಸ್ಚ್ ಬದಲಾವಣೆಯ ಆಟದಲ್ಲಿ ಪ್ರಜ್ಞಾನಂದ ಅವರು 39 ನಡೆಗಳಲ್ಲಿ ಕಪ್ಪು ಕಾಯಿಗಳೊಂದಿಗೆ ಗೆದ್ದರು. ಕಾರ್ಲ್ಸನ್ ಎದುರಿಸುವುದಕ್ಕೂ ಮೊದಲು ಎರಡು ಡ್ರಾ ಮತ್ತು ನಾಲ್ಕು ಪಂದ್ಯಗಳಲ್ಲಿ ಸೋಲನ್ನ ಕಂಡಿದ್ದ ಪ್ರಜ್ಞಾನಂದ ಸದ್ಯ ಎಂಟು ಸುತ್ತಿನ ಬಳಿಕ 8 ಪಾಯಿಂಟ್ಸ್ನೊಂದಿಗೆ ಜಂಟಿ 12ನೇ ಸ್ಥಾನದಲ್ಲಿದ್ದರು.
ಆದ್ರೆ ಈ ಆನ್ಲೈನ್ ರ್ಯಾಪಿಡ್ ಚೆಸ್ ಪಂದ್ಯಾವಳಿಯಲ್ಲಿ ಅವರು 11 ನೇ ಸ್ಥಾನ ಪಡೆದರು. ಈ ಪಂದ್ಯಾವಳಿಯಲ್ಲಿ ನಾಕೌಟ್ ಹಂತಕ್ಕೆ ಅರ್ಹತೆ ಪಡೆಯಲು ನೀವು ಅಗ್ರ ಎಂಟರೊಳಗೆ ಇರಬೇಕು. ಆದರೆ ಪ್ರಜ್ಞಾಾನಂದ 11ನೇ ಸ್ಥಾನ ಪಡೆದು ನಾಕೌಟ್ನಿಂದ ವಂಚಿತರಾದರು. ಆದಾಗ್ಯೂ, ಕಾರ್ಲ್ಸನ್ ಅವರನ್ನು ಸೋಲಿಸಿದ ನಂತರ, ಪ್ರಜ್ಞಾಾನಂದ ಎರಡು ಸುತ್ತುಗಳಲ್ಲಿ ಗೆದ್ದರು.
ಪ್ರಜ್ಞಾನಂದ ಸಾಧನೆಗೆ ಸಚಿನ್ ತೆಂಡೂಲ್ಕರ್ ಸೇರಿದಂತೆ ಕ್ರೀಡಾಲೋಕದ ಅನೇಕ ದಿಗ್ಗಜರು ಅಭಿನಂದಿಸಿದರು.