ರಿಯೋ ಡಿ ಜನೈರೋ, ಆಗಸ್ಟ್ 12: ಭಾರತದ ಅಗ್ರಗಣ್ಯ ಬಾಡ್ಮಿಂಟನ್ ಡಬಲ್ಸ್ ಜೋಡಿ ಅಶ್ವಿನಿ ಪೊನ್ನಪ್ಪ ಹಾಗೂ ಜ್ವಾಲಾ ಗುಟ್ಟಾ ಅವರು ರಿಯೋ ಒಲಿಂಪಿಕ್ಸ್ 2016 ರಿಂದ ಹೊರಬಿದ್ದಿದ್ದಾರೆ. ಎ ಗುಂಪಿನ ಎರಡನೇ ಪಂದ್ಯವನ್ನು ಶುಕ್ರವಾರ ಸೋಲುವ ಮೂಲಕ ಈ ಒಲಿಂಪಿಕ್ಸ್ ಗೆ ಗುಡ್ ಬೈ ಹೇಳಿದ್ದಾರೆ.
ರಿಯೋ ಒಲಿಂಪಿಕ್ಸ್ ವಿಶೇಷ ಪುಟ ಕ್ಲಿಕ್ಕಿಸಿ
ರಿಯೋದಲ್ಲಿ ಡಬಲ್ಸ್ ಬಾಡ್ಮಿಂಟನ್ ಪಂದ್ಯದಲ್ಲಿ ನೆದರ್ಲೆಂಡ್ಸ್ ನ ಇಫೆ ಮುಸ್ಕೆನ್ಸ್ ಹಾಗೂ ಸೆಲೆನಾ ಪೀಕ್ ಅವರ ವಿರುದ್ಧ ಭಾರತದ ಜೋಡಿ ಸೋಲು ಕಂಡಿದೆ. ಡಚ್ ಜೋಡಿ 21-16, 16-21, 21-17 ರಲ್ಲಿ ರಿಯೋಸೆಂಟ್ರೋ ಅರೀನಾದಲ್ಲಿ ಒಂದು ಗಂಟೆಗೂ ಅಧಿಕ ಕಾಲ ನಡೆದ ಪಂದ್ಯದಲ್ಲಿ ಜಯ ಗಳಿಸಿತು.[ಒಲಿಂಪಿಕ್ಸ್ ಪದಕ ವಿಜೇತರು: ಲಿಯಾಂಡರ್ ನಿಂದ ಸೈನಾ ತನಕ]
ಗುರುವಾರ ನಡೆದ ಮೊದಲ ಪಂದ್ಯವನ್ನು ಜಪಾನ್ ಜೋಡಿ ವಿರುದ್ಧ ಕಳೆದುಕೊಂಡಿದ್ದ ಅಶ್ವಿನಿ- ಜ್ವಾಲಾ ಅವರು ತಮ್ಮ ಲೀಗ್ ನ ಕೊನೆ ಪಂದ್ಯವನ್ನು ಥಾಯ್ಲೆಂಡಿನ ಪುಟ್ಟಿಟಾ ಸುಪಜಿರಕಲ್ ಹಾಗೂ ಸಪಸಿರಿ ತೆರತ್ತಾನಚಾಯಿ ವಿರುದ್ಧ ಆಡಲಿದ್ದಾರೆ. ನಾಲ್ವರು ಈಗಾಗಲೇ ಟೂರ್ನಿಯಿಂದ ಹೊರ ಬಿದ್ದಿದ್ದಾರೆ. [ಮೊದಲ ಪಂದ್ಯದಲ್ಲೇ ಜ್ವಾಲಾ- ಅಶ್ವಿನಿಗೆ ಸೋಲು]
ಎರಡು ಪಂದ್ಯ ಗೆದ್ದಿರುವ ಡಚ್ ಹಾಗೂ ಜಪಾನ್ ಜೋಡಿ ಕ್ವಾರ್ಟರ್ ಫೈನಲ್ ತಲುಪಿದ್ದಾರೆ. (ಐಎಎನ್ಎಸ್)